Новиот сој на ковид -19 забрзано се шири ширум светот

И Јапонија го потврди првиот случај на зараза со новиот сој корона вирус  Омикрон, кај 30 годишен маж кој допатувал од Намибија. 

За сега добива терапија и е во стабилна состојба, потврдија јапонските здравствени власти. Земјата вчера превентивно ги затвори границите за странци со цел да се спречи ширењето на вирусот, за кој експертирте веќе предупредуваат дека може да биде опасен и за имунизираните.

Шефот на „Модерна“ Стефан Бансел предупреди дека постојните вакцини веројатно ќе бидат помалку делотворни против новиот сој, за кој што верува дека е многу позаразен од претходниот. Тој вели дека ќе ги почекаат дополнителните податоци,но дека за сега научниците не се оптимисти. Како што вели,ќе бидат потребни околу две недели за да се утврди ефикасноста на постојните вакцини и неколку месеци за да се испорачаат вакцини против новата варијанта.

„Очекуваме дека ќе има намалување на ефикасноста на вакцините во превенција на болеста, она што е важно да се запомни е дека за разлика од третманот со антитела вакцините не ви обезбедуваат едно или двена антитела туку супер антитела. И затоа некои антитела ќе штитат или ќе бидат неутрализирачки дури и ако имате мутација.“-Стефан Бансел, Директор на Модерна.

Бансел тврди дека вирусот веќе е присутен во повеќе земји, особено оние кои што изминатите 7-10 имаа директни летови од Јужна Африка. Тој вели дека сите имаат имаат по неколку случаи за кои што ниту самите не знаат.

И Научниците и СЗО кажаа дека за неколку недели ќе се разбере колку е сериозен новиот сој и дали и колку е отпорен на вакцините.

Фармацевтски гиганти, Модерна, Фајзер и Џонсон веќе објавија дека работат на изнаоѓање нови вакцини кои ќе бидат ефикасни против новиот сој и дека за неколку месеци светот ќе добие вакцина и против новата варијанта.

По најавата за пристигнување на омикрон ширум ЕУ но и поради зголемениот број новозаразени Грција воведе драстични мерки простив ширење на заразата. Мерката е задолжителна имунизацијиа на населението над 60 години. За тие што ќе одбијат следуваа казна по 100 евра месечно, се додека не се имунизираат.

Средба на претседателот Пендаровски со Ана Лирман, германска државна министерка за Европа

Претседателот Стево Пендаровски денеска ја прими Ана Лирман, државна министерка за Европа во Министерството за надворешни работи на Сојузна Република Германија.

Честитајќи ѝ за преземањето на функцијата, претседателот Пендаровски оцени дека посетата на министерката Лирман набрзо по нејзиното именување, ја демонстрира јасната посветеност на германските власти за аспирациите на државите од Западен Балкан за членство во Европската Унија. Претседателот Пендаровски се заблагодари што проширувањето на Европската Унија и Западниот Балкан се меѓу клучните приоритети на новата Влада на канцеларот Олаф Шолц.

Претседателот Пендаровски истакна дека Република Македонија останува посветена на европската агенда и го реафимираше очекувањето за скорешен почеток на пристапните преговори за членство во Европската Унија. Во таа насока, претседателот Пендаровски посочи на подготвеноста на нашата држава за продолжување на дијалогот со Република Бугарија, во духот на добрососедските односи, со цел надминување на блокадата во однос на европските интеграции.

Во контекст на билатералните односи, претседателот Пендаровски оцени дека Германија е клучен политички и економски партнер на земјава и еден од најзначајните трговски партнери во годините наназад. Претседателот Пендаровски изрази очекување за натамошно јакнење на пријателството и партнерството меѓу двете држави, вклучувајќи го сојузништвото во НАТО, како и очекување за натамошно зголемување на трговската размена.

Водата во Скопје безбедна и квалитетна за пиење

Водата во Скопје изминатата недела била безбедна и квалитетна за пиење, покажуваат примероците за физичко-хемиска и микробиолошка анализа земени од 47 мерни места во Град Скопје, информираат од ЈП „Водовод и канализација – Скопје".

Ова го покажува неделниот извештај за квалитетот и безбедноста на водата за пиење, добиен од анализите спроведени во Секторот за санитарна контрола, во кој земените 196 примероци за физичко-хемиска и 196 примероци за микробиолошка анализа на вода за пиење, од 47 мерни места во град Скопје, во периодот од 10 до14 јануари 2022 покажува дека сите примероци одговараат на Правилникот за барања за безбедност и квалитет на водата за пиење.

Снежно невреме во источниот дел на САД, 200.000 домаќинства без струја

Силно снежно невреме го погоди источниот дел на САД, поради што дојде до прекин на електричната енергија. Повеќе од 200.000 домаќинства во Џорџија, Северна и Јужна Каролина се без струја.

Властите ги предупредија граѓаните да се воздржат од патување поради лошите временски услови. Откажани се 3.000 летови, а 8.000 полетале со доцнење.

Снежното невреме стигна и до Канада, каде за само неколку часа паднаа 20 до 40 сантиметри снег.

притисни ентер