Новата подваријанта на омикрон е откриена во 40 држави, научниците со нови сознанија

Првиот сој омикрон BA.1, познато е дека се шири побрзо од претходните соеви на коронавирус. Сега се појави подвид BA.2.

Заразил најмалку 400 луѓе во Велика Британија во првите десет дена од јануари. А неговото постоење е веќе докажано во повеќе од 40 земји, пишува Дојче веле.

Во списокот ПАНГО се наведува дека 79 отсто од досега докажаните инфекции со овој сој се потврдени во Данска. Следуваат Обединетото Кралство (6%), Индија (5%), Шведска (2%) и Сингапур (2%). Сепак, треба да се забележи дека откривањето на овој подвид на вирусот зависи од способностите за секвенционирање на PCR тестовите во одделни земји.

Брзото ширење на овој подвид сугерира дека тој би можел да биде уште позаразен од првата варијанта на сојот омикрон BA.1. Агенцијата за здравствена безбедност на Обединетото Кралство (UKHSA) го рангира BA.2 меѓу „забележителни видови“.

„Во природата на вирусите е да се размножуваат и мутираат“, рече Мера Чанд, директорка на Британската здравствена агенција. „Значи, може да се очекува дека ќе има повеќе соеви за време на пандемијата“.

Бидејќи здравствените установи ја истражуваат генетската структура на вирусот, можно е да се идентификуваат нови соеви и да се процени колку се опасни новите мутации. Сè уште е во тек анализата на подвидот BA.2. „Сè уште нема убедливи докази дека BA.2 предизвикува потежок тек на болеста од BA.1“, вели Чанд.

Британскиот министер за здравство Саџид Џавид додава дека појавата на нов сој покажува колку е важна вакцинацијата. Ги охрабрувам сите да се заштитат себеси и своите најблиски и сега да земаат засилена доза. Францускиот епидемиолог Антоан Флахо изјави за француската новинска агенција АФП: „Она што не изненадува е брзината со која овој подвид, кој широко циркулира во Азија, се прошири во Данска“.

Досега, инфекциите од подтипот BA.2 немале потежок тек од подтипот BA.1. Францускиот министер за здравство Оливие Веран исто така ја разгледува појавата на новиот подвид на сојот омикрон. „Во моментов знаеме дека BA.2 повеќе или помалку одговара на карактеристиките што ги знаеме за омикрон“, рече тој за АФП.

Германскиот виролог Кристијан Дростен од Универзитетската клиника Шарите во Берлин изјави во интервју за германската радио станица Deutschlandfunk дека спојувањето на делтата со еден од подвидовите омикрон може да развие уште поопасен вирус. Омикрон има одредени мутации во површинскиот протеин.

Посебно опасна би можела да биде рекомбинацијата на вирусот што ќе го носи шилестиот протеин омикрон и остатокот од геномот на делтата сојот на коронавирус, рече Дростен. Ова би значело поврзување на најсилните особини на двата соја. „Такво нешто е веќе опишано, па мораме да се плашиме дека такво нешто може да се случи“, рече Дростен.

Неодамна, научник од Кипар пријави нов тип на вирус наречен „делтакрон“, но можно е тоа да е грешка, велат научниците.

Сепак, научниците се убедени дека со адаптирање на вакцините можат да се стави крај на ваквите нови соеви. Германскиот производител на вакцини BioNTech и неговиот американски партнер Pfizer почнаа да спроведуваат клиничка студија за вакцина приспособена на сојот омикрон. Нејзината безбедност, подносливост и ефективност треба да се тестира, велат двете компании.

Студијата опфатила 1420 лица кои биле поделени во три групи. Во првата група спаѓаат оние кои примиле две дози од вакцината пред 90 до 180 дена и кои сега ќе добијат една или две дози од вакцината прилагодена за сојот омикрон. Оваа група вклучува 600 луѓе. Подеднакво голема е и втората група, која ги вклучува оние кои примиле бустер доза, кои ќе примат друга стандардна доза на вакцина или една доза вакцина прилагодена за сојот омикрон.

Третата група вклучува околу 200 невакцинирани лица и оние кои досега немале КОВИД-19. Тие ќе добијат три дози од новата вакцина адаптирана за сојот омикрон.

