Од 6 часот наутро Скопје ќе биде под целосна блокада на приватните превозници

Скопјани незадоволни што од сабаје главниот град ќе биде под целосна блокада на приватните превозници. 

Од шест наутро, па се додека се изнајде решение, Скопје ќе биде во тотален колапс. Приватните превозници утре со 200 автобуси ќе ги блокираат главните артерии на градот, барајќи исплата на како што велат, долгот од 1,5 милиони евра кој го побаруваат од Град Скопје.

Ден пред хаосот, оваа крстосница е една од оние кои ќе бидат под утрешната блокада, ги спојува директно центарот на градот, Кисела Вода, како и оние кои доаѓаат од Аердором и Гази Баба, што би било доволно за колапс на сообраќајот, а ќе има и дополнителни две блокади на Мавровка и булеварот Илинден....

Со тоа што Илинденска ќе биде блокирана во должина на градското собрание, од „Фонтана“ до Зоолошка градина, посочи директорот на „Слобода превоз“ Ленин Јовановски. Вели доколку нема решение, тие размислуваат да ги радикализираат протестите, а за тоа веќе има мотив и поддршка од превозните...

„Можеби ќе ги доведат семејствата да лежат и да спијат таму каде што се тие, можеби ќе се одлучат да штрајкуваат со глад, за да навистина сфата дека оваа ситуација не ја прави за да некој некому наштети, туку да си го заштити стекнатото право.

Јовановски вели дека итните служби ќе бидат пропуштани, а од граѓаните побара разбирање бидејќи ова е единствениот начин да го добијат тоа што е нивно, велејќи дека проблемот не е во нив, туку во градоначалничката Арсовска.

„Кога градоначалникот и надлежните служби не сакаат да седнат да го решат проблемот, немаме друг избор, превозниците немаат друг избор освен својот револт, протест да го направат на улица и граѓаните да имаат разбирање. Треба притисокот да го направат до градоначалничката и да знаат каде е вистинскиот проблем

Загриженоста кај граѓаните расте. Велат доколку им се должи на приватниците тогаш треба и да им се исплати, но тоа да не биде врз нивни грб. Велат и ние имаме потреба да се движими и навреме да стигнеме и на закажани прегледи и да заработиме за живот...

Арсовска вчера за Канал 5 кажа дека инситуциите ја истражуваат состојбата и дека по утврдување на според нејзе, реалниот долг, истиот ќе се исплати, но нема да се дозволат манипулации. Дополнително најави дека ќе се отвора и нов огла на кој приватните превозници ќе можат да се пријават.

За состојбата со јавниот превоз критика стигна и од Мицкоски. Тој за состојбата ги обвини СДСМ и Арсовска, за кои кажа дека имале тајни средби.

Од СДСМ пак велат дека Мицкоски по митинзи ги убедувал Скопјани да гласаат за Арсовска и со трубачи ја славел нејзината победа, за сега како што наведуваат, да се обидува со измислици за тајни средби да ја покрие, ситуацијата во Скопје, која е според нив предизвикана од ВМРО-ДПМНЕ и од Арсовска

Санкционирани 109 возачи на територијата на СВР Тетово

Санкционирани се 109 возачи на територијата на СВР Тетово при денешната акциска контрола, информираат од Министерството за внатрешни работи.

– Во периодот од 11 до 17 часот, Секторот за сообраќајни работи и Мобилната единица за безбедност на сообраќајот на патиштата, спроведоа акциска контрола на територијата на СВР Тетово за санкционирање на возачи кои не ги почитуваат сообраќајните правила и прописи. При контролата санкционирани се 109 возачи. Од нив, 22 за возење без возачка дозвола, 44 за непрописно вградени фолии – затемнети стакла, шест за истечена важност на регистрација и осум мерки кон возачи кои вршат јавен превоз на патници. На сите прекршители изготвени им се соодветни поднесоци, се појаснува во соопштението на МВР.

Оттаму наведуваат дека сообраќајните контроли продолжуваат и во наредните денови.

Во соопштението се апелира до сите учесници во сообраќајот да ги почитуваат сообраќајните правила и прописи и заеднички да се придонесе за побезбедни патишта.

Папата ги повика Израелците и Палестинците на дијалог во потрага по мир

Папата Франциско ги повика Израел и Палестинците на дијалог во потрага по мир и го осуди неодамнешното насилство во регионот.

По неделната молитва во Рим, Папата рече дека е длабоко тажен поради веста за убиените Палестинци во израелските антитерористички операции и смртта на израелските Евреи во нападот на синагога во петокот.

„Со голема болка ги слушам вестите што доаѓаат од Светата земја. Спиралата на смртта, која расте секој ден, ја убива малата доверба што постои меѓу овие два народи“, рече тој.

„Ги повикувам двете влади и меѓународната заедница и барам од нив веднаш, без губење време, да најдат други начини, кои вклучуваат дијалог и искрена потрага по мир“, додаде Папата.

Израелскиот премиер Бенјамин Нетанјаху вети силен, брз и прецизен одговор на нападот на синагога во предградијата на Ерусалим, а израелската армија испрати уште војници на окупираниот Западен Брег.

Нападот во Ерусалим следи по израелската воена операција во градот Џенин на Западниот Брег во четвртокот, во која загинаа девет Палестинци, вклучително и седум вооружени лица, и прекуграничниот оган меѓу Израел и Газа во петокот. Најмалку 30 Палестинци, милитанти и цивили, се убиени на Западниот Брег од почетокот на јануари.

Средба на Спасовски и Демерџиев утре во Скопје

Како што соопшти МВР, изјави од министрите не се предвидени, а на крајот од официјалната средба ќе биде објавено соопштение за медиумите.

Вицепремиерот за јавен ред и безбедност и министер за внатрешни работи на Република Бугарија Иван Демерџиев со придружна делегација, утре, ќе престојува во работна посета на Министерството за внатрешни работи на Република Македонија во рамки на која ќе се сретне со неговиот колега, министерот за внатрешни работи Оливер Спасовски.

Како што соопшти МВР, изјави од министрите не се предвидени, а на крајот од официјалната средба ќе биде објавено соопштение за медиумите.

Посетата на Дерменџиев беше најавена во петокот, по телефонскиот разговор на премиерите на Бугарија и на Македонија, Галаб Донев и Димитар Ковачевски, посветен на актуелните случувања во односите меѓу двете земји. Прес-службите на двете Влади соопштија дека двајцата премиери разговарале за потребата претстојните празнувања на 151-годишнината од раѓањето на Гоце Делчев, да се одвиваат мирно и непречено.

Во таа насока, за утре, беше најавена посетата на вршителот на должноста вицепремиер и министер за внатрешни работи на Бугарија Иван Демерџиев и претседателот на државната агенција „Национална безбедност“ Пламен Тончев, кои ќе имаат работна средба со своите македонски колеги во Скопје на која ќе ги прецизираат заедничките активности за да се гарантира мирно и безбедно одбележување на 4 февруари.

притисни ентер