Омикрон бил присутен во Холандија и пред доаѓањето на патниците од Јужна Африка

Варијантата омикрон е откриена во Холандија пред пристигнувањето на летовите од Јужна Африка минатата недела, соопштија холандските здравствени власти.

Најмалку 14 позитивни лица на омикрон пристигнале од Јоханесбург и Кејп Таун на аеродромот Шипхол во Амстердам на 26 ноември, објави Националниот институт за здравје (RIVM).

„Но, најдовме варијанта на омикрон во два тест примероци од 19 и 23 ноември“, соопшти RIVM. „Сè уште не е разјаснето дали овие лица ја посетиле Јужна Африка“, додаваат тие.

Откритието на омикрон го загрижи светот и се стравува дека постоечките вакцини не се ефикасни против новата варијанта, што може да ја продолжи пандемијата на коронавирус која трае речиси две години.

Околу шеесет патници, од кои повеќе од 600 на летовите од Јужна Африка, се позитивни на коронавирус. Тие се во карантин од минатиот петок.

Холандските власти, исто така, бараат да контактираат и тестираат околу 5.000 патници кои пристигнуваат од Јужна Африка, Боцвана, Есватини, Лесото, Мозамбик, Намибија и Зимбабве.

Во Холандија, во неделата стапија на сила построгите мерки против Ковид-19 за да се спречи ширењето, со оглед на рекордниот број инфекции од околу 20.000 дневно и за да се намали притисокот врз болниците.

Целосно е исчистена дивата депонија на кејот на реката Вардар во општина Гази Баба

Екипите на Град Скопје денеска завршија со чистење и целосно е исчистена дивата депонија кај кејот на реката Вардар во општина Гази Баба, која зафаќаше површина од над 13.000 квадратни метри. 

Собрани се над 4.000 кубни метри комунален отпад и градежен шут што секојдневно ја загадуваше животната средина и го загрозуваше здравјето на жителите од оваа општина.

Градот Скопје интензивно работи на чистење на депонии во населбата Лисиче, Ново Село во општина Ѓорче Петров, како и целосно чистење на дива депонија во населено место Брњарци, општина Гази Баба.

Чистење на сите диви депонии во Скопје е приоритет, со цел превенција на загадување на воздухот, почвата и водите и заштита на здравјето на граѓаните. Ги охрабруваме граѓаните да се вклучат во оваа акција на Градот, со тоа што ќе пријавуваат диви депонии, но пред се, да бидеме совесни граѓани кои се однесуваат еколошки одговорно и се грижат за својот град и за животната средина.

Град Скопје

ССМ бара минималната плата да се зголеми најдоцна до март, во спротивно се закануваат со штрајк

Минималец од 18 илјади или штрајк.

ССМ се закани дека ако износот на минималната плата не се зголеми најдоцна до март и не се усогласат и другите плати нагоре - ќе излезат на улица. Иако претходно владини министри најавија можно зголемување на минималецот во јуни годинава, од ССМ велат дека ќе ја почекаат средбата со Влада закажана за 31ви па потоа ќе носат одлука што понатаму.

В петок претседателството и советот на синдикатот ќе кројат план за следните чекори. Синдикалците бараат и К-15 за цел јавен сектор исто како што е за приватниот.

„Најпоследна дата што може да се зголеми минималната плата е согласно законот и таа да се зголеми од март, согласно законско решение член 4 кој вели дека таа расте по однос на три параметри, БДП, животни трошоци и пораст на просечна плата.“ изјави Дарко Димовски, претседател на ССМ

ССМ со апел до пратениците – прво на листа за гласање да се измените на законот за минимална плата, со кој таа ќе изнесува 60% од просечната, па дури потоа на дневен ред да се сите други закони.

„Бараме народни избраници да не се занимаваат со закони како што се изборен закон, прекин на апанажа итн. Сметаме дека овој закон е еден есенцијален закон за егзинстенција каде што бараме се што поднесовме да се изгласа, па потоа тие што предлагаат како бенефит на нивни цели.“ изјави Дарко Димовски, претседател на ССМ

ССМ вчера имаше средба со министерката за труд Јована Тренчевска, од чиј кабинет соопштија дека и владина заложба е минималецот да биде 18 илјади што е можно побрзо оваа година, додека до крајот на мандатот да порасне на 20 илјади денари.

Град Скопје и ЈСП склучија договор за организиран превоз на лица со потешка телесна инвалидност

Градот Скопје посветено работи на подобрување на пристапноста до градските институции за лицата со потешкотии во движењето, како и на нивната мобилност низ градот.

Градот Скопје и Јавното сообраќајно претпријатие – Скопје склучија договор за реализирање организиран превоз на лица со потешка телесна инвалидност на кои заради движење им е потребна инвалидска количка и на лица со тешки моторни пречки, со посебно адаптирани возила.

Превозот на корисниците се реализира со посебно адаптирани возила со автоматски управувана рампа за инвалидска количка, рачки за држење, каиши и шипки за закочување на инвалидските колички. Возилата што се сопственост на Град Скопје, се дадени на користење на ЈСП.

Реализацијата на превозот на дестинации на подрачјето на Град Скопје, е во согласност со Програмата за активностите во областа на социјалната, детската и здравствената заштита во град Скопје, за 2022 година.

Градот Скопје посветено работи на подобрување на пристапноста до градските институции за лицата со потешкотии во движењето, како и на нивната мобилност низ градот.

Град Скопје

притисни ентер