Македонија

Независните со 56 илјади гласови избија како четврта политичка сила на локалните избори

Дали граѓаните почнаа да ги воочуваат алтернативните понуди наместо оние на најголемите партии на изборите? 

Независните кандидати собраа 65 илјади гласови и внесоа шареноликост општинските совети ширум земјава, претставувајќи се како четврта политичка сила на локалните избори. Активистката Драгана Велковска од „Зелен хуман град“ кој освои над 9000 гласови, односно две советнички места во Град Скопје, вели дека нивниот влез во советите ќе доведе до транспарентност и ќе ги доближи општините до граѓаните.

-Нашиот влез ќе значи информации за граѓаните, бидејќи досега од како што јас бев овие 4 изминати години член на советот, Градот Скопје беше херметички затворен за граѓаните, ниту седниците се пренесуваа јавно, ниту во живо, граѓаните немаа никаков удел во процесот на носење одлуки,- Драгана Велковска – Зелен хуман град.

Потранспарентен ќе биде и Карпош, а советниците ќе почнат да работат наместо само да дигаат рака, порача Невена Ѓеорѓиевска од „За заштита на Карпош“. Најнеизвесната битка за тронот на општината се води токму во Карпош. Мнозинство во советот нема, па независните ќе бидат фактор во носењето на одлуките.

-Никој нема мнозинство, во однос на нашето делување секогаш ќе биде водилка тоа што е добро за граѓаните и одлуките ќе ги носиме во однос на граѓаните, а не во однос на некои комбинаторики со останатите.- Невена Ѓеорѓиевска – „Независни за Карпош-За заштита на Карпош“.

Независните кандидати од „Шанса за центар“, предводени од Јана Белчева излегоа уште посилни од овие избори, добија 3 советнички места, па порачаа, со еден советник бевме гласни, а со три сега „ќе грмиме“. Тие освоија 11% од гласовите.

Најмногу гласови како независен кандидат, 10,267 освои Ивана Димитријевиќ поддржана од актуелниот градоначалник Максим Димитриевски кој што како независен во вториот круг ќе се бори за втор мандат со Оливер Илиевски од СДСМ.

Тројца советници освои и Независната листа „Поинаку“ од Битола, двајца советници ќе има и невзаинста листа „подобро за Тетово, а независната листа „Стига е“ за борба против рудниците на југоистокот освои по едно советничко место во Босилово, Ново Село и Струмица.

Живот

Европа лани претрпе рекорден број денови со „екстремен топлотен стрес“

Европа се повеќе се соочува со интензивна топлина што човечкото тело не може да ја поднесе, предупредуваат набљудувачите на климата.

Континентот претрпе рекорден број денови на „екстремен топлотен стрес“ во 2023 година, објавија вчера службата за мониторинг на климата на Европската унија - Коперник и Светската метеоролошка организација (WМО).

Во својот последен извештај, Коперник и WМО ги забележаа минатогодишните екстремни услови, вклучително и топлотниот бран во јули кој турна 41 процент од јужна Европа во сериозен, многу тежок или екстремен топлотен стрес - најголемата област на Европа под такви услови во било кој ден на мерење.

Континентот претрпе и катастрофални поплави, големи суши, силни бури и најголеми шумски пожари досега.

-Гледаме тренд на зголемување на бројот на денови на топлотен стрес низ Европа и 2023 година не беше исклучок, при што Европа забележа рекорден број денови на екстремен топлотен стрес, изјави Ребека Емертон, климатска научничка во Коперник.

За нивната најнова студија, Коперник и WMO го користеа универзалниот индекс на топлинска клима, што го мери ефектот на животната средина врз човечкото тело.

Индексот ги зема предвид не само високите температури, туку и влажноста, брзината на ветерот, сончевата светлина и топлината што ја испушта околината.

Тој има 10 различни категории на топлотен и студен стрес, при што единиците степени Целзиусови ја претставуваат „чувствената“ температура.

Делови од Шпанија, Франција, Италија и Грција доживеале дури 10 дена екстремен топлотен стрес во 2023 година, дефиниран како температура што „се чувствува“ како да е поголема од 46 степени Целзиусови, во кој момент мора да се преземат итни мерки за да се избегне услови како што е топлотен удар.

Екстремната топлина претставува особен ризик за луѓето кои работат на отворено, постарите лица и оние со медицински состојби како што се кардиоваскуларни болести и дијабетес.

Делови од Италија забележаа седум проценти повеќе смртни случаи од вообичаено минатиот јули. Еден 44-годишен маж кој сликал ознаки на патишта во северниот град Лоди е меѓу оние кои загинале откако колабирал на работното место.

-Гледаме зголемена смртност кога ќе видиме екстремни топлотни бранови како оној во 2023 година, изјави Алваро Силва, климатолог во WMO.

„Ова зголемување на смртноста... влијае на (огромното) мнозинство европски региони. Ова е голема грижа“.

Смртните случаи поврзани со жештините во Европа се зголемени за околу 30 отсто во текот на изминатите 20 години, се наведува во извештајот.

За светот како целина, минатиот месец беше најтоплиот март досега, одбележувајќи го 10-тиот месец по ред на рекордна топлина, бидејќи емисиите на стакленички гасови, главно од фосилните горива, продолжија да ги зголемуваат температурите.

Температурата на површината на светските океани, кои апсорбираат 90 отсто од вишокот топлина произведена од емисиите, исто така, достигна ново високо ниво, наведува Европската агенција за следење на климата.

Во нивниот последен извештај, научниците предупредија дека Европа се загрева двојно побрзо од глобалниот просек и дека топлотните бранови најверојатно ќе станат подолги и посилни во иднина.

„Тековните интервенции на топлотниот бран наскоро ќе бидат недоволни за да се справиме со очекуваниот здравствен товар поврзан со топлината“, се наведува во извештајот, истакнувајќи дека населението во Европа старее и исто така станува поурбано.

Ал Џезира Балкан

Свет

Видео: Во руски ракатен напад урната ТВ кулата во украинскиот град Харков

Телевизиска кула, висока 240 метри, во украинскиот град Харков вчера се преполови и се урна на земја по рускиот ракетен напад врз телевизиската инфраструктура, соопштија локалните власти,.

Во прекин е емитувањето на ТВ сигналот во вториот по големина украински град, што во последните неколку недели беше цел на серија руски напади со ракети и беспилотни летала.

-Во моментов има прекин во дигиталниот телевизиски сигнал, изјави регионалниот гувернер Олех Синијехубов. Тој додаде дека нема жртви бидејќи работниците биле во засолниште.

На снимката од местото на настанот се гледа како главниот столб на кулата се крши и паѓа додека облак чад се крева на небото.

Од снимката не е јасно што ја погодило кулата, но властите во Харков рекоа дека Русија најверојатно во нападот користела крстосувачка ракета „Кх-59“.

Русија првпат ја нападна телевизиската кула во Харков на почетокот на март 2022 година, непосредно по почетокот на инвазијата врз Украина. Сигналот, и тогаш, беше во прекин. /МИА

Македонија

Сообраќајот по влажни коловози, застои нема

Сообраќајот на државните патишта се одвива непречено, по претежно влажни коловози.

Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

притисни ентер