Нови 109 заразени со Ковид 19, оздравени се 422 , починалa една пациентка

Министерството за здравство информира дека во последните 24 часа се направени 762 тестирања, а регистрирани се 109 нови случаи на ковид-19 .

Во: Скопје-20, Куманово-16, Штип-13, Прилеп-1, Тетово-3, Струга-2, Велес-4, Битола-1, Охрид-2, Кавадарци-15, Гостивар-10, Гевгелија-1, Радовиш-2, Демир Хисар-1, Македонски Брод-2, Виница-3, Свети Николе-5, Кичево-7, Неготино-1.

Денеска Институтот за јавно здравје регистрира 422 оздравени пациенти од: Скопје-173, Куманово-28, Штип- 93, Прилеп-8, Тетово-23, Струга-36, Охрид-15, Гостивар-28, Радовиш- 1, Крушево-2, Кочани-1, Пробиштип-3, Демир Хисар-1, Македонски Брод-1, Свети Николе-3, Кичево-1, Ресен-5.

Почината е една пациентка од Скопје (70г.) во болнички услови.

Вкупната бројка на ковид дијагностицирани во нашата земја од почетокот на епидемијата изнесува 11942, бројката на оздравени пациенти е 8087, на починати е 528, а во моментов бројот на активни случаи во земјата изнесува 3327. Денес се евидентираат 6 контролни теста и корекција за еден оздравен. Според завршените епидемиолошки анализи во моментов дистрибуцијата по градови е следна:

• Скопје 5166, активни 1177

• Куманово 1163, активни 263

• Дебар 219, активни 128

• Штип 965, активни 319

• Прилеп 346, активни 42

• Тетово 1092, активни 171

• Струга 479, активни 160

• Велес 238, активни 27

• Битола 167, активни 74

• Охрид 300, активни 77

• Кавадарци 125, активни 103

• Гостивар 571, активни 306

• Гевгелија 25, активни 14 (*7 лица од ПЕ Гевгелија се жители на Дојран, 3 на Богданци)

• Струмица 41, активни 25

• Крива Паланка 26, активни 12

• Радовиш 35, активни 11

• Крушево 16, активни 5

• Кочани 112, активни 23

• Пробиштип 63, активни 18

• Демир Хисар 43, активни 29

• Македонски Брод 53, активни 41

• Пехчево 6, активни 0

• Берово 8, активни 4

• Валандово 7, активни 1

• Виница 33, активни 29

• Делчево 5, активни 3 (*4 лица од ПЕ Делчево се од Македонска Каменица)

• Кратово 14, активни 4

• Свети Николе 244, активни 116

• Кичево 202, активни 121

• Ресен 146, активни 12

• Неготино 32, активни 12 (*10 лица од ПЕ Неготино се жители на Демир Капија)

Направените 762 теста се преку: ИЈЗ-433, ЦЈЗ Скопје-12, Авицена-0, Биотек-0, МАНУ -0, Жан Митрев (Филип Втори)-124, Систина со PCR метода -128, Судска медицина -0, ЦЈЗ Битола-46, Инфективна клиника-7, ГАК-12. Досега во земјата се направени вкупно 115590 тестирања на ковид -19. Денеска нема тестирања во рамките на скринингот.

На Инфективната клиника во изминативе 24 часа примени се 5 пациенти. Вкупно се хоспитализирани 77 пациенти. На кислородна поддршка се 41 пациент, нема на механичка вентилација.

Во болницата во Козле се хоспитализирани 14 возрасни пациенти позитивни на ковид-19 и 4 деца позитивни на вирусот, и 7 пациенти суспектни на вирусот.

Во ГОБ „8 Септември" примени се 6 нови, вкупно хоспитализирани се 79 пациенти. На респираторна машина се 6 пациенти.

Во болницата во Битола се хоспитализирани 31, а во болницата во Штип се хоспитализирани 52 пациенти. На инфективните одделенија во Тетово, Охрид, Велес, Куманово, Прилеп, Гостивар, Струмица и Струга се хоспитализирани 122 пациенти - позитивни и сомнителни на ковид-19.

Игуаин потпиша за нов клуб, ќе има посебен статус

Интер Мајами потврди дека Гонзало Игуаин потпишал договор со тој клуб и ја продолжува кариерата во МЛС.

Аргентинецот, кој во декември ќе наполни 33 години, спогодбено го раскина договорот со Јувентус на своја штета и отиде во клубот на Бекам како слободен агент.

Интер Мајами го стави Игуаин во категоријата „назначен играч“, што значи дека платата на Аргентинецот не е предмет на ограничување од платата што ја има МЛС. Секој клуб во лигата има право да потпише за тројца играчи со назначен статус на фудбалерот.

Игуаин потпиша на една година со опција за продолжување на договорот. Тој беше платен седум милиони долари по сезона, што го прави најплатен играч во лигата. Тој има и едно познато лице во соблекувалната, а тоа е Блез Матуиди, кој пристигна од Јувентус во август.

