Николовски: Во 2023-та ќе влеземе без никакви долгови кон сточарите

До 31 декември ќе биде се исплатено, во 2023-та ќе влеземе без никакви долгови кон сточарите.

Сите основни субвенции во сточарството се исплатени, оние што се по грло, а за предадено млеко се исплаќаат согласно утврдената динамика и доцнат само две фази, но тоа не се две години, туку неколкумесечен период. Уште тие остануваат за исплата. До 31 декември се ќе биде исплатено за во новата 2023 година, прв пат по 15 години, да влеземе без денар долг кон сточарите, рече денеска министерот за земјоделство, шумарство и водостопанство Љупчо Николовски.

Како што информира Николовски, со интервентната мерка што утре ќе помина на Влада, за сточарите ќе се обезбедат уште два милиона евра поддршка, а паралелно се носи и новиот закон за пасишта.

Николовски уште еднаш потсети дека во 2017 година, кога станал министер, девет фази од поддршката за млекото не биле исплатени.

-Сега, со ребалансот на Буџетот, обезбедивме вкупно 2,7 милијарди денари за директни плаќања, за сите фази во земјоделството за кои државата должи, а целта е сите заостанати субвенции, особено кај сточарите, да бидат комплетно исплатени до 31 декември 2022. До 31 декември ќе ги исплатиме сите средства, и кон сточарите и кон сите останати производители и во 2023-година ќе влеземе без никакви долгови кои успеавме да ги изменаџираме, а ги наследивме од претходната власт. Точно е дека од основањето на Платежната агенција до денес најмногу се доцни со исплата на субвенции за сточарите. Ние сме постојано на нивна страна и на страната на производителите на млеко, но не сме институција која може да кажува колку ќе биде цената на млекото, ниту како држава сме единствените што сме погодени од кризата. Слушам паушални информации дека е намалено производството, а само четири проценти е намалено годинава во однос на лани, подвлече министерот, одговорајќи на новинарски прашања по по примопредаваето на униформите и опремата за шумската полиција од Италија.

Николовски е сигурен, како што рече, дека мерките креирани со Интервентиот фонд и сите останати што беа преземени пред кризата, денес ги даваат резултатите во секој сектор.

-Рекорди рушиме со мерката за набавка на приплоден добиток. Во јуни се склучени договори за 3 700 грла со 400 различни апликанти кои сега го набавуваат добитокот. Постојано креираме нови мерки кои значат раст и развој, а тука е и новиот модел на субвенции, потенцира Николовски.

На прашањето дали ќе имаме доволно храна, тој уште еднаш кажа дека се вложуваат максимални напори и се прави се што може за зголемено домашно производство. Се менува и моделот на поддршката, па покрај основните, се воведуваат и дополнителни субвенции са стратешките култури кои, според бројките, покажуваат раст.

-Јас не носам одговорност за кризата, туку за навремено предвидување мерки и политики кои се носат и креираат во соработка со науката и со земјоделците, нагласи Николовски.

Тој се наврати на некои од мерките, рече дека сме единствена земја во регинот која дава субвенции за „зелена нафта“ и подвлече дека субвенционирањето на сончогледот ќе продолжи и идната година зашто дава резултати – и производството и површините под сончоглед се удвоени.

Индонезија го усвои контроверзниот нов кривичен законик со кој се забранува вонбрачен секс

Парламентот на Индонезија го усвои контроверзниот нов кривичен законик со кој се забранува вонбрачен секс.

Парламентот на Индонезија денеска ги усвои законските измени со кои се забранува вонбрачен секс и се воведуваат други важни измени во кривичниот законик на земјата. Забраната за вонбрачен секс се однесува како на локалното население, така и на странците.

Според новиот закон, родителите или децата ќе можат да пријават невенчани парови во полиција доколку се сомневаат дека имаат секс – нешто што критичарите велат дека е дело на полицијата за морал и може да се искористи и за таргетирање на членовите на ЛГБТК заедницата.

Сексот пред брак не беше незаконски во Индонезија пред да се донесе законот, иако прељубата беше. И вонбрачниот секс и прељубата ќе се казнуваат со затворска казна до една година или парична казна.

Според новите текстови, казни се изрекуваат и за навреда на претседателот на државата. Навредата на шефот на државата може да резултира со тригодишна затворска казна.

Заменикот-претседател на парламентот Суфми Даско Ахмад ги прогласи за усвоени новите текстови, кои беа изгласани од пратениците на пленарната седница на парламентот, но критичарите велат дека тие ги поткопуваат граѓанските слободи во оваа претежно муслиманска земја.

Поддржувачите на законските измени во парламентот го поздравија нивното донесување откако беа потребни децении да се договорат.

Новиот кривичен законик, кој денеска беше едногласно одобрен од парламентот, ја заменува законската рамка што беше во употреба од независноста во 1946 година и беше мешавина од холандскиот закон, обичајното право познато како хукум адат и модерното индонезиско право.

– Се потрудивме да ги прифатиме важните прашања и различните мислења за кои се дебатираше. Сепак, време е да донесеме историска одлука за измена на Кривичниот законик и да го оставиме колонијалниот кривичен законик што го наследивме зад себе, изјави од говорницата пред гласањето Јасона Лаоли, министер за право и човекови права, пред парламентот пред гласањето.

Планираниот законик предизвика протести на национално ниво предводени од студенти кога беше објавен целосниот нацрт во септември 2019 година, поради стравувањата дека ќе ги намали личните слободи. Најмалку 300 луѓе беа повредени во немирите, кои исто така беа поттикнати од загриженоста дека новите закони ќе ја поткопаат борбата против корупцијата.

Новиот кодекс сепак мора да биде потпишан од претседателот, според заменикот-министер за право и човекови права Едвард Хиариеј. Исто така, нема да се применува веднаш, а се очекува преминот од стариот во новиот да трае најмногу три години.

Стевчо Јакимовски и Павле Трајанов во „Само вистина“

Вечерва во „Само вистина“ гости ќе бидат Стевчо Јакимовски и Павле Трајанов

Дебата „Енергетска криза и решенија за иднината“

Дебатата на тема „Енергетска криза и решенија за иднината“ денеска ќе се одржи на Факултетот за електротехника и информациски технологии (ФЕИТ) во Скопје во организација на Францускиот институт во Скопје.

На дебатата, според најавите од организаторот, експертите ќе дебатираат на темата кои се решенијата за поефикасна енергетска иднина со кои би се намалил ударот врз климата и животната средина и дали и во која мера обновливите енергии можат трајно да ги заменат фосилните горива.

-Светот и Европа се соочуваат со голема енергетска криза наспроти која се принудени да започнат со транзиција за да ги сопрат погубните последици од глобалното затоплување, велат организаторите на настанот.

Дебатата ќе ја отвори Иго Бештел, советник за култура и соработка и директор на Францускиот институт во Скопје, а учество ќе земат Михаела Жиртан, професорка на Универзитетот во Анже и експерт за обновливи енергии, Антон Чаушевски, професор на ФЕИТ, Ристо Филкоски, професор на Машинскиот факултет во Скопје и стручен советник на НВО „Центар за климатски промени“ и Виктор Андонов, советник за енергетски прашања во Владата. Модераторка на дебатата ќе биде Мила Јовановска, претседателка на НВО „Биди зелен“.

притисни ентер