Македонија

Николоски: Силна поддршка и развој на ИТ индустријата, младите својата иднина да ја градат во Македонија

Загрижен сум за иднината на Македонија, мислам дека ова се најбитни избори на кои што ќе излезе македонскиот народ од осамостојувањето до денеска.

Тоа е така затоа што иднината на Македонија е доведена во прашање и затоа секој ден се прашувам што ќе биде со Македонија. Јас сум убеден дек со Зоран Заев може да биде само пустош и црнила како што е сега, национално понижување, економско опустошување. Со ВМРО-ДПМНЕ,, со третата генерација на ВМРО-ДПМНЕ ќе дојде обновата и ќе се реализираат преку 1000 проекти напишани во нашата програма Обнова на Македонија, вели Александар Николоски потпретседателот на ВМРО-ДПМНЕ и носител на листа на изборната единица 4 вечерва на средба со граѓаните на општина Гевгелија.

Николоски истакна дека е загрижен за иднината на младите и во Гевгелија и во цела Македонија, потенцирајќи дека тој сака младите да ги гледа во сопствената држава како ја градат својата иднина.

Но, она што ми е основна водилка се овие деца кои што ги гледам тука, кои што безгрижно играат фудбал во овие вечерни часови како што и ние сме правеле кога сме биле како нив. За нив размислувам. Каде ќе се тие за десет, за дваесет години кога ќе станат возрасни и кога ќе треба да одлучуваат низ крстопатите во животот. За нив размислувам. Јас сакам да ги видам тука во Македонија, горди Македонци во напредна, развиена, исчистена од корупција Македонија, Македонија која што економски напредува и која што има ред. Тоа е мојата желба. Желбата на некои други е да се иселат, да одат по белиот свет,, во Германија, по Швајцарија, за овде да останат бандитите, неранимајковците, за да можат да ја пљачкаат државата како што го правеа тоа изминатите триесет години, вели Николоски.

Николоски ги повика граѓаните масовно да излезат на 15 јули и да ги донесат промените во Македонија истакнувајќи дека секој глас и секој човек е важен додавајќи дека токму граѓаните ќе ги ја направат промената во Македонија и ќе ја донесат обновата

Ваша е одлуката што ќе се случи, вие на 15 јули одлучувате дали во Македонија ќе се случат промените. Јас сум убеден дека ќе се случат, и затоа уште еднаш ве повикувам на голема масовна излезност затоа уште еднаш ве повикувам, ни треба секој глас, ни треба секој човек, ни треба голема излезност.

Од вас зависи, од вашиот глас зависи, од вашата активност зависи иднина на Македонија, од масовната излезност 15 јули зависат промените во Македонија.

Затоа ве повикувам секој еден од вас, да излезете на гласање на 15 јули, да ги повикате вашите роднини, пријатели, комшии, познаници и сите што ги познавате масовно да излезат на 15 јули и во Македонија да се случи промената.

Тие сакаат да останете дома, ние сакаме да излезете и вие да одлучите.

Тие сакаат да сте со свиткана кичма, ние сакаме горди Македонци, тоа е суштинската разлика, порача Николоски.

Николоски вети многу проекти за младите луѓе, отворање на нови работни места, поволни услови за фирмите да вработуваат млади лица до 29 години, како и мерки за средношколците кои нема да продолжат да студираат, да започнат да работат во Македонија и овде да ја градат својата иднина.

Секој кој што ќе вработи млад човек до 29 години нема да плаќа придонеси односно давачки затоа што сега работодавач да даде плата од 20.000 денари на работникот уште 10.000 денари дава давачки за пензиско инвалидско, здравствено, персонален итн. Нашата идеја е овие 10.000 денари да ги скратиме да не ги дава работодавачот кон државата, барем пола да ги даде за повисока плата на младите а со другата половина да се отвораат нови работни места за да ни останат младите дома.

Втора работата, иднината на Македонија е пред се во фаќање на чекор со светот. Силна поддршка и развој на ИТ индустријата , што повеќе млади луѓе да се запишуваат на информатика, да стекнуваат вештини и на тој начин да си ја гледаат иднината да си го вадат лебот.

Трета работа за младите, знаете дека се повеќе недостасува високо квалификувана работна сила. После средно школо ако некој не сака да се запише на факултет а има добар занает што би рекол народот да му е гарантирана работа, со добра плата, а во последните две години од средното школо да работи веќе за да може да стекнува вештини, на начин што државата ќе ги подржи фирми што ќе вработуваат вакви млади луѓе, за да можат да ни останат тука со добри високи плати, рече Николоски, се наведува во соопштението на ВМРО – ДПМНЕ.

