Свет

Норвежаните добија предупредување : Не патувајте во странство

Норвешкиот министер за здравство ги советува Норвежаните да ги избегнуваат сите патувања во странство, дури и во земји со мал број случаи на ковид-19, за да се спречи повторното ширење на инфекцијата.

„Во Норвешка сè уште има малку заразени луѓе, но гледаме зголемено ширење на болеста во земји кои имаат контрола над нивните ситуации“, изјави министерот Бент Хој на прес-конференција.

Иако не е членка на ЕУ, Норвешка е членка на Шенген-зоната без контроли на внатрешна граница. Земјата имаше некои од најстрогите ограничувања за патувања во Европа во раните фази на пандемијата пред да ги укине во јуни.

Владата, исто така, одлучи баровите и рестораните повеќе да не смеат да служат алкохол по полноќ, рече Хои.

Властите, исто така, ќе издадат нови препораки за носење маски на 14 август, додаде тој.

Маските во Норвешка и другите нордиски земји, за разлика од многу други европски земји, не се задолжителни на јавни места.

Исклучок ќе бидат патниците кои доаѓаат од земји по што мора да поминат десетдневен карантин, вклучувајќи ги Франција, Швајцарија и Белгија.

Тие мора да носат маски од моментот кога ќе ја преминат границата или кога ќе пристигнат на аеродромот, сè додека не стигнат до куќа каде што мора да останат во карантин.

Премиерот Ерна Солберг вчера рече дека властите ќе го одложат планираното олеснување на ограничувањата и ќе воведат некои мерки за да избегнат воведување на целосен карантин.

Норвешка, земја со 5,4 милиони жители, се соочува со зголемување на бројот на заразени лица во последните неколку дена. Денеска имало вкупно 9.468 случаи, 59 повеќе од претходниот ден и вкупно 256 смртни случаи, според официјалните бројки.

Свет

Израел вели дека ја покажал својата способност да нападне во внатрешноста на Иран

Денешниот напад „имаше намера да му сигнализира на Иран дека Израел има способност да нападне во внатрешноста на земјата“, изјави неименуван израелски функционер за „Вашингтон пост“.

Нуклеарната организација на ОН (МААЕ) потврди дека иранските нуклеарни локации се неповредени, по извештаите за напад во ирански Исфахан.

МААЕ, исто така, го повтори својот повик и Иран и Израел да покажат максимална воздржаност, нагласувајќи дека атомските капацитети никогаш не треба да бидат цел.

Регион

„Политика“: Годишнина од потпишувањето на Бриселскиот договор - 11 години без ЗСО

 Денеска се навршуваат 11 години од потпишувањето на Бриселскиот договор, но Заедницата на општини со српско мнозинство (ЗСО), на чие формирање се однесуваат првите шест точки и е столбот на овој документ, сè уште не е формирана, пишува „Политика“.

За текстот на договорот, кој формално се нарекува „Прв договор за принципите на нормализација на односите меѓу Белград и Приштина“, се преговараше шест месеци пред да бидат ставени три потписи на документот. Документот во име на Белград го потпиша тогашниот премиер и денешниот шеф за надворешни работи на Србија, Ивица Дачиќ, а во име на Косово - Хашим Тачи, кој беше премиер.

Третиот потпис во име на Брисел, кој учествуваше како посредник, го стави тогашната висока претставничка за надворешна политика и безбедност на Европската Унија, Кетрин Ештон, потсетува српскиот весник.

Во Договорот од Брисел, кој има вкупно 15 точки, за Србите во Косово е наведено дека ќе имаат Заедница која ќе вклучува 10 општини со српско мнозинство јужно и северно од Ибар и ги вклучува Лепосавиќ, Звечан, северниот дел на Митровица, Зубин Поток, Партеш, Ранилуг, Ново Брдо, Грачаница, Штрпце и Клокот.

Врз основа на договорениот документ, предвидено е ЗСО да има статут, претседател и потпретседател и собрание. Другите точки од Бриселскиот договор се однесуваа, меѓу другото, со полицијата, судството, судството и локалните избори, а беа спроведени и оние чие спроведување зависеше од Белград, наведува „Политика“. /МИА

Свет

Директорот на ФБИ: Кинески хакери се подготвуваат да ја нападнат инфраструктурата на САД

Директорот на ФБИ Кристофер Реј синоќа изјави дека хакери поврзани со кинеската влада навлегле во критичната американска инфраструктура и го чекаат „вистинскиот момент да зададат разорен удар“.

Тековната кинеска кампања за кибер-криминал, позната како „Волтов тајфун“, успешно пристапи до безброј американски компании во телекомуникациите, енергијата, комуналните услуги и другите критични сектори, при што дополнително беа таргетирани 23 оператори на гасоводи, истакна Реј.

Говорејќи на настан на Универзитетот Вандербилт посветен на одбраната, шефот на ФБИ рече дека Кина развива „способност физички да направи хаос на нашата критична инфраструктура кога и да сака“. „Планира да удри под појасот врз цивилната инфраструктура за да се обиде да предизвика паника“, додаде тој.

Реј рече дека е тешко да се утврдат намерите на акциите на Кина во кибер-просторот, но тие се во согласност со пошироката намера на Пекинг да ги одврати САД во одбраната на Тајван. /МИА

притисни ентер