Од утре забрана за употребата на пластични кеси во земјава

Последен ден за пазарење со пластични кеси, пред вртоглавото поскапување на цената на 15 денари. 

Дел од производителите на кеси веќе ги исклучија машините, но се уште се надеваат дека можеби одлуката ќе се пролонгира, па ќе продолжат со работа. Зулкарни Јусуфи кој со години егзистира од овој бизнис, за Канал 5 вели дека законот е избрзан и оти не им било оставено доволно време да ја пренаменат дејноста.

Главен проблем им е недостатокот на биоразградливи репроматеријали, објаснува Јусуфи..

„Крајнава недела само седиме, немаме нови нарачки и тие нарачки што ги имавме се на стедн бај, да видиме што ќе биде понатаму./ Ние моментално не можеме да обезбедиме репроматеријал и не е само кај нас, ова е секаде во светот. Немаме доволно материјал биоразградлив, потоа кога ќе ги добиеме, треба да правиме проби, да одиме на семинари, па да видиме каква инвестиција на машини треба да набавиме.“ изјави Зулкарни Јусуфи, производител.

Ќе се најдат ли од утре и трговците на мака ?! Ако нема кој да ги произведе од каде би ги набавиле овие кеси, прашавме во Животна средина. Оттаму не попуштаат. За Канал 5 велат дека трговците имале време да се подготват и да си набават такви кеси, бидејќи носењето на законот веќе два пати бил пролонгиран.

„Трговците имаа доволно време за разгледување на можностите за набавување на овие кеси или друга алтернатива, затоа што Законот беше подготвен и објавен уште од 2019 година и споделен со јавноста. Притоа, примената на одредбите за пластичните биоразградливи кеси за носење стоки беше одложена два пати, а првично најавата за примена беше 1 јануари 2021 година. Со оглед на фактот дека законите беа долго во собраниска процедура, роковите се одложуваа и сите беа запознаени со измените.“ -Министерство за животна средина

Парите од продажбата на кеси, ќе одат во посебен фонд кој ќе се инвестира во животната средина. Идејата е да плаќа тој што загадува. Сепак производителите сметаат дека има други начини да се спаси природата, пред да се носат вакви - за нив, строги закони.

Тринаесетгодишно куче пронајдено во пештера по два месеци потрага

Според експертите, според неговата возраст, изненадувачки е како кучето преживеало бидејќи било во темница на температура од 14 степени Целзиусови.

Џеф Бонерт го пронашол своето куче Аби, по два месеци потрага, во пештера недалеку од нивниот семеен дом во Мисури.

Тринаесетгодишното куче побегнало од дома на 9 јуни, по што семејството Бонерт постојано го барало. Џеф се откажал од потрагата кога му се јавил соседот кој му рекол дека луѓето кои истражувале блиска пештера пронашле куче и се посомневале дека е негово.

- Во пештерата најдоа куче. Можеби тоа би можело да биде Аби - стоело во пораката што ја добил од соседот.

Бенерт се сомневал во тоа, но бил љубопитен и отишол во пештера во близина на неговата куќа.

Кога ја видел сликата што му ја покажал еден од спасувачите, не можел да поверува.

- Им реков дека тоа е моето куче - изјави Боенрт за АП.

Средбата ја фотографирала неговата сопруга, а интересен е и податокот дека само неколку недели пред кучето да наполни 14 години. Според експертите, според неговата возраст, изненадувачки е како кучето преживеало бидејќи било во темница на температура од 14 степени Целзиусови.

Масивен хакерски напад врз естонската влада откако отстрани советски споменик

Канцелариите и компаниите на естонската влада беа погодени од бран сајбер напади што започнаа веднаш по отстранувањето на советски споменик во земјата.

Во средата, Естонија беше изложена на „најобемниот сајбер напад од 2007 година“, објави во четврток на Твитер државниот секретар за ИТ инфраструктура Лукас Кристјан Илвес.

Сепак, тој рече дека нападите биле „неефикасни“ и поминале „во голема мера незабележани“. Руската хакерска група „Killnet“, наводно, ја презеде одговорноста за нападите. „Дигитална Естонија работи многу“, напиша Илвес, бидејќи земјата која така се нарекува самата себе се гледа како пионир на дигитализацијата во Европа.

Граѓаните на Естонија, со население од околу 1,3 милиони луѓе, можат да ги направат речиси сите административни процедури онлајн. Во вторникот, Естонија отстрани советски тенк споменик во близина на естонско-рускиот пограничен град Нарве и го префрли во музеј. Големо руско малцинство живее во балтичката држава, пренесе Индекс.хр.

Салах обновува црква во Каиро: Донираше 150.000 евра за храмот во кој загинаа 41 лице

Минатиот викенд, најмалку 41 лице, меѓу кои најмалку десет деца, загинаа во пожар во коптска црква во Каиро.

Десетици луѓе беа повредени.

Еден од оние кои први дојдоа на помош со парична донација е Мохамед Салах, најдобриот египетски фудбалер. Напаѓачот на Ливерпул донираше 150.000 евра за реконструкција на опожарената црква Абу Сефеин.

Во пожарот изгоре црквата Абу Сефеин, која се наоѓа во густо населениот кварт Имбаба. Итната помош соопшти дека успеале да го изгаснат пожарот, кој избувнал за време на утринската литургија.

Нејзината причина се уште не е позната. Полицијата претходно соопшти дека првичната истрага констатирала дека пожарот можел да настанал од краток спој.

Коптските христијани сочинуваат околу 10 отсто од претежно муслиманското население во Египет.

Извор: Курур спорт

притисни ентер