Шансата за формирањее влда му припадна на неговиот политички противник , центристичкиот генерал Бени Ганц.
Нетанјаху, кој е премиер на Израел од 2009 година, рече дека не успеал да формира влада и дека ќе му го врати мандатот на израелскиот претседател Реувен Ривлин.
Ривлин изјави дека има намера да му го предаде мандатот за формирање влада на Ганц, лидерот на партијата Сино-бели (Кахол Лаван).
„Во последните неколку недели, дадов се од себе за да го доведам Бени Ганц на преговарачката маса, да формираме влада за национално единство и да избегнеме нови избори“, изјави Нетанјаху.
Ганц нема лесно да обезбеди мнозинство и доколку не успее, најверојатни се нови парламентарни избори, трети по ред од април годинава.
Партијата на Ганц соопшти дека е „решена да формира влада на либерално единство“.
Досегашниот премиер изгуби дел од поддршката, поради обвиненијата за корупција кои Нетанјаху ги негираше.
Ганц, поранешен началник на канцеларијата на израелската војска, вети дека нема да учествува во работата на владата чиј премиер се соочува со обвиненија.
Ликуд освои 32 места во Кнесетот на изборите во септември, од вкупно 120, а партијата на Ганц 33.