Од денеска наместо најлонски во трговијата дозволени биоразградливи кеси по цена од 15 денари

Платнените торби се враќаат во мода. Од денеска на пазарење како од пред неколку децении. 

Стапи на сила забраната за користење на пластични кеси. Па во сите маркети, пазари, аптеки, пекари....кеса од денеска чини 15 денари.

Камерата на Канал 5 направи обиколка низ пазарите. Можевме да забележиме дека по намирници на пазар денеска повеќето граѓани тргнаа со торби или големи црни кеси. За новите измени имаат поделени мислења.

Но, на пазарите денеска кесите и не се наплаќаа. Продавачите велат дека се уште имаат од старите кеси и уште денеска ќе се користат тие.

На новите измени остро се спротиставија и пекарите.Од занаетчиската комора велат:

„Набавка на хартиени кеси чини 50 отсто повеќе од набавката на многу лесните пластични кеси за носење на стока чијашто дебелина е пониска од 15 микрони, и кои претежно ги користевме за пакување на бурек и бели пецива во бурекџилниците. Освен тоа хартиените кеси ги нема на пазарот што предизвикува и други проблеми.“

Предлагаат државата да ја субвенционира набавката на хартиени кеси за да не се соочат со затворање на бизнисот.

Од животна средина не отстапуваат од измените. Министерот Насер Нуредини им порача на граѓаните да не даваат 15 денари за кеса, туку да пазарат со торба, бидејќи идејата на законот е токму тоа, да се променат навиките и пластиката да се тргне од употреба.

„Идејата не е дека ние очекуваме пари за Фондот, идејата е да ја намалиме употребата на пластика. Ние ќе ве инфомираме јавно на прв квартал наредна година колку средства имаме во тој Фонд и што ќе направиме со тие пари, директно за животна средина, за подобрување на наши стандарди.“ Насер Нуредини, министер за животна средина

Но, колку пари ќе се соберат пресметка нема, Нуредини вели првични информации би имале во март.

Како да водат евиденција трговците и на која сметка да ги уплаќаат парите, Нуредини ги упати да го прочитаат правилникот објавен во Службен весник. За поплаките на производителите пак вели дека тие имале доволно време да се подготват до сега, бидејќи законот е од пред две години, а овие ќе може да се користат до јуни 2023тата година, потоа на сила ќе стапат и построги мерки.

Србија: Над 17.000 нови случаи со Ковид-19, починале 28 лица

Во последните 24 часа се регистрирани уште 17.318 новозаразени со коронавирусот во Србија.

Од последиците на Ковид-19 починале 28 лица.

На респиратори се наоѓаат 112 пациенти.

Како што е наведено, во последните 24 часа се анализирани 36.434 примероци а 2.619 лица се наоѓаат на болничко лекување.

„Intel“ планира да произведува чипови за рударење на Биткоин

„Intel“ најави дека следната генерација на системи за рударење на Биткоини би можела да се испорачува со „Intel Inside“ налепници.

Компанијата ги најави плановите за тоа дека на нивната претстојна конференција ќе се дискутира за „Bonanza Mine“ чип за рударење на Биткоин.

„Bonanza Mine“ е опишан како ефикасен, „ASIC“ за рударење на Биткоин со ниска потрошувачка, според податоците и документацијата кои се потпишани од страна на тројца претставници на „Intel“.

Засега, програмата не укажува на тоа дали „Intel“ навистина планира да го испорача „Bonanza Mine“ како завршен производ или само како истажувачки проект.

„Intel“ претходно објави планови за блокчеин, како и дека тие нема да вклучваат стандардни процесори или графички карти. Тоа не претставува изненадување, со оглед на тоа дека Биткоин рударењето одмана е преминато на „ASIC“.

„Intel“ нема објавено информации за моќноста за рударање на новиот уред ниту дали ќе биде оптимизиран само за Биткоин.

Американските телекомуникациски компании ги одложуваат услугите во 5G мрежата

Извршните директори на големите американски авиокомпании предупредија на непосредна „катастрофална“ воздухопловна криза откако „AT&T“ и „Verizon“ ќе воведат услуги на 5G мобилните мрежи.

Американските телекомуникациски компании „AT&T“ и „Verizon Communications“ се согласија да го одложат воведувањето услуги во 5G мрежата, одложувајќи го вклучувањето на базните станици во близина на клучните аеродроми за да се спречат прекини во сообраќајот.

Извршните директори на големите американски авиокомпании предупредија на непосредна „катастрофална“ воздухопловна криза откако „AT&T“ и „Verizon“ ќе воведат услуги на 5G мобилните мрежи.

„Ќе има хаос меѓу авиокомпаниите“

Новата услуга би можела да направи значителен број авиони со широки трупови неупотребливи, оставајќи „десетици илјади Американци заробени во странство“ и „хаос“ на летовите во Соединетите Држави, соопшти здружението „ Airlines for America“.

Федералната управа за авијација (FAA) предупреди дека потенцијалните пречки може да влијаат на чувствителните инструменти во авионот, како што се висиномерите, и значително да го попречат летањето со слаба видливост.

Поради тоа, „Verizon“ одлучи да го одложи вклучувањето на петстотини базни станици во близина на аеродромите, помалку од 10 отсто од планираниот број, додека не се најде трајно решение, изјавија извори во вторникот. Деталите за договорот за одложување не се објавени и не се знае кога ќе бидат вклучени базните станици.

притисни ентер