Николовски: Лозарите дополнителните субвенции ќе ги добијат пред „Св. Трифун“

Министерот за земјоделство, шумарство и водостопанство денеска најави дека лозарите ќе ги добијат дополнителните субвенции пред „Св. Трифун“. 

Според него, тие се задоволни од годинашната цена која е значително повисока поради понискиот принос и огромната побарувачка од откупните компании.

Како што истакна Николовски, кон средината на идната година лозарите ќе добијат уште 12 000 денари поддршка.

-Лозарите прв пат, преку новиот модел на субвенционирање, до крајот на годинава, а не следната пред „Св. Трифун“, ќе ги добијат 30-те проценти од средствата за директна поддршка на лозовите насади. Со овој модел овозможивме постојана финансиска поддршка за лозарите во текот на целата година. Ако пред 1,5 месец беше исплатена дополнителната мерка од лани, сега ќе биде исплатена дополнителната авансна поддршка од 12 000 денари и дополнителните субвенции ќе ги добијат пред „Св. Трифун“ и кон средината на следната година уште 12 000 денари кои ги утврдивме и се однесуваат на намалениот принос оваа година, рече министерот, одговорајќи на новинарски прашања по изјавата во врска со претстојниот втор Национален саем за храна и пијалоци „Вкуси ја традицијата“ што ќе се одржи на 7 октомври.

И лозарите, напомена, велат дека оваа година грозјето има највисоки цени поради падот на приносот.

-Не е точно дека лозарите не се задоволни од цената зашто ниту едно здружение и ниту една потсекторска група воопшто не ја отвораат темата со цените. Велат дека оваа година има највисоки цени поради падот на приносот. Тоа се фактите, а веќе објавивме дополнителна мерка од 12 000 денари за хектар, дополнително, за сите лозари кои ги имаат пријавено површините. Одиме со мерка за површина, зашто имаме производители кои целосно го изгубиле родот, но има и такви имаат повисок и поквалитетен род. Се зависи од мерките што ги преземале во текот на годината. За да биде одлуката праведна, одлучивме да дадеме дополнителни 12 000 денари на вкупните субвенции од 40 000 денари по хектар или околу три милиони евра дополнителни средства за лозарите само зашто има штети од болестите и помал принос од лани, а ако зборуваме за цените, тие се повисоки зашто има огромна побарувачка од откупните компании на грозје. Цените годинава се драстично зголемени, особено за поквалитетните сорти, подвлече Николовски.

Ужас во Германија: Ментално болен ученик со нож и ножици избодел соученици во гимназија (ВИДЕО)

Неколку ученици се повредени во гимназија во германскиот град Вупертал кога соученик ги нападнал со нож и ножици, јавија германските медиуми.

Полицијата го уапсила осомничениот кој, според извештаите, си нанел повеќе убодни рани во градниот кош, пренесува TagesSchau.

Се наведува дека во нападот се повредени пет ученици, од кои некои потешко.

Според полицијата, осомничениот е уапсен, а објектот на гимназијата бил детално претресен во потрага по можни соучесници.

Според наставничка која била во училишната зграда, напаѓачот употребил нож и ножици.

"Тоа беше ненадеен, ненадеен напад. Ги нападна учениците околу себе, дури и пријателите, а на крајот се прободе четири пати во градите. Еден колега го совлада", вели наставникот, кој не бил очевидец на нападот, но прв дошол на помош на жртвите.

„Тогаш бевме заклучени и сега сме во банка и чекаме да се провери зградата на гимназијата“, додаде таа.

Сите ученици во зградата на банката во близина на гимназијата, каде што биле префрлени откако се евакуирани од училиштето, сега се пребројани и родителите групно ги носат децата, почнувајќи од оние кои се од пониските класови.

Како што потврди полицијата, сторителот е 17-годишен средношколец.

Заднината на злосторството се уште е целосно нејасна, а германските медиуми јавија дека напаѓачот е момче со психички проблеми.

Пендаровски се сретна со маратонецот Дарио Ивановски

Претседателот Стево Пендаровски денеска во градскиот парк во Скопје се сретна со маратонецот Дарио Ивановски кој пред неколку дена постави нов македонски рекорд на маратонот во Севиља, Шпанија.

Пендаровски денеска во градскиот парк во Скопје се сретна со маратонецот Дарио Ивановски кој пред неколку дена постави нов македонски рекорд на маратонот во Севиља, Шпанија, како и со неговиот тренер и менаџер, Игор Јакимовски и атлетичарот Жан Тосев.

Претседателот Пендаровски му честиташе на Ивановски за извонредниот резултат и постигнатиот успех, со кој ја исполни нормата и ќе трча во дисциплината полумаратон на Европското првенство во атлетика во Рим кое ќе се одржи од 7 до 12 јуни годинава.

Ивановски го запозна претседателот Пендаровски со текот на неговите подготовки во пресрет на настапот на претстојното Европско првенство, како и за можноста во Рим да обезбеди норма за настап и на годинашните летни Олимписки игри во Париз.

Посочувајќи дека успесите на македонските спортисти претставуваат голема гордост за целата нација, претседателот Пендаровски на Дарио Ивановски му посака успех во натамошната кариера и порача дека со упорност, желба и силна волја, може да се совладаат и најголемите предизвици.

Дарио Ивановски ја истрча маратонската трка во Севиља за 2 часа 8 минути и 25 секунди што претставува нов државен рекорд, подобрувајќи го и својот досегашен рекорд за 3 и пол минути. Со овој резултат, Ивановски се доближи на само 15 секунди до олимписката норма од 2 часа 8 минути и 10 секунди и се искачи високо на светската ранг листа преку која може да обезбеди учество на Олимпијадата во Париз, се наведува во соопштението.

ВРЕДИ: Али Ахмети се исплаши од Таравари, Бујар Османи оди курбан

Изјавата на Ахмети за "големата вест" потврдува најмалку две работи. 

Првата, дека ДУИ е безидејна партија која со предлози извадени од нафталин покажува целосна немоќ да ги претставува Албанците на највисоко политичко ниво. Крајно понижувачки за митот за Али Ахмети е да излегува со вакви бајати тези само за да конкурира на предлогот на кандидатот на здружената албанска опозиција др. Арбен Таравари во иднина изборот на шефот на државата да се прави во Собрание.

Втората, дека сеуште живеат во филмот дека имаат монопол на принципите за стратешкото партнерство во ЕУ и САД. Наместо да се мачат како да објаснат зошто Али Ахмети се плаши да излезе на изборен мегдан, и затоа ќе го жртвуваат Бујар Османи, нека излезат од теснопартиските интереси и нека го подржат Арбен Таравари за прв претседател Албанец.

Логично се поставува прашањето: зошто ДУИ сака да го подели гласот на албанците? На кого му служи Али Ахмети со овој потег?

Коалицијата “Вреди” не се бори за утешни награди туку за чесна и реална улога на Албанците во политичкиот живот. Ахмети ако веќе не е способен да се бори за интересите на Албанскиот народ, чесно е да замине во политичка пензија, изјави на прес конференција Фари Хисени, од Коалицијата ВРЕДИ.

притисни ентер