Објавен индексот на отворени општини за буџетската 2020 година

Објавен индексот на отворени општини за буџетската 2020 година – потребно унапредување на отвореноста на буџетските процеси во сите димензии.

Отвореноста на општинските буџети за 2020 година во Република Македонија за прв пат беше измерена преку Индекс за отворени општини (ИОО) од страна на Здружението за истражување и анализи ЗМАИ, во соработка со Меѓународниот центар за локална демократија во Шведска.

Резултатите, како што соопшти ЗМАИ, насочуваат дека потребно е унапредување на отвореноста на буџетските процеси во сите димензии.

– Индексот на отворени општини е сеопфатен индикатор за оценување на општинскиот буџетски процес за една фискална година низ три димензии: транспарентност, вклученост и правичност, и отчетност. Резултатите покажуваат дека просечната вредност на ИОО за 2020 година е 31 (од максимум 100). Од друга страна, поставените стандарди за отвореност покажуваат дека општината треба да има вредност на индексот од барем 61 за да има задоволително ниво на отвореност. Единствено една општина, Богданци, има задоволително ниво на отвореност. Ниту една општина нема сеопфатно ниво на отвореност, а општините Арачиново и Ранковце имаат најниско ниво на отвореност, односно имаат индекс со вредност 0, наведуваат од ЗМАИ.

Просечната оценка за димензијата транспарентност, според Извештајот, е 39, за вклученост и правичност е 16 и за отчетност е 38. Оттука, посочуваат во соопштението, очигледно е дека еден од факторите за слабата отвореност на општините е ниското ниво на вклученост на граѓаните и правичност на донесените локални буџети.

– Доколку ги разгледуваме одделно вкупно има 12 општини имаат задоволително ниво на транспарентност на буџетскиот процес. Од друга страна има 24 општини кои постигнуваат доволна транспарентност на буџетскиот процес, кај 33 општини измерена е минимална транспарентност додека 12 општини покажуваат недоволна транспарентност на општинскиот буџетски процес, се наведува во соопштението.

Додаваат дека 72 општини (89 проценти од сите општини) се оценети дека имаат недоволна или минимална вклученост и правичност во нивните буџетски процеси. Гледано врз основа на населено место, урбаните општини се малку подобро рангирани. Имено, 25 посто од урбаните (11) општини се оценети со минимална, додека 61 отсто од нив дека имаат недоволна вклученост и правичност. Од друга страна, дури 84 проценти (31) од руралните општини имаат недоволна вклученост и правичност на буџетските процеси, а само осум посто (три) имаат минимална. Притоа, ниедна општина нема сеопфатна вклученост и правичност, додека од деветте општини кои имаат доволна или задоволителна вклученост и правичност, дури 67 посто (шест општини) се урбани.

– Оценето е дека 36 општини имаат доволна отчетност на општинските буџети. Од нив 22 општини се урбани, а 14 се рурални. Слична е распределбата и кај пониските категории во однос на населеното место, каде што 39 општини (48 посто од сите општини) се оценети дека имаат минимална или недоволна отчетност. Од друга страна, кај повисоките категориите овој процент е значително повисок кај урбаните општини. Имено, иако ниедна општина не е оценета со целосна отчетност, од шесте општини кои имаат задоволителна отчетност, дури пет (83 отсто) од нив се урбани, посочуваат од ЗМАИ.

Недоволната отвореност на општините, како што додаваат, придонесува за зголемена неефикасност на локалната самоуправа при давање на јавните услуги кон граѓаните.

– Оттука, во наредните години неопходно е значително да се унапреди отвореноста на сите општини во државата, а индексот на отворени општини ќе продолжи обезбедува фер натпревар помеѓу општините кој на долг рок ќе придонесе за сеопфатно отворање на буџетскиот процес на општините кон граѓаните, велат од ЗМАИ.

Тренчевска: Опфатот на децата во градинките 48 проценти, до 2028 година ќе изнесува 70 проценти

 Дополнителната заменичка министерка за труд и социјална политика во техничката Влада, Јованка Тренчевска денеска информираше дека имаат таргет до 2028 година, 70 отсто од децата да бидат вклучени во градинките.

- Во 2017 година, кога се формира Владата предводена од СДСМ, опфатот на децата во градинките беше од 25 до 27 отсто од вкупниот број деца вклучени во градинките. Денес, тој процент е 48, дополнително ќе се зголеми со градинките што чекаат на отворање. Таргетот ни е до 2028 година, тој процент да се зголеми на 70 отсто деца опфатени во предучилишно образование и секако, тој број да се зголемува, одговори Тренчевска на новинарско прашање на брифингот со новинари во Клубот на пратеници.

Во однос на листите на чекање за прием во градинка, таа кажа дека најкритично е во скопските општини.

- На територијата на целата држава од 2017 година до денес, изградени се 84 градинки со вкупен опфат на над 8 000 деца. Во декември 2023 година, Владата додели четири милиони евра за изградба на нови градинки во општините Бутел, Кисела Вода, Ѓорче Петров, Аеродром и во Карпош, подвлече Тренчевска.

Од 2018 година до денес во детските јавни установи вработени биле вкупно 2 881 лице, а бројот на лиценцирани негувателки и воспитувачки во овој период, изнесувал 740 лица.

НАТО ја одбележува 20-годишнината од своето најголемо проширување

НАТО денеска ја слави 20-годишнината од најголемото проширување на Алијансата, кога на пактот се приклучија седум земји.

„Денеска се навршуваат 20 години од приемот на Бугарија, Естонија, Летонија, Литванија, Романија, Словачка и Словенија“, изјави портпаролката на НАТО, Фара Даклала.

„Оваа година се одбележува и 25-годишнината од првото проширување на пактот по Студената војна со пристапувањето на Чешка, Унгарија и Полска, како и 75 години од основањето на Алијансата“, додаде таа.

Претходно овој месец, НАТО објави податоци кои покажуваат дека повеќе од 80 отсто од граѓаните на земјите од пактот се на мислење дека земјите од Европа и Северна Америка треба да работат заедно за безбедноста.

Ѓоковиќ се уште не избрал нов тренер

 Српскиот тенисер Новак Ѓоковиќ изјави дека се уште не знае кој ќе му биде тренер. Пред тоа ја прекина соработката со Горан Иванишевиќ. Србинот истакна дека Хрватот е негова драга личност и нивното пријателство нема да заврши.

-Се уште не знам точно кој ќе биде новиот тренер и дали воопшто ќе има таков. Имам тренери уште од детството, сега се обидувам да се потпрам на моите чувства и самостојно да одлучувам што ми треба, што е позгодно за мене. Ако некој се приклучи на тимот, тоа ќе биде објавено, изјави Ѓоковиќ.

Ѓоковиќ и Иванишевиќ почнаа да соработуваат од 2018 година. Покрај Ѓоковиќ, Иванишевиќ беше тренер на Хрватот Марин Чилиќ, Чехот Томаш Бердих и Канаѓанецот Милан Раониќ.

Од 2018 година, Ѓоковиќ четири пати ги освои Австралија Опен и Вимблдон, како и Ролан Гарос и УС Опен по два пати. /МИА

притисни ентер