ООН го обвинува Мадуро за злосторства против човештвото

Претседателот на Венецуела, Николас Мадуро е одговорен за сериозно кршење на човековите права, вклучително и злосторства против човештвото, соопштија денеска истражителите на Обединетите нации.

Во извештајот на 411 страници, Мисијата на Обединетите нации во Венецуела документираше докази за злосторства извршени за задушување на опозицијата, вклучително и систематски и широко распространети притвори, исчезнувања, тортура, сексуално насилство и убиства, извршени од 2014 година наваму.

Постојат „разумни причини“ да се верува дека претседателот, како и министрите за внатрешни работи и одбрана, „наредиле или придонеле за злосторствата запишани во овој извештај“, напишаа експертите на ООН.

Во последниве години, Венецуела бележи пад на владеењето на правото и демократијата. Властите го заобиколија парламентот во кој мнозинството беше преземено од опозицијата и ги проширија своите овластувања и создадоа поголем притисок врз судството, се заклучува во извештајот.

Момче чувало 110 мачки во стан,здруженијата во паника

Здруженијата за заштита на животните во јужна Шпанија, во регионот на Валенсија, итно бараат привремени или трајни домови за 110 мачки откако нивниот сопственик е протеран од станот каде што живеел, пишува Гардијан.

Вработените во Спаме Сафор, засолниште за животни во југоисточниот шпански град Гандија, првично мислеле дека има 'само' 96 мачки, но вчера вечерта здружението објави дека засолниле вкупно 110 и сега итно бараат помош во нивна грижа барем ддоека се вакцинирааат или стерилизираат.

Мачките останале без сместување откако нивниот сопственик,заедно со мачките беше протеран од станот од 100 квадратни метри во кој живееле.

- Се чини дека сопственикот посвоил неколку мачки пред три години и оттогаш тие постојано се размножувале, вели Салвадор Тормас, вработен во засолништето за животни.

Здружението се пожали дека немаат доволно простор за сите мачки затоа што веќе се грижеле за околу двесте мачки.

Тормас вели дека во петокот зеле 48 мачки, а во саботата дошле да ги земат другите за да му помогнат на нивниот сопственик, кого го опишале како помлад маж.

- Тоа е катастрофа. Некој требаше да му помогне на тој човек, рече Тормас.

Вработените во прифатилиштето ги повикаа локалните власти да помогнат во грижата за животните и тие сега работат од утро до вечер за да обезбедат сместување за мачките и побарале помош од неколку помали здруженија.

Успеал да го уништо Мустангот на празен паркинг(ВИДЕО)

Ford Mustang и неговите возачи во Америка имаат лоша репутација. Не поминува ден ако некој не се судри, понекогаш на особено имагинативен начин.

Постојат безброј случаи на сообраќајни несреќи во кои е здробен Мустанг, и тоа редовно како резултат на грешка на возачот. Тешко е да се каже дали станува збор за еден вид нервоза, тенденција за претерување, недостаток на претпазливост, но најчесто е сето тоа заедно.

Најновото видео покажува како еден сопственик на „Мустанг“ снима неодговорен возач на Мустанг. "Еве зошто возачите на Мустанг имаат лоша репутација. Излегов со девојката на еден од моите омилени паркинзи, а потоа се појави момче со Мустанг 5.0 и реши да направи "дрифтови", напиша Брајан Калдерон во описот на видеото. Тој продолжил да снима и секако, не долго после тоа, на забавата и дојде крај. Возачот флертувал, а Мустангот го заврши својот танц во бандера.

Регионални избори во Италија, се гласа и за намалување на бројот на пратеници

Италијанците започнаа да излегуваат на гласачките места за да гласаат на регионалните избори, од кои најважни се оние во Тоскана, за кои аналитичарите велат дека може да го сменат изгледот на крајната десница.

По пандемиите и карантините, ова е прв тест на државно ниво за владата на премиерот Џузепе Конте составен од левичарската центристичка Демократска партија и популистичкото Движење Пет Sвезди.

Изборите исто така може да бидат исклучително важни за крајната десница со Лига на Матео Салвини. Доколку победи на изборите во Тоскана, инаку упориште на левицата, тој би го вратил статусот лидер на десницата, но евентуалниот пораз ќе ги зајакне неговите опоненти.

Гласачите со маски ќе излезат на гласање денеска и утре, бидејќи расте бројот на заразени. Во моментов има помалку нови инфекции на ден во Италија отколку во Велика Британија, Франција или Шпанија, но сепак има повеќе од илјада.

Регионалните избори ќе се одржат во Кампанија, Лигурија, Тоскана, Апулија, Венето и во провинциите Марко и Вале д'Аоста.

Помеѓу парламентарните избори на почетокот на 2018 година и пандемијата, десницата победи на регионални избори во осум од девет провинции, делумно поради неможноста левицата да учествува со еден кандидат. Експертите предупредуваат дека слична работа може да се случи и сега.

Најважните избори се во Тоскана, со која владее левицата 50 години. Најновите анкети покажуваат дека трката ќе биде тесна.

Левиот блок се очекува да ја задржи власта во јужната провинција Кампанија, но десничарската коалиција на Лига, екстремно десничарската партија Браќа на Италија и партијата Форца Италија на поранешниот премиер Силвио Берлускони, може да победат во соседна Апулија.

Се очекува десницата непречено да победи во своите упоришта, северните провинции Венето и Лигурија, а левицата ќе ја преземе власта во Марка.

Паралелно , се гласа и за референдум за намалување на бројот на членови на парламентот - од 630 на 400 во долниот дом и од 315 на 200 во Сенатот. Референдумот се очекува да помине.

притисни ентер