Ноев: Симеон Сакскобурготски треба да побара прошка од Македонците

Бојко Ноев повика Бугарите да престанат да ги закопуваат главите во песокот како ноеви кога се зборува за непријатната тема.

Во емисијата „Ова утро“ на БТВ експертот за национална безбедност и поранешен министер за одбрана на Бугарија, Бојко Ноев предложи дека поранешниот премиер Симеон Сакскобурготски треба да побара прошка од Македонците како директен наследник на династијата која беше поврзана со депортацијата на Евреите од Беломорска Тракија и Вардарска Македонија. И така Бугарија да се обиде да ја затвори страницата на историјата што македонските националисти ја користат како аргумент во нападите против нивната земја.

„Постои една личност која може да проговори, да побара прошка. Неговото име е Симеон Саксобурготски. Тој е директен потомок на династијата која, кога Евреите беа депортирани, имаше директна врска со таа депортација. Бугарија мора да ја затвори оваа страница, а Саксобурготски, кој е поранешен премиер и не успеа тогаш во тоа својство, сега да го направи тоа по повод 80-годишнината од депортацијата“, вели Ноев.

Тој исто така повика Бугарите да престанат да ги закопуваат главите во песокот како ноеви кога се зборува за непријатната тема.

„Во март оддаваме почит на спасот на бугарските Евреи и, се разбира, на Евреите кои беа иселени од Беломорска Тракија и од Вардарска Македонија и беа испратени во логорите на смртта. Бугарските власти во тоа време беа соучесници и мора да признаеме, не можеме повеќе да ги криеме главите како ној во песок“, вели Ноев.

Ноев додава дека ова е единственото прашање што македонските националисти го користат во нивниот систем на обвинувања против Бугарија и смета дека ова е можност за расчистување на односите за ова лувствително прашање.

Тој го повика поранешниот премиер и уште повеќе поранешен крал да оди во болница и да го посети Христијан Пендиков, кој, како што вели , „се жртвувал за името на таткото на Саксобурготски и за да се декларира како Бугарин“. Ноев смета дека ова би бил важен морален гест.

„Претепаниот Бугарин – ова момче било во клуб кој го носи името на таткото на Симеон Саксобурготски (Цар Борис Трети). Македонските власти го нарекуваат таткото на Саксобурготски ‘фашист’“, додава поранешниот министер за одбрана на Бугарија, Бојко Ноев.

Го фатила сопругот со швалерка па направила хаос, такво дивеење не е видено (ВИДЕО)

Жителите на Нижни Новгород во Русија биле сведоци на луда сцена која љубоморна жена ја приредила на паркингот пред нивната зграда.

Како што вчера информираа од полицијата, пијана 38-годишна жена со „шевролет“ на 31 јануари намерно налетала на 39-годишен маж, по што неколку пати со клоци ја удрила жртвата. Покрај тоа, удрила уште еден маж и со својот автомобил оштетила седум паркирани автомобили.

На снимката објавена на Телеграм се гледа како вознемирена жена удира во паркирана Тојота, го скинува предниот браник, ги крши ретровизорите, а потоа се качува на покривот и скока на автомобилот. Заминала викајќи нешто, а потоа влегла во својот автомобил и почнала да удира во Тојотата и другите автомобили.

На едно видео се гледаат другите учесници во конфликтот: поголем маж удира помал маж и две жени кои се обидуваат да ги разделат, а бесната 38-годишна жена исто така е прикажана како вози во рикверц, прегазувајќи ги нозете на еден од мажите, соборувајќи го другиот и тој паѓа на земја, губејќи свест.

Во обид уште еднаш да го прегази, била сопрена од девојка во лесна облека. Жртвата била одвлечена поблиску до автомобил паркиран во близина, а пијаниот возач продолжил да ја уништува Тојотата. После тоа, таа излегла од автомобилот и неколку пати го удрила мажот кој се уште лежел на тротоарот.

Според првичните податоци од Истражната комисија, на 39-годишната жртва ѝ бил скршен скочниот зглоб, додека другиот не е повреден. Против жената возач е поведена кривична постапка за убиство во обид како и за возење во пијана состојба.

Причината за нејзината агресија била наводно љубомора. Имено, се тврди дека претепаниот маж е нејзиниот сопруг кого го пронашла во автомобилот со љубовницата.

Мадона танцува на песната „Wednesday dance“, фановите шокирани: Знаеш ли што правиш? (ВИДЕО)

Кралицата на поп музиката, Мадона на својот профил на TikTok објави видео на кое се обидува да танцува, во свој стил, се разбира, популарниот танц од серијата Нетфликс, но нејзините обожаватели и следбеници не се многу ентузијасти.

Како прво, на многумина не им беше јасно зошто Мадона танцува на песната на Лејди Гага, Bloody Mary, кога е општо познато дека тие двете долги години не се во добри односи. Некои од нејзините следбеници едноставно беа разочарани од нејзиниот настап. Ќе истакнеме дел од нивните коментари.

@madonna ♬ original sound - heyy

„Кој би помислил дека Мадона ќе заигра на песната на Гага“, „Знае ли чија е песната“, „Ајде да го избришеме тоа“, „Кралица на cringe“, „Игра на крек“, „Ова е најблиску до соработка помеѓу Мадона и Гага“, „О Боже, Мадона танцува на Гага“, „Таа танцува на песната на Гага, сега можам да умрам во мир“, „Не верувам што гледам“, се само некои од коментарите од социјалните мрежи.

Да потсетиме дека Гага на почетокот на кариерата ја споредуваа со Мадона, а таа тоа го сфати многу лошо и нејзиниот коментар ја навреди Мадона. „Само затоа што јас сум првата жена уметник во последните 25 години што успеала да ги достигне првите 40 на радио, не значи дека сум нејзина копија, тоа значи дека сум е**но паметна личност“, ги коментираше Гага споредбите меѓу себе и Мадона пред десет години.

Мадона не ѝ остана должна и јавно кажа дека Гага ја копира во многу сегменти, особено во музиката и имиџот. Како што е познато, тие двете никогаш не се помириле.

Десет мигранти се удавија во близина на островот Лампедуза, меѓу нив три жени и бебе

Десет мигранти, меѓу кои едно бебе и три жени, ги загубија животите обидувајќи се да преминат од Тунис во Италија, соопшти денеска италијанската крајбрежна стража која успеала да спаси 42 лица.

Преживеаните тврдат дека четиримесечното бебе ѝ се лизнало од прегратките на мајката која била уморна и паднало во морето пред почетокот на спасувачката акција. Еден маж скокнал во морето за да го извлече детето, но се удавил. Двете тела се уште не се пронајдени.

Брод со мигранти испловил од Тунис минатиот викенд, но набрзо се појавија тешкотии. Се верува дека жртвите починале од хипотермија. Во текот на ноќта италијанските власти спроведоа уште три брода со 156 мигранти до Лампедуза.

Италија повторно се соочува со прилив на мигранти од Северна Африка. Годинава преку Средоземното Море во Италија пристигнале околу 5.000 мигранти, наспроти 3.035 лани и 1.039 мигранти во 2021 година, покажуваат податоците на МВР.

Според ОН, 1.400 мигранти ги загубиле животите минатата година обидувајќи се да го преминат Средоземното Море.

притисни ентер