Од утре се одмрзнуваат замрзнатите цени на храната

На полноќ завршува мерката на замрзнати цени на овошјето и зеленчукот, која беше на сила два месеци.

На полноќ завршува мерката на замрзнати цени на овошјето и зеленчукот, која беше на сила два месеци, но според најавите од ресорното министерство мерката нема да продолжи бидејќи цената на одредени приздводи била пониска од утврденото ниво.

Граѓаните и продавачите на пазарите генерално не се задоволни од мерката која беше донесена од Владата и не очекуваат од утре некаков зголемување на цените.

„Гледам дека и некако слабо и муштерии има. И цените не се многу високи во однос на потрошната. Не очекувам да се зголемат цените на овошјето и зеленчукот“

„А имаше мерка досега? Не сум забележал дека имало мерка. А и не очекувам ништо после тоа“

„Не бев задоволен и понатаму нема да бидам задоволен. Тоа е ујдурма некоја. Те ова те она. Мислам дека ќе има поскапување, затоа што е Задушница“.

„Воопшто не сум задоволен затоа што се е скокнато за 80 до 90 отсто. За обичниот свет ништо нема да се промени со мерките. Не очекувам зголемување, затоа што тоа е секојдневно. “

„Секако се очекува поскапување на цените, затоа што сите бегаат од пуста мотика. Никој не сака мотика, секој сака со пенкало да печали. Па добро беше, имаше ефект ама производителите не беа задоволни“

Министерот за економија бектеши пред два дена изјави дека состојбата ќе се следи будно секој ден и доколку има потреба, ќе се спроведат соодветни мерки.

Според него, инфлацијата во делот на прехранбените производи нагло се намалИЛА, и очекувањата се во јуни таа да биде пониска од 10 отсто.

Инаку, цените на компирот, краставиците и доматите на пазарите се движат од 40 до 90 денари, додека пак овошјето е нешто поскапо, јагодите и праските се 80 односно 150 денари, а висока ценат достигнуваат и црешите – до 220 денари за килограм.

Петровска: Судот донесе одлука дека Ковачки неправедно ме клеветел, се откажав од надомест

Овој е само еден од низата примери на неодговорно, нечесно и валкано однесување на политичката сцена од страна на Ковачки, вели Петровска.

Како што ветив транспарентност од почеток до крај на процесот против изнесените лаги, клевети и навреди од страна на Драган Ковачки врз мене сакам да Ве известам дека Основниот граѓански суд во Скопје по сите прикажани докази од моја страна донесе одлука со која се утврдува дека тужениот Драган Ковачки искажал невистини и лаги односно неправедно ме клеветел во јавност со цел ми го наруши угледот и честа во очите на јавноста. Ова го објави предмалку министерката за одбрана Славјанка Петровска на нејзиниот фејбук профил.

- Овој е само еден од низата примери на неодговорно, нечесно и валкано однесување на политичката сцена од страна на Ковачки. Како што кажав и на почетокот во медиумите: "Пари од нечесник не сакам" и Ве известувам дека се откажав од паричниот надомест, напиша Петровска.

На ФБ министерката за одбрана напиша дека секој го прави тоа што најдобро го знае, „тие со лагите, јас со труд и одговорна и чесна работа“.

Мериленд доби помош од 60 милиони долари по уривањето на мостот во Балтимор

Американското Министерство за транспорт денеска и додели 60 милиони долари на сојузната држава Мериленд за помош по уривањето на мостот Френсис Скот Ки откако во него удри товарен брод.

Гувернерот на Мериленд Вес Мур претходно побара средства за помош во „мобилизацијата, операциите и отстранувањето на отпадот“.

Мур додаде дека овие средства ќе ги постават темелите за брзо закрепнување.

Инаку, по уривањето неколку работници паднаа во водите на реката Патапско. Телата на двајца мажи, на возраст од 35 и 26 години, беа пронајдени во средата, на 7,6 метри под вода во реката Патапско.

Жртвите паднале од височина од 50 метри во водата, која била околу -1 Целзиусов степен во моментот на падот, изјави портпаролот на противпожарната служба во Балтимор, Кевин Картрајт.

Несреќата се случи во вторникот откако товарниот брод „Дали“ удри во еден од столбовите на мостот. /МИА

Земјотрес во Грција со јачина од 5,7 степени

Земјотрес со јачина од 5,7 степени, според податоците од Геодинамичкиот институт на Националната опсерваторија во Атина, беше регистрирани кусо по 9 часот во морскиот дел западно од грчкиот полуостров Пелопонез, јави дописничката на МИА од Атина.

Земјотресот беше почувствуван во целиот регион на Пелопонез, особено во западниот дел, но и во Атина.

Засега нема информации за повредени или материјална штета.

Геодинамичкиот институт првично објави дека биле регистрирани два земјотреси од 5,6 и 5,7 степени со неколку секунди разлика, нешто што кусо подоцна го промени во еден земјотрес, а и според Европско-медитеранскиот сеизмолошки центар, станува збор за еден земјотрес со јачина од 5,7 степени. /МИА

притисни ентер