Општина Карпош ја промовираше услугата за посебен превоз на стари, болни и лица со попреченост

Станува збор за меѓуинституционална соработка која треба да им го олесни секојдневниот живот на оваа ранлива група на граѓани, за чија намена Општина Карпош од својот Буџет издвои парични средства во висина од 655.000 денари.

Согласно Програмата на Одделението за детска, социјална и здравствена заштита, Општина Карпош во соработка со Црвениот Крст на Град Скопје кон средината на месец мај годинава, започна со реализација на услугата за посебен превоз на стари, болни и лица со попреченост над 18 години.

Станува збор за меѓуинституционална соработка која треба да им го олесни секојдневниот живот на оваа ранлива група на граѓани, за чија намена Општина Карпош од својот Буџет издвои парични средства во висина од 655.000 денари.

За таа цел, на располагање се ставени посебно опремени наменски возила во придружба со адекватен обучен кадар, кој е стручно подготвен да им помогне на изнемоштените лица. До сега во рамки на оваа активност се реализирани околу 50

превози, во кои се транспортирани лицата кои не се во можност самостојно да обезбедат превоз за користење на здравствена, социјална или друга административна услуга.

Поточно, корисници на оваа услуга се старите и изнемоштени лица, лицата кои имаат потешкотии при самостојно движење, како и лицата кои имаат потреба од придружник, односно негувател или пак, личен асистент.

По тој повод денеска, градоначалникот на Општина Карпош, Стевчо Јакимовски во својот кабинет одржа работна средба со претставници од општинската администрација и Црвениот Крст на Град Скопје, кои во оваа пригода го запознаа првиот човек на локалната самоуправа за досегашниот тек на преземените активности.

Општина Карпош секогаш имала разбирање за потребите на Црвениот Крст на Град Скопје и Република Македонија, за што говори и досегашната одлична соработка со оваа институција. Ми претставува особено задоволство што сме

дел од овој прекрасен проект, што е од особено значење за граѓаните кои се наоѓаат во тешка здравствена состојба како и за лицата со попреченост. Со планираниот ребаланс на општинскиот буџет ќе овозможиме дополнителни финансиски средства за поддршка на овој заеднички проект и веќе наредната година ќе се потрудиме дневно да обезбедиме четири до шест транспортирања на жители од Општина Карпош што би ги задоволиле потребите, првенствено на старите тешко повредените и болните лица. Локалната самоуправа и понатаму ќе ја поддржува оваа услуга за која лично сметам дека е одлична иницијатива и добар пример за една успешна меѓуинституционална соработка , посочи Јакимовски.

Искрена благодарност и задоволство од заедничката соработка изрази и Секретарот на Црвениот Крст на Град Скопје, Сузана Тулева Пауновска: - Со помош на финансиските средства кои ги обезбеди Општина Карпош од

својот буџет, нашата организација ќе биде во можност да реализира околу четиристотини транспорти на лицата од оваа категорија до крајот на годината. Се надевам дека наредната година заедно со градоначалникот Јакимовски, ќе ја спроведеме следната фаза од проектот која значи унапредување на овој сервис и воведување на „итното копче“ на територијата на општина Карпош. Во моментов, локалната самоуправа и Црвениот крст се пионери во поглед на

реализација на услугата ,,нега во домот”, бидејќи за прв пат почнавме да ги работиме овие сервиси токму на територијата на Карпош. Имено, оваа општина е првата институција која ја подаде раката за да овие сервиси добијат на некој начин одржливост и многу е важно дека овој позитивен пример го следат и другите општини – истакна Тулева Пауновска.

Инаку, услугата се реализира со мало наменско возило како и големо наменско возило, кое е прилагодено за тренспорт на лица во лежечка положба. Во случајов, лицата кои управуваат со овие возила треба да поседуваат сертификат за обука за прва помош или пак, сертификат за негуватели. Исто така, при транспортот на ранливата група на граѓани може да присуствуваат и други лица, односно спасители при итен случај, лица обучени за укажување на прва помош, како и други обучени и сертифицирани придружници.

