Осудени се полицајците од САД, кои убија момче кое барало помош на патот (ВИДЕО)

Двајца американски полицајци се осудени за убиство на 22-годишен млад човек на кого требало да му дадат помош откако самиот се јавил и побарал помош на патот.

Поранешните заменици на шерифот на округот Клир, Крик Ендрју Буено и Кајл Гулд се обвинети по пет месеци откако го убија 22-годишниот Кристијан Глас. Тие се обвинети за убиство од втор степен, злоупотреба на овластувањата и убиство од небрежност.

Двајцата биле отпуштени веднаш по поднесувањето на обвинението. Портпаролката на полицијата Никол Ленц рече дека „внатрешната истрага од канцеларијата на шерифот открила пропусти во политиката и процедурата“, додавајќи дека првичната изјава на канцеларијата по инцидентот „не го одразува она што се случи таа страшна ноќ“.

Вечерта на 10 јуни, Глас повикал полиција бидејќи автомобилот му се заглавил на насип. Видео снимките од камерите на телото на полицајците покажале дека Глас одбивал да излезе од својот автомобил, им рекол на полицајците дека е „исплашен“ и направил гест во облик на срце со рацете.

Полицајците се обиделе да го убедат да излезе од автомобилот. По повеќе од еден час преговори заклучиле дека Глас бил „некооперативен“ и го скршиле стаклото на совозачката страна и од возилото извадиле нож. Глас се понудил да ги фрли двата ножа низ прозорецот, но, како што се гледа од видеото, полицајците му рекле да не го прави тоа.

Откако полицајците го скршиле прозорецот, Глас во паника го грабнал вториот нож. Полицајците потоа го застрелале Глас со гумени куршуми и го шокирале со пиштол за шок. На видеото се гледа како Глас се врти на своето седиште и вперува нож кон полицаецот кој се приближува до задното возачко стакло. Потоа, другиот полицаец пукал од пиштолот, погодувајќи го Глас шест пати, според извештајот од обдукцијата.

За време на прес-конференцијата, мајката на Глас, Сали Глас, изјавила дека нејзиниот син страдал од депресија, дека му била дијагностицирана АДХД, дека тој ден најверојатно „имал психотична епизода“ и дека бил „преплашен“.

САД: Мал авион се урна во Нешвил, нема преживеани(видео)

Неколку лица загинаа во градот Нешвил, во американската сојузна држава Тенеси, кога мал авион се урна во близина на автопат, соопшти полицијата.

Како што се наведува, едномоторниот авион синоќа се урнал на тревна површина во западниот дел на градот, а потоа избил пожар во авионот.

Според полицискиот извештај, во авионот имало неколку лица и се верува дека сите загинале, а точниот број на жртви засега не е утврден, изјави портпаролот на полицијата.

На автопатот нема повредени возачи, а на терен нема оштетени возила или објекти.

Управата на аеродромот во Нешвил соопшти дека Националниот одбор за безбедност на транспортот и Федералната администрација за авијација на САД ќе спроведат истрага за инцидентот.

Димитријевиќ во симболичната петорка на колото во ВТБ лигата

ВТБ-лигата ја претстави својата идеална петорка за оваа недела. Во неа се најде и македонскиот репрезентативец Ненад Димитријевиќ.

Членот на УНИКС саботниот натпревар со Локомотив Кубан го заврши со 23 поени за 29 минути игра. УНИКС победи со 80:76.

Во петорката покрај Македонецот се и: Исаја Рис (Парма), Октавиус Елис (Уралмаш), Бојан Дубљевиќ (Зенит) и Џејмс Томпсон (Самара).

УНИКС Казан и ЦСКА Москва се на делба на првата позиција со 22 победи и шест порази.

НАТО - Индустриски ден во Македонија

Со членството на Македонија во НАТО се отвори можност за учество на македонските компании на НАТО-пазарот вреден околу 5 милијарди евра годишно. 

Министерката за одбрана Славјанка Петровска денеска ќе го отвори НАТО - Индустрискиот ден во Македонија на кој ќе учествуваат високи претставници на двете агенции на Алијансата - НАТО Агенцијата за поддршка и набавки (NSPA) и НАТО Агенцијата за комуникации и информации (NCIA). Ќе учествуваат и претставници на стопанските комори, голем број македонски компании и претставници на академската заедница.

-Покрај министерката Петровска, на отворањето на Индустрискиот ден ќе се обратат и вицепремиерот за економски прашања Фатмир Битиќи, генералната менаџерка на НАТО Агенцијата за поддршка и набавки, Стејси Камингс, и шефицата за набавки во НАТО Агенцијата за комуникации и информации, Џенифер Аптон, информира Министерството за одбрана.

Со членството на Македонија во НАТО се отвори можност за учество на македонските компании на НАТО-пазарот вреден околу 5 милијарди евра годишно. Со цел поддршка на компаниите во процесот на добивање на потребните сертификати за учество на тендерите на НАТО-пазарот, Министерството креираше Центар за поддршка на компаниите.

-Преку овој Центар се врши упис на економски оператори и се добива потврда за исполнетост на услови за учество во постапките за набавки за потребите на НАТО и земјите членки. Секоја година по членството во НАТО забележано е зголемување на интересот на македонските компании за упис во евиденцијата за економски оператори. Ако во 2021 година се впишани осум компании, а во 2022 – 11, минатата 2023 година 21 компанија биле внесени во оваа евиденција, а само во првите два месеца годинава бројот на компании е четири. Вкупно досега во евиденцијата на економски оператори впишани се 44 компании, соопшти Министерството за одбрана.

притисни ентер