Објавени нови аудио – бомби за Мицкоски и Заев

Продолжува објавувањето на нелегално снимени аудио-снимки за лидерите на двете најголеми политички партии, Христијан Мицкоски и Зоран Заев.

Нов, трет дел од разговорот на Зоран Милевски-Кичеец и лидерто на ВМРО-ДПМНЕ Христијан Мицкоски беше објавен денеска на јутјуб каналот наречен Рекет.. Станува збор за 23 секунди од разговорот сниман лани, пред претседателските избори, а во оваа снимка се говори за финансирањето на партиските активности.

Кичеец: „Најди си лик, не знам, имал тој некој пријател добар, нешто ваму-таму, ја ќе појдам само да не појдит Сашо, никако во партија да не влезит„... тие се муабетите

Мицкоски: Сашо никогаш не дојде во партија, скршен од мака. Сашо даде два пати по 5.000 евра за автобусите за 2 јуни кога беше нели, тоа е од Сашо донацијата.

Речиси во исто време, се појавија и две нови снимки од по 36 секунди од разговор на лидерто на СДСМ, Зоран Заев, на новоотворен јутјуб канал.. Гласот на соговорникот е мутиран, идентично како и на снимка која беше објавена претходно, а Заев рече дека е од разговор со Александар Верушевски во 2016 година...

Во првата говорат за рејтингот што тогаш го имала Шарената револуција..

Зоран Заев: Па го регистрирав, шарена коалицијата ќе биде кога ќе излеземе

СОГОВОРНИК:Шарена коалиција а?

Зоран Заев: Се ќе соберам на купче и шуто и рогато. Све

XX:И после ќе ги пуштиш низ вода..

Зоран Заев: После мамето….на сите што ќе влезат кај мене во коалицијата

Во втората снимка, двајцата соговорници зборуваат за владиката Наум.

Зоран Заев: он е близок со Хари, Мари. Не ок е, оној наш владика е струмички, не можам да кажам дека не сум се видел со него, сум се видел.

СОГОВОРНИК: Каков човек е он?

Зоран Заев: Со сите бои обоен, измачкан. Не знам дали мине повеќе време со мене или со Сашо

По објавата на новите разговори, лидерот на СДСМ Зоран Заев на фејсбук напиша дека „лошо се изразил“

„ Но, наспроти тие неколку несоодветни зборови, во изминативе три години стојат на виделина сите добри односи, почит и достојна соработка со сите наши коалициони партнери. Низ конкретни дела секој ден градам човечки и пријателски односи со сите мои партнери и соработници, затоа нашата коалиција постојано расте, затоа нашето мнозинство победува.“ – напиша Заев.

Пленковиќ и ХДЗ со убедлива победа на изборите во Хрватска

Официјалните резултати покажуваат дека во моментов најголем број места во хрватскиот парламент освои ХДЗ – 68 на чело со досегашниот премиер Андреј Пленковиќ .

Големо изненадување и далеку послаб резултат од очекувањето освои опозициската коалиција на централно-левичарскиот Рестарт, предводена од Социјалдемократската партија (СДП), која според најновите податоци освои 43 места.

Предизборните анкети предвидуваат изедначен резултат, а некои дури и победа за СДП.

Татковинското движење на пејачот Мирослав Шкоро моментно има 15 освоени мандати.

Десниот Мост има 8, додека лево зелената коалиција Можемо има 6 места во Саборот.

Гласовите на дијаспората, сите три ги освои ХДЗ на Пленковиќ.

За формирање на мнозинска влада се потребни најмалку 76 пратеници во Саборот.

Шахпаска од Пробиштип: ДА, денес подобро се живее со повисока минимална и просечна плата ,повисоки пензии и зголемена социјална помош за 300%

„Денес можам гордо да ве гледам и да зборувам за сериозниот  исчекор  што го направивме , каде бевме и каде стигнавме денес.

Од заробена држава со широко распространета корупција, држава во која не постоеше слобода на медиумите туку постоеше цензура. Држава во која граѓаните за да функционираат мораа да ја поседуваат партиската книшка на ДПМНЕ. Држава во која имаше нарачани судски пресуди и избрани судии од тефтерчето на Гордана. Држава во која постоеше дискриминација по секој основ." -истакна носителката на ИЕ 3 , Јагода Шахпаска на граѓанската трибина во Пробиштип.

