Но, тие велат дека немаат каде да ги носат камповите, па ако општината решила очекуваат да ги тргне на сила.
- Некој инвестирал во вода, некој инвестирал во кујна и сето тоа да го средам за 60 дена и уште под притисок, не, не можам да го дозволам тоа, што сакаат нека прават нека ги запалат, нека ги запалат, што чекаат.
Одлуката за дислокација на кампприколките од општината ја правдаат со намерата да го исчистат просторот за да може тој наскоро да го врати стариот сјај.
Градоначалникот Блерим Беџети вели дека камперите го злоупотребуваат просторот, бидејќи има градби од цврст материјал што е противзаконски. Кампот брои околу 500 кампови, а се користат речиси 350. Според евиденцијата на општината треба да има 258, па Беџети вели фактички таму влегува кој сака.
-Се враќа моментот каде што туризмот таму ќе заживее, а и намената му е таква. Сведоци сме дека сме стигнале до овој момент, ќе продолжиме да работиме мнгоу поинтензивно за што поскоро да се врати тој сјај со намера за дневен и викенд туризам.
Камперите велат немаат ништо против комплескот повторно да заживее, но не сметаат дека тие се пробелмот.. велат дека езертото е споственост на граѓаните на Скопје и дека само тие имаат право да кажат што со него.
Граѓаните на Скопје, тие што го платија и го обезбедија овој простор, тие преку референдум или преку или некои други форми на изјаснување да кажат што понатака со ова. Ова е споственост на граѓаните на Скопје и само тие имаат право да кажат што со него.
Комплексот Треска бил пуштен во употреба во 1978, а на отворањето присуствувал и лично Тито.. Следните 10-15 години бил најпривлечна дестинација за разладување на скопјани.
Некогашната главна атракција за скопјани денеска наликува на пустина. Речиси е тешко да се замисли дека ова место некогаш било исполнето со детски џагор и илјадници посетители, кои уживале во убавините кои останале далеку во историјата.