Европската агенција за лекови (ЕМА) не објави дали смета дека е неопходна вакцина адаптирана за сојот омикрон. Но, BioNTech и Pfizer пред две недели објавија дека почнале да произведуваат вакцина прилагодена за новиот сој на коронавирус. Тие очекуваат да произведат 50 до 100 милиони дози од вакцината до крајот на март или почетокот на април. И BioNTech и Pfizer го проценуваат нивниот производствен капацитет за оваа година на околу четири милијарди дози вакцини.

По Макрон, и Мишел предлага „Европска геополитичка заедница“, резервна варијанта за З. Балкан

Претседателот на Европскиот совет, Шарл Мишел, предлага формирање на, како што тој ја нарекува, „Европска геополитичка заедница“.

Заедница која ќе се стреми кон „конвергенција и продлабочување на оперативната соработка за справување со заедничките предизвици, мирот, стабилноста и безбедноста на нашиот континент“.

Групата би ја сочинувале земјите од Западен Балкан и земјите партнери на ЕУ од истокот, кои се или кандидати за пристап во блокот или се стремат да станат такви.

„Ќе предложам да се одржи конференција околу или по летото“, напиша Мишел на Твитер.

„Францускиот претседател Макрон претходно ја промовира идејата за формирање „Европска политичка заедница“ која ќе ги вклучува Украина и Британија.

Клучните вредности во областите на политичката соработка, безбедноста, енергетската соработка, сообраќајот, инвестициите во инфраструктурата.

Фото: Градските приказни на КУД Илинден, подвижен музеј на градот Битола

Градските приказни на ансамблот ИЛИНДЕН, беа изведени на целовечерен концерт под наслов „Битола е градот” во Офицерски дом. 

Изминаа повеќе од 67 години, откако ансамблот на народни песни и игри ИЛИНДЕН од Битола, започна да ја чува, негува и да ја шири нашата традиција. Низ сите тие години светот се менуваше околу нас, но ИЛИНДЕН секогаш го чувал највредното. Помеѓу тие бисери се „Градските приказни“ кои се подвижен музеј за овој град.

Ансамблот ИЛИНДЕН е тука да го спои сѐ она што се менува и сѐ она што треба да остане исто. Ние сме врската помеѓу минатото и иднината. Тука сме да бидеме чувар на наследството, но и животворец на Битола низ песни и игри, затоа што Битола е градот, стоеше на најавата со плакат кој за овој настан го дизајнираше Сергеј Светозарев.

-„Битола е градот“, а КУД Илинден е синонимот за Битола. Најстар фолклорен ансамбл, едно од најстарите здруженија во Битола и нашата татковина, без прекин на континуитетот. КУД Илинден 67 години е амбасадор на Македонија во светот, се разбира и на сцените низ нашата држава. Сме настапувале од САД на Запад до Јордан на Исток, низ цела Европа, Австралија, Русија...Минатата година бевме дел од 6-тата светска фоклоријада во Уфа, Русија, како претставници на Македонија. Овој проект е нераскинливо врзан за нашиот ансамбл. Сите сцени на „Градските приказни„ се предизвик за нас, а Офицерскиот дом и како архитектура и како историја е место каде се спојуваат истокот и западот. Идеален простор каде можат да се претстават и Ала Турка и Ала Франга традициите преку непроценливи костими, песни и игри. Беше повеќе од предизвик да ги раскажеме нашите градски приказни токму на оваа локација, бидејќи ние сме еден од ретките ансамбли кои ги има градските игри, во формат на целовечерен концерт, вели Александар Стефановски, уметнички раковител на КУД Илинден.

Овој концерт, на барање на публиката ќе се одржи уште неколку пати, а веќе пристигнуваат покани за настапи на други сцени и на еден голем интернационален настан во организација на една од амбасадите во Македонија, за што ќе следуваат наскоро детали.

Заедничка литургија на поглаварите на македонската и српската црква во Белград

Литургијата на помирување започна утрово во 9 часот во храмот Свети Сава во Белград, на која служеа Српскиот патријарх Порфириј и Архиепископот охридски и македонски Стефан.

Во присуство на голем број граѓани по 55 години со литургијата на помирувањето ќе се обнови литургиската и канонската заедница на двете сестрински цркви, согласно одлуката на парламентот на Српската православна црква.

Македонските владици се надеваат дека Српската православна црква на крајот на мај ќе го испрати предлогот за автокефален статус на МПЦ-ОА.

Во Белград пред храмот Свети Сава е Михајло Видимлиски.

Во видеото погледнете го целиот извештај.

притисни ентер