На панел дискусијата на тема „Алармантните состојби во македонската дипломатија“ организирана од ВМРО ДПМНЕ зборуваше и Претседателот на Македонскиот дипломатски синдикат Зоран Дабиќ кој тврдеше дека нема комуникација со раководството во министерството кое како што рече служело за вработување на партиски кадри.
-Институцијата која уставно и законски има надлежност министерството да ја промовира државата надвор од своите граници во економска, политичка, трговска и културна област, сега МНР е претворено во институција којашто го рекламира министерот дома во рамките на државата, а најмногу во Чаир каде има добиено партиска задача да помирува фракции во неговата матична партија.- Антонијо Милошоски – ВМРО ДПМНЕ
-Последните седум – осум години би ги поделил на два периода, првиот на масовно впумпување на партиски кадри во МНР, и вториот период, последните неколку години масовно унапредување на истите тие кадри. Дури како синдикат утврдивме одредени параметри и начини како тоа се прави.- Зоран Дабиќ – Претседател на Македонски диполматски синдикат
По партиската трибина реагираа и од МНР од каде велат дека министерството се соочува со сериозни системски недостатоци кои се резултат на како што велат, долгогодишнo нестручно работење и длабоко партизирираниот пристап во водењето на институцијата во времето кога со МНР раководеле министри од ВМРО-ДПМНЕ.
-Изминативе години, во работењето на институцијата за прв пат не е важно партиското убедување на дипломатите кои со децении политичките партии ги делеле на наши и ваши. Покрај тоа, во овој иминат период под секое ниво биле сведени стручноста и непристраната работа на дипломатите и амбасадорите. Дополнително би сакале да нагласиме дека досегашниот дипломат и синдикален лидер, Дабиќ, за жал целосно ги напушти принципите на дипломатијата, и уште повеќе, оние на синдикалното здружување. -МНР
Од МНР најавија и дека ќе достават детали до јавноста за работата на куќата во времето кога на чело на дипломатијата биле кадри на ВМРО ДПМНЕ.