Османи најавува интензивирање на напорите за надминување на спорот со Бугарија

Сите отворени прашања со Бугарија можат да се решат, но камен на сопнување во моментов е ќорсокакот во работата на мешовитата комисија за историски прашања – тврди шефот на дипломатијата Бујар Османи. 

Потенцира дека бара модус како да ги раздвижи членовите од двете страни за работите да се поместат од мртва точка. Првиот чекор, според Османи, е наместо онлајн, состаноците да бидат физички, бидејќи средбите од далечина не давале резултати. Османи уверува дека политиката не се меша во историските прашања, но оти е важно комуникацијата да се динамизира.

По пораките на Османи за потребата од физички средби, став побаравме од првиот човек на македонскиот тим, Драги Ѓоргиев. Тој за Канал 5 појаснува дека средбите ги закажуваат претседателите од двете страни, но МНР е тоа кое треба да овозможи технички услови за одржуваме на средбите.

-За жал, состојбата со пандемијата на Ковид19 има влијание на начинот на работата на Комисијата. Средбите траат два дена. Секој ден разговорите траат по 8 часа со што престојот на поголема група во една просторија претставува здравствен ризик за сите членови. , вели Ѓоргиев за Канал 5.

Во однос на претстојните разговори со Софија, најавени кон крајот на месецов, Османи појасни дека се работи за две траектории во разговорите со Бугарија, едната е португалскиот предлог, кој го вклучува и јазикот, а втората е актуелниот патоказ 5 +1, чии писмени предлози од бугарска страна веќе стигнале на адреса на МНР.

Освен точката + 1 за вметнување на Бугарите во македонскиот Устав, во протоколот, кој треба да помогне во надминување на спорот со Софија, останатите пет точки се:

Краткото и долгото име на државата

Спречување на говор на омраза

Рехабилитација на жртви на комунизмот

Поголем ангажман на Комисијата за историски прашања

Немешање во внатрешни работи

Шефот на бугарската дипломатија Стоев пред два дена најави можност протоколот да биде потпишан од двајцата министри за надворешни работи, доколку биде постигната согласност за шесте точки.

Видео: Стотици луѓе оделе голи по пустина во Израел

Стотици луѓе покриени само со бела боја оделе низ пустината во близина на Мртвото Море како дел од проектот на американскиот уметник Спенсер Туник, пишува Гардијан.

54-годишниот фотограф го посетил местото во јужен Израел како гостин на Министерството за туризам за по трет пат да го покаже повлекувањето на Мртвото Море, а инспириран бил од библиската приказна за сопругата на Лот која се претворила во столб од сол додека бегала од Содом.

„За мене, телото претставува убавина, живот и љубов“, рекол Туник, која досега организирал десетици фотографирања на голи луѓе.

Докторантката Ана Клејман за Гардијан изјавила дека се приклучила на снимањето за да ги освести луѓето за оваа еколошка криза.

„Навистина се чувствував природно кога се соблеков“. Откако ќе се соблечете, не сакате повторно да се облечете “,рекла таа.

Пред десет години, уметникот снимил над илјада модели на брегот на Мртвото Море, кое се повлекува за еден метар годишно.

Летот на Туник го платило израелското Министерство за туризам, а израелскиот град Арад ги покрил другите трошоци.

Градоначалникот Арад Бен Хамо смета дека проектот е „одраз на либералниот дух во неговиот град“ и се надева дека ова снимање ќе привлече посетители и на тој начин ќе собере средства за финансирање на нов музеј на Мртвото Море.

Видео: Со сопственото тело го штити автомобилот од град

Краткото видео во за рекорден временски период собра бројни симпатии.

Нема многу за што да се зборува. Бурата доаѓала, а сопственик на Тојотата немал подготвено засолниште. Така, тој одлучил да го заштити својот лимен миленик со она што го има до себе, ќебе, картон и сопственото тело.

Иако видеото трае само неколку секунди, секој малку поголем љубител на автомобили ќе го разбере овој гест.

За многумина, автомобилот е повеќе од лим и само превозно средство од точката А до точката Б.

И кога станува збор за автомобил како Тојота Супра, работите стануваат повеќе од јасни.

Станува збор четвртата генерација на моделот што се произведува до 1998 година, а дури и денес тоа е најбараната генерација на Супра и цените честопати се превисоки.

@jakemcgloin

When life doesn’t throw you lemons 😂#sydney #hail #badweather #covid #covid19

♬ Mad World - Michael Andrews

Убиец од Флорида бил пуштен порано од затвор а потоа усмртил жена со шрафцигер

Маж од Флорида, кој бил осуден во 1993 година за убиство на тинејџерка, признал дека избодел жена до смрт со шрафцигер, откако бил пуштен од затвор.

Ерик Пирсон (54) во саботата беше обвинет за убиство на Ерика Вердеција (33), чие тело било пронајдено во канал во близина на Форт Лодердејл.

Пирсон признал дека ја прободел жртвата со шрафцигер четири пати на 25 септември.

Тој бил пуштен од затвор минатиот септември, откако отслужил 27 години од 40 годишната казна, за задавување на Кристина Витакер (17), пишува „The New York Post“.

"Зошто го пуштија на улица? Зошто? Ќе плати овој пат. Нема да застанеме додека не го видиме на електричен стол", рекла мајката на Ерика, Кармен Вердеција.

Полицијата го поврзала Пирсон со исчезнувањето на Ерика откако пријателите рекле дека последен пат ја виделе во продавница со маж кој за себе рекол дека е убиец. Откако полицајците го прегледале камионот на Пирсон, во него пронашле траги од крв.

Ерика Вердеција била мајка на 6-годишна ќерка.

притисни ентер