Нова ерупција на вулканот Етна, невидена во последните децении (ВИДЕО)

Вулканот Етна вечерва повторно еруптира.

Новите ерупции започнале на почетокот на оваа недела, а вулканот со денови исфрла облаци чад и пепел во воздухот. Вчера лавата што ја исфрлил Етна надмина височина од 1.500 метри, пишува Гардијан.

Етна е најактивниот вулкан во Европа, а вечерашната ерупција многумина ја опишуваат како една од најспектакуларните во последните неколку децении. Последната голема ерупција се случила во 1992 година.

Ерупциите на Етна ретко предизвикуваат голема материјална штета или човечки жртви, пишува Би-Би-Си, па локалните власти не очекуваат денешната ерупција да предизвика големи проблеми.

„Ова секако беше една од најспектакуларните ерупции во последните децении“, рече Борис Бенке, вулканолог од Националниот институт за геофизика.

Казнети 134 возачи за брзо возење на автопатот Гевгелија – Куманово

Како што денеска соопштија од МВР, од нив, 20 возила се движеле со брзина над 50 километри на час повеќе од дозволеното, а седум возила се движеле со брзина над 70 километри на час повеќе од дозволеното.

Мобилната единица за безбедност во сообраќајот на патиштата во текот на вчерашниот ден во рамки на зајакната акциска контрола за санкционирање на возила кои се движат со брзина поголема од дозволената на автопатот Гевгелија – Куманово, санкционирала 134 лица.

Како што денеска соопштија од МВР, од нив, 20 возила се движеле со брзина над 50 километри на час повеќе од дозволеното, а седум возила се движеле со брзина над 70 километри на час повеќе од дозволеното.

Засилените акциски контроли продолжуваат и во наредните денови, најавуваат од МВР и апелираат до сите учесници во сообраќајот да ги почитуваат сообраќајните правила и прописи.

Во текстилниот сектор лани без работа останале 6783 лица

Пандемијата скрати 6783 работни места во текстилниот сектор, покажа анализата на истражувачкиот тим на Здружението за истражување и анализа (ЗМАИ)-Скопје. 

Податоците покажуваат дека дека вкупниот број нови невработени лица во 2020 година во однос на 2019 година се зголемил за 128 отсто.

-Конкретно, во 2020 година има 6783 нови невработени лица. За споредба, во 2019 година имало 2971. Истовремено, процентот на невработеност кај младите е значително повисок во однос на останатите години. Дури 15 проценти од младите учествуваат во невработеноста. Сознанијата покажуваат дека речиси во сите општини бројот на нови невработени лица по основ на одјавување од задолжително социјално осигурување кои доаѓаат од текстилната индустрија се зголемува, се вели во анализата на ЗМАИ.

Нивното истражување покажува дека пет општини со највисок пораст на невработеноста се: Штип, Тетово, Скопје, Прилеп и Куманово. Во овие пет општини текстилната индустрија е и најразвиена и има најмногу активни субјекти во овој сектор. Кај младите лица до 29 години, бројот на невработени, исто така, се зголемува. Петте општини со највисок пораст на невработеноста кај младите се: Штип, Струмица, Радовиш, Прилеп и Кочани.

– Најчест основ за прекинување на работниот однос во текстилната индустрија, во последните пет години е истекот на определено време. Во 2020 година овој основ бележи раст од 123 отсто. Во овој период најголем раст за раскинување на договорот за вработување е присутен кај основот отказ на работодавачот и истиот изнесува 174 проценти, се наведува во истражувањето на ЗМАИ.

Кристина Ампева од „Гласен текстилец"-Штип вели дека за време на пандемијата на работниците постојано им апелираат да внимаваат што потпишуваат. Доколку работникот се потпише на сподгодбен отказ, ништо не им следува, а тие како невладина која ги застапува работничките права ништо не можат да направат, ниту пак да ги заштитат.

Анализата на ЗМАИ покажува и дека најчестата причина за престанок на работниот однос во текстилната индустрија кај младите до 29 години, пред и за време на кризата, е истекот на определено време. Порастот на овој основ во 2020 година во споредба со 2019 година е 165.5 проценти. Сепак, најдоминантен пораст за престанок на работниот однос во 2020 во споредба со 2019, бележи основот отказ од работодавачот со пораст од 234 отсто, а потоа следува основот отказ од самиот работник, со пораст од 225 проценти.

Текстилството вработува над 30 000 луѓе во држвата, а во вкупниот извоз учествува со 10 проценти. Анализата на ЗМАИ е направена во рамките на проектот „Одговор на социоекономските ефекти од КОВИД-19 преку поддршка на ранливите групи на нископлатени работници, работници кои се дел од неформалната економија и привремено вработени работници".

Проектот го спроведува конзорциум од шест организации составен од: Институт за економски истражувања и политики Finance Think – Скопје; Здружение за истражување и анализи ЗМАИ -Скопје; Аналитика – Скопје; Здружение Гласен текстилец – Штип; Здружение за унапредување и заштита на правата на работниците Достоинствен работник – Прилеп; и Здружение за рурален развој ЛАГ Агро Лидер – Кривогаштани, со финансиска поддршка на Фондацијата Отворено општество – Македонија. /МИА

Арсовски: Николовски молчи за работењето на Лариком - Импекс со кеш пари

Фирмата на братот на Љупчо Николовски, Лариком – Импекс, стана синоним за енормно брзо богатење во време на власт.

Откако целата држава дозна дека Лариком – Импекс, шпедицијата има раст од 2100%, во дел од период кога над 6500 фирми се затворени заради неспособноста на Владата, вчера обзнанивме нов сомнителен случај за криминално работење во правен субјект, за кој нормално молчат сите, целата влада, СДСМ, вклучително и семејството Николовски.

Имено, фирмата на братот на Љупчо Николовски, која е шпедиција, работи народски кажано на црно, односно со каса-прими парагони како во деведесеттите години и зема кеш пари од клиенти. Ова е класичен начин на продуцирање сива економија и тоа не во деведесеттите години, туку во 2021 година.

На овој начин фамилијата Николовски затајува данок и прекршува неколку закони, вклучително и основниот чл.12 од Законот за регистрирање на готовински плаќања.

Јавно уште еднаш го прашуваме Николовски сам да си каже, дали фирмата на неговиот брат работи со кеш пари преку каса-прими и силата за прекршување на законите ја црпе од позицијата вицепремиер во Владата?

Какво е влијанието на Љупчо Николовски за да чувствуваат толкава храброст, моќ и сила за да спроведуваат беззаконие? Државата за функционерите на СДСМ е мајка, а за обичниот народ маќеа. И ова кое што го истакнавме вчера не е изолиран случај, туку повеќе пати се има случено и доколку се отвори случај од страна на УЈП или Антикорупциската комисија ние ќе ги доставиме таму доказите, односно сето она коешто стигна до нас како докази и информации.

Очигледно е дека Љупчо Николовски се однесува како да е целата држава негова, заборавајќи дека и на неговите 5 минути ќе им дојде крајот и ќе мора да ги сносат последиците како и сите обични граѓани на Република Македонија кои што работат против законски, во моментов тоа не важи за функционерите на СДСМ.

Димче Арсовски, портпарол на ВМРО-ДПМНЕ

притисни ентер