Општина Карпош

Филипче признава дека погрешиле со измените во Кривичниот законик - Мицкоски најави нов законик

Новоизбраниот лидер на СДСМ Венко Филипче признава дека погрешиле со донесувањето за измените во Кривичниот законик. 

Ја повика владата да го усвои новиот кривичен законик, кој е веќе подготвен од страна на експертската работна група предводена од академик Камбовски и истиот да биде ставен на увид на јавноста. Ова Филипче го посочи на днешниот брифинг со новинарите, од каде порача дека СДСМ е повторно во форма, најавувајќи и нова стратегија на дејствување на партијата.

На повикот од Бихачка експресно одговори премеирот Мицкоски. Најави дека нов Кривичен закон ќе се носи но по европски стандарди, а не мерка на партите. Ја обвини опозцијата дека со актуелниот Кривичен законик се амнестирале од криминалите кои се правеле и ги праша дали од сопстевн џеб ќе ги покријат трошоците од оштетите на веќе застарените дела.

Измените на Кривичниот законик експресно беа донесени лани во септември, а за нив гласа пратениците од тогашните владеачки партии СДСМ и ДУИ. Ваквите законски измени овозможија намување на затворските казни за кривичните дела како што се злоупотребата на службената положба и овластувања и злосторничко здружување. Тоа доведе до застарување и ослободување на повеќе поранешни функционери, а законот беше мета и на низ критики од Меѓународната заедница.

Јанчев: Од утре ќе започнат градежните активности на патот од Брана ХЕЦ Тиквеш до населба Голеш

Од утре 26.07.2024 год. ќе започнат градежните активности на патот од Брана ХЕЦ Тиквеш, до населба Голеш. 

Поради овие активности се известуваат граѓаните дека ќе биде отежнат сообраќајот за сите кои гравитираат во овој дел, објави на ФБ градоначалникот на Кавадарци, Митко Јанчев.

Продолжува изградбата на паркот во склоп на СОЗШУ "Ѓорче Петров" на површина од 14000 м2, со вкупна вредност од 9.870.000 денари, објави на Фејсбук, првиот човек на Кавадарци, Митко Јанчев.

При изградбата на овој парк во целост ќе биде опфатена реконструкција на постоечките игралишта, изградба на пешачки патеки, поставување на детски реквизити и урбана опрема. Со завршувањето на паркот ќе се направи пешачка врска со кејот кој е во поодмината фаза на изградба и со тоа граѓаните ќе добијат комплетна пешачка зона и рекреативен дел.

Изведувач на работите е Павер Трејд.

Кавадарци за сите! [🍀], напиша на Фејсбук, Јанчев.

Бизнисот ќе разговара со владата и синдикатите за недела повторно да биде работен ден

Владата останува посветен партнер на бизнисот  - бизнисмените со порака до премеирот Мицкоски капацитети имаме треба да се посветиме добро да ги искористиме, не сакаме да играме во шеста лига сакаме во прва. 

Стопанската комора одбележа 102 години од постоењето, а првиот човек на комората Азески вели транспарентноста, борбата против корупцијата и поддршката за бизнисот треба да се приоритет на Владата.

Во однос на недела неработен ден Азески останува на ставот но вели ќе видиме што ќе донесе дијалогот.

Сидникатите реагираат велат со „недела неработен ден врати малку од работничкото достоинство, на претставниците на Стопанската комора им порачуваме дека со ваквите нивни ставови и ниските плати кои ги даваа на работниците предизвикаа егзодус на квалификуваните работници.“ Дополнително од синдикатот велат недозволиво е со државни пари да се богатат газдите на грбот на граѓаните и работниците и дека Владата треба претпазливо да постапува со планот да го помогне стопанството со 250 милиони евра од кредит се со цел да не се повторат грешките од минатото.

Премиерот станува збор за комплексен процес на кој работиме посветено.

На денешниот настан по повод 102 години од постоењето, Комората им врачи награди и на бизнисмени во различни категории. А награда за градење партнерство и заедничко дејствување за просперитетна Македонија му беше доделена и на премиерот Мицкоски.

притисни ентер