Свет

Норвешкиот пензиски фонд лани изгубил дури 152 милијарди евра

Норвешкиот државен пензиски фонд денеска објави дека ја затворил 2022 година со најголема загуба во последните 25 години.

Нагласуваат за негативното влијание на војната во Украина, високата инфлација и зголемените каматни стапки на инвестициите во акции и обврзници.

Норвешкиот пензиски фонд е основан во 1996 година и ги инвестира приходите од нафта и гас во акции, обврзници и недвижен имот. Тој е меѓу најголемите во светот, со средства под управување во вкупна вредност од 1,2 трилиони долари.

Во 2022 година забележале загуба од инвестиции од 1,64 трилиони круни (152 милијарди евра), најголема од неговото основање. Неговата најлоша година досега била 2008, кога финансиската криза го достигна својот врв, предизвикувајќи загуба на инвестиции од 633 милијарди круни.

Повратот на инвестицијата во 2022 година изнесува минус 14,1 отсто, известија денеска. Најлош резултат донеле вложувањата во акции, со принос од минус 15,3 отсто. Блиску се и инвестициите во обврзници со поврат од минус 12,1 отсто. Позитивен принос донеле инвестициите во недвижен имот од скромни 0,1 отсто и во проектите за зелена енергија од 5,1 отсто.

„Пазарот беше погоден од војната во Европа, високата инфлација и порастот на каматните стапки. Ова имаше негативно влијание и на берзата и на пазарот на обврзници, што е многу невообичаено“, објаснил извршниот директор Николај Танген.

Тенис

Ѓоковиќ: Се надевам дека ќе играм барем уште еднаш со Надал

Светската тениска ѕвезда Новак Ѓоковиќ сака повторно да игра со Рафаел Надал пред да се повлече од тенисот.

-Имам голема почит кон легенда како Рафа и се надевам дека ќе играм со него барем еднаш пред да му заврши кариерата. Тој е добра личност и легенда на нашиот спорт. Тој е мојот главен ривал. Во Австралија реков дека се надевам дека ќе го видам барем на уште еден или два турнири. Сè уште верувам во тоа, сподели Новак за еден од неговите најголеми ривали во кариерата.

Шпанскиот репрезентативец веќе неколку пати сигнализираше дека наскоро може да стави крај на својата натпреварувачка тениска кариера. /МИА

Фудбал

Тевез итно пренесен во болница

Поранешниот аргентински репрезентативец Карлос Тевез синоќа беше примен во болница со силни болки во градите. 

40-годишниот поранешен напаѓач, кој моментално е тренер на локалниот клуб Индепендиенте, беше пренесен во болница во Буенос Аирес откако се почувствувал лошо, но првичните тестови не покажале ништо сериозно за неговата состојба.

-Нашиот тренер Карлос Тевез беше примен во болницата „Ла Тринидад“ во Сан Исидро со болки во градите. Тој ги направи соодветните тестови и тие беа задоволителни. Денеска тој ќе продолжи со нова серија на однапред планирани тестови како дел од поопшт преглед, се вели во официјалното соопштение од клубот, кој ја потврди ситуацијата.

Според локалните изданија, проблемите на Карлос Тевез се поради стрес.

Поранешниот репрезентативец на „гаучосите“ боледувал од висок крвен притисок и редовно се подложувал на тестови и се следи неговата состојба.

Ова доведе до шпекулации во локалниот печат за можноста тој да ја заврши тренерската кариера во обид да го намали притисокот и стресот околу него.

Се уште не е јасно дали Тевез ќе присуствува на денешниот тимски тренинг. /МИА

Фудбал

Мбапе подготвен да игра на нова позиција во Реал Мадрид

Напаѓачот Килијан Мбапе ја прифатил улогата за која е планиран по трансферот во Реал Мадрид, тврди „Ас“. 

Иако официјално не е објавен трансферот на фудбалерот од Пари Сен Жермен, на „Сантијаго Бернабеу“ веќе размислуваат како Французинот најдобро ќе се прилагоди во составот следната сезона.

За време на неговиот престој со парижаните, напаѓачот јасно стави до знаење дека претпочита да игра на левото крило на нападот на тимот, што му овозможува да се потпира на повеќе слободни простори на предните позиции. Во Реал оваа улога вообичаено му се доделува на Винисиус Јуниор, а ова е претпочитана позиција и за Родриго.

Сепак, според „Ac“, Мбапе е подготвен да игра повеќе во центарот на нападот како број 9 следната сезона, а тоа се поврзува и со неговата голема желба да ја освои „Златната топка“, бидејќи оваа позиција се смета за поволна за реализација на повеќе голови.

Францускиот репрезентативец оваа сезона постигна 41 гол на 43 натпревари за ПСЖ во сите натпреварувања. /МИА

притисни ентер