Османи очекува интензивирање на активностите во однос на уставните измени

Времето полека истекува. Се надевам дека по Нова година ќе има интензивирање на активностите во однос на уставните измени потребни за отворање на првите поглавја со ЕУ. 

Уставните измени треба што поскоро да се најдат во Собранието, а по Нова Година и формално да се пристапи кон процесот, смета министерот за надворешни работи Бујар Османи. На денешниот брифинг со новинарите уште еднаш апелираше за државен консензус и постигнување договор меѓу сите политички партии за европските прашања. Промената на уставот за внесување на Бугарите до ноември следната година мора да случи, вели Османи, во спротивно европската иднина на Македонија ќе биде загрозена. Според него регулативите и директивите за влез во ЕУ се фиксни и мора да ги прифати кој и да е на власт во земјава.

Шефот на дипломатијата тврди дека врз македонските членови на историската Комисија не се врши политички притисок, како што претходно тврдеа дел од бугарските историчари. Кажа дека ретко комуницира со нив, за темите на дневен ред дознава од медиумите, а МНР само им дава логистичка поддршка за работење.

И додека власта бара консензус за уставните измени, опозицијата останува на ставот за предвремени избори. Лидерот на ВМРО-ДПМНЕ, Христијан Мицкоски избри се единствено решение против лошите политики на власта и за внатрешните и за надворешните прашања.

Османи, пак, оцени дека односите со Софија се одвиваат во рамките на очекувањата, а како доказ за добрата соработка го наведе големиот бизнис форум кој ќе се одржи следната недела во Скопје за да се одбележи 1 милијарда евра трговска размена за првпат со Бугарија. На првокациите кои доаѓаат од бугарски политичари според него не треба да им се придава значење, бидејќи доаѓаат од профили кои се деструктивни и за нивните општества и не треба да се охрабруваат.

Папата ги повика Израелците и Палестинците на дијалог во потрага по мир

Папата Франциско ги повика Израел и Палестинците на дијалог во потрага по мир и го осуди неодамнешното насилство во регионот.

По неделната молитва во Рим, Папата рече дека е длабоко тажен поради веста за убиените Палестинци во израелските антитерористички операции и смртта на израелските Евреи во нападот на синагога во петокот.

„Со голема болка ги слушам вестите што доаѓаат од Светата земја. Спиралата на смртта, која расте секој ден, ја убива малата доверба што постои меѓу овие два народи“, рече тој.

„Ги повикувам двете влади и меѓународната заедница и барам од нив веднаш, без губење време, да најдат други начини, кои вклучуваат дијалог и искрена потрага по мир“, додаде Папата.

Израелскиот премиер Бенјамин Нетанјаху вети силен, брз и прецизен одговор на нападот на синагога во предградијата на Ерусалим, а израелската армија испрати уште војници на окупираниот Западен Брег.

Нападот во Ерусалим следи по израелската воена операција во градот Џенин на Западниот Брег во четвртокот, во која загинаа девет Палестинци, вклучително и седум вооружени лица, и прекуграничниот оган меѓу Израел и Газа во петокот. Најмалку 30 Палестинци, милитанти и цивили, се убиени на Западниот Брег од почетокот на јануари.

Средба на Спасовски и Демерџиев утре во Скопје

Како што соопшти МВР, изјави од министрите не се предвидени, а на крајот од официјалната средба ќе биде објавено соопштение за медиумите.

Вицепремиерот за јавен ред и безбедност и министер за внатрешни работи на Република Бугарија Иван Демерџиев со придружна делегација, утре, ќе престојува во работна посета на Министерството за внатрешни работи на Република Македонија во рамки на која ќе се сретне со неговиот колега, министерот за внатрешни работи Оливер Спасовски.

Како што соопшти МВР, изјави од министрите не се предвидени, а на крајот од официјалната средба ќе биде објавено соопштение за медиумите.

Посетата на Дерменџиев беше најавена во петокот, по телефонскиот разговор на премиерите на Бугарија и на Македонија, Галаб Донев и Димитар Ковачевски, посветен на актуелните случувања во односите меѓу двете земји. Прес-службите на двете Влади соопштија дека двајцата премиери разговарале за потребата претстојните празнувања на 151-годишнината од раѓањето на Гоце Делчев, да се одвиваат мирно и непречено.

Во таа насока, за утре, беше најавена посетата на вршителот на должноста вицепремиер и министер за внатрешни работи на Бугарија Иван Демерџиев и претседателот на државната агенција „Национална безбедност“ Пламен Тончев, кои ќе имаат работна средба со своите македонски колеги во Скопје на која ќе ги прецизираат заедничките активности за да се гарантира мирно и безбедно одбележување на 4 февруари.

Утре променливо облачно и студено

Времето утре ќе биде променливо облачно и студено, попладне со делумно намалена облачност. 

Ќе дува слаб до умерен ветер од северозападен правец. Минималната температура ќе биде во интервал од -8 до -2, а максималната ќе достигне од 1 до 9 степени.

Во Скопје променливо облачно со слаб до умерен ветер од северозападен правец. Минималната температура ќе се спушти до -3, а максималната ќе достигне 5 степени.

Следува период на променливо облачно и студено време. Во вторник локално ќе провејува слаб снег и ќе дува засилен северен ветер. Во среда ќе има преодно намалување на облачноста, а од четврток повторно повремено ќе има слаби врнежи претежно од снег, велат од УХМР.

притисни ентер