Македонија

Марковска: Никој нема да добие избори со црна кампања

„Помалите партии кои имаат понепосредна комуникација со граѓаните, тоа може да им донесе поголем бенефит на изборите“

Актуелната кампањата е веќе видена работа. Во Македонија триесет години ништо не се менува, особено што и актерите кои се во кампањата, не се менуваат. Во држава со милион и осумстотини илјади население е контрапродуктивно ова водење на кампања кога и малите дечиња да ги знаат учесниците, граѓаните од старт се изморуваат, особено што две кампањи се спојуваат во една поради спорените избори, а желбата е да се придобијат неопределените, кои вака и онака нема да излезат на гласање.

Мицкоски има добра желба, но имаме комплетно разединување на терен. Не е работата „кој прв почна“, а фрчат негативни кампањи. Никој нема да добие избори со црна кампања, туку со претставување на личноста и кој какви планови има и што мисли да направи. Кај Сиљановска, за сега нема лични навреди, за разлика од другата страна што дава лични кваливикации и тоа не е вкусно. Сведување на кампањата во „митингарење“ во која се повторуваат едната или другата страна, е лош начин на водење кампања. Дури мислам дека помалите партии кои имаат понепосредна комуникација со граѓаните, тоа може да им донесе поголем бенефит, на изборите рече Ѓулистана Марковска во Само Вистина.

Свет

Сафади: Јордан нема да дозволи да биде вмешан во судирот меѓу Иран и Израел

Јордан нема да дозволи да биде во центарот на конфликтот меѓу Иран и Израел и со тоа да ја загрози безбедноста на своите граѓани.

Јордан нема да дозволи да биде во центарот на конфликтот меѓу Иран и Израел и со тоа да ја загрози безбедноста на своите граѓани, соопшти Министерството за надворешни работи на оваа земја, повикувајќи се на зборовите на јорданскиот министер за надворешни работи Ајман Сафади до неговиот ирански колега Хосеин Амирабдолахијан.

„Сафади нагласи дека сегашната ескалација служи само за одвлекување на вниманието од израелската агресија врз Газа, чие запирање мора да биде приоритет“, се додава во соопштението, пренесува Ал Џезира.

Американски функционер претходно денеска изјави за Си-Ен-Ен дека Израел го нападна иранскиот град Исфахан како одмазда за нападот на Иран врз Израел на 13 април, а иранските медиуми објавија дека три беспилотни летала биле соборени над Исфахан.

Иран го нападна Израел на 13 април со околу 300 беспилотни летала и проектили како одмазда за нападот на Израел врз конзулатот во Дамаск на 1 април, во кој загинаа командантот на иранската револуционерна гарда во Сирија и Либан, Мохамад Реза Захеди и неговиот заменик, како и пет полицајци кои ги придружувале.

Иранските власти, исто така, претходно оваа недела го критикуваа Јордан за отворање на воздушниот простор во одбрана на Израел за време на иранскиот беспилотен и ракетен напад.

Забава

Танцува на покрив на Ламборџини, реакцијата кога пука шофершајбната е хит (ВИДЕО)

Во ерата на социјалните медиуми, инфлуенсерите и креаторите на содржини сакаат да ги изненадат/шокираат корисниците, па често ги поместуваат границите.

Подготвени се да изведуваат разни подвизи и акробации, а едно такво видео веќе некое време кружи на интернет.

Прво беше објавено на Редит и прикажува девојка како се качува на покривот на скапо Ламборџини и почнува да танцува.

Веруваме дека љубителите на автомобили, особено на егзотичните, не гледаат со одобрување на оваа сцена. Да не зборуваме дека таа ја скрши шофершајбната газејќи на покривот.

MC dances on top of car and breaks the windshield 🤦‍♂️
byu/EthanthegamerGD inImTheMainCharacter

Таа и самата изгледа е шокирана од последиците, но не престанува да се смее и да танцува, пренесува NDTV.

„Што луѓето нема да прават за лајкови и кликови“, напишал еден корисник.

Времето и местото каде е снимено видеото не се откриени, а претпоставуваме дека сопственикот морал да издвои значителна сума за поправка на шофершајбната.