ОЕЦД: Светската економија годинава ќе се опорави од корона кризата

Светската економија ќе закрепне оваа година од пандемската криза, предвиде денеска Организацијата за економска соработка и развој, но предупредиле дека оптимистичката прогноза може да биде загрозена од продолжен период на висока инфлација.

Светската економија годинава ќе порасне за 5,6 отсто, а во 2022 година растот би требало да забави до 4,5 отсто и до 3,2 отсто во 2023 година, проценува ОЕЦД, потврдувајќи ја основата на претходната проценка.

Економијата силно закрепнува, а компаниите се борат да останат во чекор со бранот побарувачка предизвикан од олеснување на епидемиолошките мерки, што предизвика стагнација во глобалните синџири на снабдување и поттикнување на инфлацијата ширум светот, посочуваат тие.

Инфлацијата само привремено зајакнала, проценува ОЕЦД, придружувајќи им се на владите и централните банки ширум светот кои предвидуваат олеснување на цените во наредниот период.

Кога побарувачката и понудата ќе се нормализираат, инфлацијата ќе ослабне, заклучуваат тие.

„Главниот ризик, сепак, е дека инфлацијата би можела повторно да не изненади и да продолжи да зајакнува, принудувајќи ги централните банки на водечките економии да ја заострат монетарната политика порано и во поголема мера од очекуваното“, велат од ОЕЦД.

Ако тој ризик се намали, инфлацијата како целина најверојатно ќе достигне врв од пет проценти, а потоа постепено ќе ослабне на околу три проценти до 2023 година, соопштила организацијата со седиште во Париз.

Во тој контекст, во моментов најдобро е централните банки да чекаат да се смират тензиите во понудата и да сигнализираат дека ќе преземат мерки доколку се појави потреба, велат од ОЕЦД.

Најголемата светска економија, САД, се предвидува да порасне за 5,6 отсто оваа година, 3,7 отсто во 2022 година и 2,4 отсто во 2023 година.

Тие, исто така, ги намалија прогнозите за Кина, од 8,5 на 8,1 отсто оваа година. Во 2022 година, втората по големина светска економија би требало да порасне за 5,1 отсто, што е за 0,7 процентни поени послабо од очекуваното досега, а истата стапка на раст се предвидува и за 2023 година.

Прогнозите за еврозоната се речиси непроменети, со очекуван раст на активноста оваа година за 5,2 отсто, што би требало да забави на 4,3 отсто во 2022 година.

Во 2023 година, активностите во областа на примената на заедничката европска валута би требало значително да се забави, на 2,5 отсто, предвидува Организацијата за економска соработка и развој.

Новиот „Ford Mondeo“ не доаѓа во Европа

Новиот „Ford Mondeo“ ( кој е претставен во Кина) нема да пристигне во Европа каде продажбата на лимузини со средна големина со години опаѓа.

Од германски „Motor1.com “ ја контактирале локалната филијала на „Ford“ и портпаролот потврдил дека називот „Mondeo“ ќе продолжи да живее само во Кина.

Како што првично е најавено пред речиси една година, „Mondeo“ со евро-спецификација во сите три каросериски изведби, ќе биде официјално повлечен во март 2022 година кога ќе се заврши производството во фабриката во Валенсија.

Инаку тоа е еден од најстарите модели во својот сегмент со оглед на тоа дека автомобилит постои веќе со децении. Називот „Mondeo“ ќе биде укинат во Европа по 30 години откако „Ford“ со него пред три децении го замени моделот „Sierra“.

Ѓоковиќ купил данска фирма која развива лек против Ковид

Новак Ѓокович купил 80 отсто удел во данската компанија „QuantBioRes“, која развива терапија против Ковид-19, потврди генералниот директор на компанијата Инан Лочаревиќ за Ројтерс.

Според данскиот деловен регистар, Јелена и Новак Ѓоковиќ се вистински сопственици на данската компанија од 3 јули 2020 година. Уделот на Јелена во сопственост е 39,2 отсто, а на Новак 40,8 отсто.

Директорот на компанијата Иван Лончаревиќ изјавил дека инвестицијата била реализирана во јули 2020 година, но одбил да каже колкава е нејзината вредност, пишува Ројтерс.

„QuantBioRes“ вработува 11 научници во Данска, Австралија и Словенија, а примарна цел на компанијата е да се развие лек против Ковид, а не вакцина, вели Лончаревиќ.

Компанијата развива пептид што го спречува коронавирусот да ги инфицира човечките клетки и очекува да започне со клинички испитувања во Велика Британија ова лето, вели Лончаревиќ.

Портпаролот на Ѓоковиќ не одговорил на барањето за коментар, пренесува Ројтерс.

Инаку, Ѓоковиќ не е вакциниран против Ковид, а деновиве е депортиран од Австралија и не може да настапи на Австралија Опен, пишува Индекс.хр.

Србија: Над 17.000 нови случаи со Ковид-19, починале 28 лица

Во последните 24 часа се регистрирани уште 17.318 новозаразени со коронавирусот во Србија.

Од последиците на Ковид-19 починале 28 лица.

На респиратори се наоѓаат 112 пациенти.

Како што е наведено, во последните 24 часа се анализирани 36.434 примероци а 2.619 лица се наоѓаат на болничко лекување.

притисни ентер