Македонија

Нова микробиолошка опрема за Секторот за санитарна контрола при ЈП „Водовод и канализација" – Скопје

Во Секторот за санитарна контрола при ЈП „Водовод и канализација" – Скопје е поставена нова микробиолошка опрема, соопшти претпријатието.

– За целите на ревитализација на микробиолошкиот оддел се монтираше микроскоп со дигитална камера кој може констатациите од страна на аналитичарот напревени при испитување на подлогите да ги регистрира дигитално, меморира или како документ за консултација да ги испрати во мрежа со помош на рачунарот кој е составен дел од апаратот. Со ова се документира работата во микробиолошкиот оддел и истата станува комплетно транспарентна. Во оваа фаза беше опфатена и ревитализација на водоблокот или производството на лабораториска вода и вода за потребите на работа на автоклавите, се инсталираше систем со контрола за дејонизација која се состои од катјонска, анјонска и колона со мешана јонска маса со зголемен капацитет така што се произведува вода за сите сегашни и идни потреби на лабораториите за микробиологија. Истиот има кондуктометриска контрола за исправно користење на инсталацијата и нејзино соодветно одржување. Старите и дотрајани автоклави се заменети со нови. Истите комплетно ги покриваат потребите на одделот за микробиологија, информираат од ЈП „Водовод и канализација" – Скопје.

На овој начин, соопштуваат од јавното претпријатие, се заокружи и комплетира фазата на ревитализација на класичните и инструменталните методи кои се применуваат во одделот за микробиологија согласно стандардот ИСО 17025 и се направија подлоги за прием на нова генерација на аналитичка опрема во микробиологијата.

– Ова е само уште еден доказ дека Секторот за санитарна контрола, при ЈП Водовод и канализација – Скопје е чекор понапред во својата работа која ја извршува одговорно, транспарентно и во согласност со сите европски стандарди, регулативи и директиви, наведуваат од ЈП „Водовод и канализација" – Скопје./МИА

Регион

Маж од Подгорица исфрлил гола проститутка на улица, полицајците шокирани од полот (ФОТО)

Случајни минувачи кои пред неколку ноќи се нашле во елитната населба Мастер кварт во Подгорица биле сведоци на крајно бизарна сцена - на улица имало сосема гола проститутка.

Како што дознава Телеграф.рс., неименуван маж исфрлил целосно гола проститутка од станот на улица.

Околу 3 часот и 25 минути, случајни минувачи пријавиле во полиција дека преку Блажов мост кон Собранието на Црна Гора се движела сосема гола жена.

Се покажало дека е транс девојка.

Како што дознава Телеграф.рс, претходно дошло до расправија.

Предметната девојка била од Шпанија и работела како деловна придружба.

Била со партнерот и не сакала да соработува со полицијата. Таа била пренесена во Ургентниот центар за да се провери дали е повредена, но таа одбила помош.

Инаку, дотичната има профили на сајтови за придружба, на кои јасно се посочува дека е транс и дека сè уште не направила операција за промена на полот, објави Телеграф заедно со ВИДЕО.

Живот

Старателка призна дека убила дете и го фрлила во шахта: Имав син, му го одзедов животот (ВИДЕО)

Старателката Пами Меј (48) од Колумбус, Охајо, признала дека го убила момчето Дарнел Тејлор (5), а потоа го фрлила неговото тело во шахта.

Таа на 13 февруари годинава збеснала кога го видела како јаде грицки во креветот, а потоа решила да го казни, објави Ен-Би-Си.

Почнала да го дави со рацете, а кога сфатила дека момчето не е живо, телото го фрлила во шахта во близина на куќата во која живееле.

Телото на момчето било пронајдено неколку дена подоцна.

Пеми веднаш била уапсена и во полиција го признала убиството, а нејзиното признание е снимено на камера.

„Барем имаш деца. Имав син, но му го одзедов животот“, се слуша како Пем му кажува на еден од полицајците.

Во видеото таа открила дека решила да го убие Дарнел откако претходно во текот на денот го видела како се прикрадува со грицки во креветот.

Тоа толку ја налутило што точно планирала како да го убие момчето.

Во еден момент влегла во собата и почнала да го гуши. Таа рече дека момчето се обидело да се одбрани, но во еден момент престанало да се движи.

„Тогаш сфатив дека повеќе не е жив“, рече таа.

За време на полицискиот разговор, Пеми не покажала никакви емоции или знаци на каење.

Судењето на Пеми се очекува да започне на 25 април.

Свет

Аргентина бара партнерски статус во НАТО

Аргентина побара од НАТО да стане еден од глобалните партнери на тој безбедносен сојуз, изјави денеска министерот за одбрана Луис Петри во време кога неговата земја бара начин да ги зајакне врските со САД и Европската унија.

Аргентина во вторникот објави дека купува 24 американски борбени авиони Ф-16 од Данска, договор поддржан од Вашингтон.

Министерот Петри се сретна со заменик генералниот секретар на НАТО, Мирчеа Џоана и му врачи писмо во кое се изразува интересот на Аргентина да стане партнер на западната воена алијанса, објави министерот на X.

Според НАТО, глобалните партнери работат со членките на алијансата за споделување разузнавачки информации и учество во воени вежби.

Глобалните партнери на НАТО ги вклучуваат, меѓу другите, Австралија, Колумбија, Ирак, Јапонија, Јужна Кореја, Монголија, Нов Зеланд и Пакистан.