Игуаин е во Јувентус од 2016 година кога пристигна од Наполи за 90 милиони евра. Иако постигна 66 гола и 16 асистенции на 146 натпревари за Јувентус, Игуаин беше на позајмица во Милан и Челси пред Андреа Пирло да му каже дека не смета на него.

Аргентинецот нема да може да игра или тренира со тимот две недели, бидејќи мора да мине низ задолжителен карантински период. Тој исто така чека работна виза за САД, но Интер Мајами тврди дека станува збор само за формалност.

Коронавирусот забрзано се шири во повеќето земји,само во неколку забавува

Бројот на лица заразени со коронавирус значително се зголеми во светот во последните седум дена и сега веќе надмина триесет милиони, а особено брзо се шири во Европа.

По неколку недели стабилна ситуација, пандемијата значително забрза оваа недела. Секој ден има 286 000 потврдени инфекции во светот, или 8 проценти повеќе од претходната недела.

Како и претходните недели, инфекцијата се шири најбрзо во Европа (16 проценти повеќе од претходната недела). Дневниот број на нови инфекции во Европа е зголемен за три пати од јули (47.300 оваа недела, на околу 15,000).

Инфекцијата исто така се шири побрзо на Блискиот исток (+13%), во САД и Канада (+11%), во Азија (+7%) и во Јужна Америка и Карибите (+3%).

Забавува во Океанија (-20 проценти) и во Африка (-7 проценти).

Инфекцијата се шири најбрзо во Чешка (+65 проценти, 1300 заразени на ден). Ситуацијата во Чешка е најтешка меѓу земјите кои потврдија повеќе од 1.000 заразени секој ден во изминатата недела.

Следуваат Холандија (+52 проценти, 1200), Израел (+37 проценти, 3950), каде денеска повторно е воведен карантин, Филипини (+33 проценти, 3900), Велика Британија (+32 проценти, 3400), Непал (+20). проценти, 1300) и Иран (+20 проценти, 2500).

Од друга страна, најголем пад на бројот на заразени е забележан во Етиопија (-41 процент, 600 нови инфекции на ден), во Костарика (-20 проценти, 1000), во Венецуела (-19 проценти, 900), во Бангладеш (-15 проценти, 1600) и во Мексико (-10 проценти, 4500).

Индија, САД и Бразил се трите земји со најголем број нови инфекции во последните седум дена: 93.200 , 39.300, и 31.000 нови инфекции секој ден во просек, според податоците собрани денеска од АФП до 13 часот по средноевропско време.

Трендот се влошува во овие три земји: +7 проценти во Индија, +10 проценти во САД и Бразил.

Следат Аргентина (11.100), Шпанија (10.200), Франција (8800), Колумбија (7000) и Перу (5800).

Индија бележи најголем број на смртни случаи во изминатата недела (1160 секој ден), потоа следат САД (840), Бразил (770), Мексико (360), Аргентина (220), Колумбија (200) и Иран (140).

На глобално ниво, бројот на смртни случаи на дневна основа се намалува во споредба со претходната недела (-10 проценти, 5.200 на ден)

Пандемијата однесе најмалку 946.727 животи ширум светот од крајот на декември, со над 30,2 милиони заразени.

Најмногу смртни случаи има САД - 197 655.

Следат Бразил (134.935), Индија (84.372), Мексико (72.179) и Велика Британија (41.705).

Европската агенција за лекови го одобри дексаметазон за лекување на коронавирусот

Европската агенција за лекови ја одобри употребата на дексаметазон за третман на пациенти со ковид-19 кои имаат проблеми со дишењето, отворајќи го патот овој стероид да стане втор одобрен лек за третман на ковид-19 во Европа по ремдесивирот.

ЕМА денеска објави дека лекот може да биде опција за лекување на возрасни и адолесценти на кои им е потребна терапија со кислород или респиратор, откако ги разгледа резултатите од студијата на британските научници.

Студија наречена „ RECOVERY“ спроведена од научници од Оксфорд покажала во јуни дека дексаметазонот ја намалува смртноста за околу една третина кај тешко болните лица со ковид-19. Лекот, во меѓувреме, е одобрен во Јапонија за третман на ковид-19.

Лекот се користи со децении, е ефтин и лесно достапен. Често се користи за разни воспалителни состојби. Компаниите сега можат да побараат дозвола од нивните национални регулатори или од ЕМА за дополнителна употреба на лекот, соопшти Агенцијата.

ЕМА исто така наведува дека препорачаната доза за возрасни и адолесценти, на возраст од 12 години и тешки најмалку 40 килограми, е 6 мг еднаш на ден во текот на десет дена.

Европската комисија издава одобрение за ставање во промет и обично ги следи препораките на ЕМА. Антивирусниот лек Ремдесивир на Гилеад е првиот одобрен лек против ковид-19 во Европа. Тој беше одобрена во јули.

притисни ентер