Македонија

Објавена студијата за проектот „хеликоптерска помош“

Центарот за обука на пилоти во Петровец ќе биде клучниот објект кој ќе го користат хеликоптерите за итна медицинска помош но и во случаи за потрага и спасување.

Ова е наведено во Физибилити студијата која на 120 страници ја изработил Национален центар за почисто производство и напредни менаџерски пристапи. Наспроти тврдењата на владиниот генерален секретар дека јавно-приватното партнерство со шведската Сархемс нема никаква врска со Центарот за обука на пилоти, физибилити студијата го покажува токму тоа.

-Оваа локација е соодветна со оглед дека во најголем дел екипажите и персоналот ќе бидат ангажирани од државните институции (МО и МВР) како екипажи кои имаат искуство за летање на територијата на РМ. Потврдено е дека овие капацитети ги задоволуваат потребите на ХЕМС и САР во Македонија за воспоставување на оперативен центар и одржување на хеликоптери.-Физибилити студија за хеликоптерката служба за итна медицинска помош HEMS & Sar за РМ.

Но наспроти тврдењето во студијата дека бројот 112 се користи како заеднички за полиција, брза помош и противпожарни служби веќе 7 години, тоа не е така. Единствениот европски број за итни повици според најавите во употреба треба да биде од следната година.

Што се однесува до трошоците, еден хеликоптер чини од 10 до 15 милиони евра, но и платформите за слетување во градовите или надвор ќе чинат најмалку 2 милиони евра. – платформи трошоци и хеликоптер.

Владиниот секретар но и во студијата стои дека проектот нема да биде на товар на државниот буџет. Шведската фирма ќе треба да инвестира 9 милиони евра годишно, во договор од најмалку 8 години. А откако ќе заврши, целиот проект и сите недвижности да останат во сопственост на државата, според проценките би требало да има вредност од 42 милиони евра.

ВМРО ДПМНЕ и денеска обвини дека се работи за коруптивен проект.

Колку фирмата партнер ќе заработи не се знае. Главните извори за финансирање на приватниот партнер ќе произлегуваат од таксите на скопскиот и охридскиот аеродром, процент од патарините и европски средства од „Еуроконтрол“. Во студијата пишува – овие приходи ќе помогнат да се покријат дел од трошоците за сервисирање на САР.

Свет

Израел нема да преземе одговорност за синоќешниот напад врз Иран, објави „Џерузалем пост“.

Израел нема да преземе одговорност за нападот синоќа врз објект во централниот дел на Иран, објави израелскиот весник „Џерусалем пост“.

Извори од израелската служба за безбедност и од Владата на Израел за весникот рекоа дека причините за тоа се „стратешки“.

Весникот ги цитира зборовите на своите извори: „Око за око, заб за заб. Израел одговори таму, од каде беше нападнат“.

Според извори на весникот, Иран говори за „експлозија во фабрика“, а не за ракетен напад, бидејќи сака да избегне ескалација на тензиите. За доушниците на „Џерусалем пост“ не е јасно зошто Пентагон им открил на американските медиуми дека Израел бил вмешан во нападот - според нив, од САД можеле да молчат, со што би го зачувале достоинството на Иран, а и самите Американци ќе избегнат ескалација на тензиите.

Во информацијата на „Џерусалим пост“ се вели дека во следните 24 часа премиерот на Израел и Бенјамин Нетанјаху, целото раководство од областа на безбедноста и дипломатијата биле во воената база „Кирја“ во Тел Авив, каде договарале дејствија со партнерите од регионот Јордан, Египет и Саудиска Арабија.

Весникот пишува дека земјите од регионот објавиле пред Израел дека доколку Иран нападне, тие се подготвени да помогнат. Според информациите на „Џерусалем пост“, Израел ги информирал САД за нападот. /МИА

Македонија

РСБСП: Да придонесеме за поголема безбедност на децата во сообраќајот

Децата се една од најранливите категории учесници во сообраќајот.

Токму затоа неопходно е да се вложат заеднички напори за унапредување на нивната безбедност во сообраќајот. Треба да се има предвид дека тие се рамноправни учесници во сообраќајот на патиштата и да се посвети особено внимание на нивната едукација од областа на сообраќајните правила и прописи. Неопходноста за помош и едукација од возрасните посебно е изразена кај децата од помала возраст. Затоа Републичкиот совет за безбедност на сообраќајот на патиштата советува:

· запознајте ги децата со сообраќајните правила и прописи,

· разговарајте со децата за нивното однесување во сообраќајот и за правилноста на постапките, укажете им како можат да ги намалат или избегнат ризиците по нивната безбедност во сообраќајот,

· укажете им на децата дека коловозот треба да се преминува само на обележан пешачки премин,

· помалите деца во сообраќајот треба да се движат држејќи за раката возрасен,

· децата во сообраќајот треба да се сконцентрирани (а не да користат мобилни телефони или слушалки) за да можат навремено и правилно да реагираат,

· пред да го преминат коловозот децата треба да застанат, да погледнат лево и десно, па дури откако ќе се уверат дека сите возила запреле и дека е безбедно, може да исчекорат за да преминат,

· укажете им на децата дека не е безбедно да се движат на паркинг за возила или да го преминуваат коловозот помеѓу две паркирани возила затоа што можеби возачите нема да можат да ги забележат,

· вклучете ги децата во одлучувањето кога и каде е безбедно да се преминува коловозот,

· препорачливо е децата да носат светла облека или облека со рефлектирачки делови за да бидат повидливи во сообраќајот,

· бидете пример за совесно и одговорно однесување во сообраќајот затоа што децата најчесто учат т.е. земаат пример од однесувањето на другите.

Заеднички да придонесеме за поголема безбедност на децата во сообраќајот на патиштата.

РСБСП

Македонија

Санкционирани 55 возачи на мотоцикли

Санкционирани 55 возачи на мотоцикли во текот на вчерашната акција на МВР, од 11.00 до 16.00 часот, на територијата на државата.

- Од нив, 32 возачи не користеле заштитна кацига за време на возење, 17 возеле без возачка дозвола... За време на контролата санкционирани се и 157 други видови на сообраќајни прекршоци, соопштуваат од МВР.