„Денес сме полноправна членка на НАТО сојузот, правна и праведна држава кое што ни го гарантира новиот Закон за јавно обвинителство, според кој секој кој се огрешил ќе одговара пред законот. Се врати слободата на говор и полека но сигурно ја враќаме довербата кај граѓаните кон институциите . Денес сме држава која веќе ја доби и преговарачката рамка и за време на германското претседателство ќе добиеме почеток на преговори за влез во ЕУ". –посочи Јагода Шахпаска .

Таа се осврна и на мерките кои беа реализирани изминатите три години, а кои значат обезбедување на подобар животен стандард на сите граѓани. Таа ја посочи реформата во пензискиот систем , редовната исплата на пензиите и нивни раст.

„Домаќински и одговорно минатата година заштедивме 3.7 милијарди денари и беше исплатена пензија без потреба од позајмица од централниот буџет. За нецели три години пензиите пораснаа за 1700 денари. Ако 2016 година кога дојдовме на власт просечната пензија беше 13.800 денари, сега таа е 15.500 денари". –истакна Шахпаска.

Како понуда за следниот мандат Шахпаска го посочи покачувањето на минималната пензија за 21% ,односно да нема пониска пензија од 10.700 денари.

Таа се осврна на воведувањето на државната социјална пензија од 6.000 денари, за лицата кои по никаков основ не исполнуваа право за редовна пензија. Тоа го искористија 6.600 пензионери.

Грижата за возрасните граѓани ја остваривме и преку укинувањето на квотите за лекови,па сега нема повеќе гужви пред аптеките, ниту недостиг на лекови.-рече Шахпаска.

Таа зборуваше и за вложувањето во здравствениот систем, покачувањето на платите на докторите кои пораснаа за 40% ,а другиот медицински персонал и здравствени работници до 23%. Вработени 780 доктори, 1.000 медицински лица и 5.000 согласности.

На прашањето на Мицкоски што денес им го постави на граѓаните во Прилеп „Дали подобро се живее"? -можам да кажам дека ДА ,подобро се живее со покачена минимална плата на 14.500 денари, со просечна од 27.300 денари, со повисоки пензии за 1.700 денари, со зголемена социјална помош од 300 %.-рече Шахпаска.

Таа на крајот ги повика граѓаните гордо и достоинствено почитувајќи ги протоколите за заштита на здравјето да го искористат своето право на глас и да излезат на гласање на 15 јули.

Затоа што МОЖЕМЕ уште повеќе и уште подобро !, се наведува во соопштението на СДСМ.

Николовски од Пробиштип: Ние сме на автопат, ВМРО-ДПМНЕ е во нивните темни подруми, ние сме за европска, а тие за режимска иднина

Генералниот секретар на СДСМ и носител на ИЕ  3 на Коалицијата „Можеме"  Љупчо Николовски, вечерва од трибината во Пробиштип оцени дека СДСМ води модерна европска кампања во која нема црни спотови,нема темнина.

Има идеи, разговори за еколошка и иновативна земја, за решавање на прашања кои досега не биле отворени.

„Ние зборуваме за новиот развој, за новата македонска економија, за родовата еднаквост, за заштита на животната средина, за отворање на нови работни места, за враќање на младите на Истокот, а ВМРО-ДПМНЕ ги покажуваат тие спотови на згрбавени луѓе, така како што тие ги замислуваат нашите сограѓани. Покажуваат спотови на темните простории во нивните подруми кои асоцираат на провизии, тендери, местенки. Ние сме на автопат, тие во нивните темни подруми. Ние сме за европска Македонија, тие за режимска Македонија во која царуваат криминалот стравот, корупцијата", рече Николовски.

Тој нагласи дека денеска изборот на граѓаните е лесен, а тоа го потврдуваат сите истражувања на јавното мислење.

„Сите истражувања на кредибилни светски агенции потврдуваат дека граѓаните се за напред, за развој, за иднина и ја поддржуваат оваа Програма која ја пишувавме 11 месеци. Ништо нема да ги спаси. Огромно мнозинство на 15 јули ќе гласа за оваа модерна, најголема и најразнолика Коалиција „Можеме", рече Николовски, се наведува во соопштението на СДСМ.

притисни ентер