Свет

Нетанјаху: Израел нема да соработува со Меѓународниот кривичен суд

 Израел нема да соработува со Меѓународниот кривичен суд (МКС) во рамки на истрагата за наводни воени злосторства на палестинските територии, соопшти кабинетот на премиерот Бенјамин Нетанјаху.

„Израел одлучи да не соработува со МКС", се вели во текстот, додавајќи дека МКС нема легитимитет да започне истрага против Израел.

Обвинителката од МКС Фату Бенсуда започна истрага за наводни воени злосторства на палестинските територии на почетокот на март, по што Израел ја отфрли иницијативата и Палестинците ја поздравија.

Израел не е член на МКС, а палестинските власти се. Според системот на МКС, една држава може, ако сака, да се обиде да докаже дека сама покренала истрага за кривично дело и со тоа да побара од МКС да и ја предаде истрагата.

На 19 март, судот им даде на Израел и Палестинците еден месец да побараат одложување на истрагата.

Според изјавата, „Премиерот Нетанјаху рече дека додека израелски војници се борат против терористите, кои вршат воени злосторства, судот во Хаг одлучи да го осуди Израел". Во соопштението се додава дека за одредување на оваа реакција Нетанјаху се консултирал со високи безбедносни и политички функционери.

Истрагата би требало да се занимава со големата израелска офанзива во Појасот Газа, контролиран од палестинското исламистичко движење Хамас. Целта на офанзивата, според Израел, била да се запрат палестинските ракетни напади и да се уништат тунелите од палестинската енклава, која е под блокада на Израел од 2006 година.

Во војната досега загинаа околу 2.250 Палестинци, претежно цивили, а од израелска страна 74, претежно војници.

МКС е единствениот постојан трибунал за воени злосторства во светот основан во 2002 година за судење на најлошите злосторства во светот кога локалните судови не сакаат или не можат да постапат.

Фудбал

Симеоне: Имам добро чувство дека ќе одиграме одличен натпревар на реваншот со Борусија

Тренерот на Атлетико Мадрид, Диего Симеоне, со оптимизам го очекува реваншот со Борусија Дортмунд во четвртфиналето на фудбалската Лига на шампиони.

Првиот натпревар одигран во Мадрид заврши со победа на шпанскиот претставник со 2:1.

- Работиме напорно и остваривме значајни резултати сезонава. Пораснавме во фудбалскиот свет. Треба да играме и да не размислувате премногу. Имам добро чувство дека моите избраници ќе одиграат одличен натпревар. Нè очекува добра вечер во Лигата на шампионите. Имаме собрано многу искуство од вакви натпревари. Кој ќе успее да биде подобар, ќе продолжи понатаму, изјави Симеоне.

Натпреварот помеѓу Борусија и Атлетико Мадрид ќе се одигра во Дортмунд вечер со почеток во 21 часот.

Последен пат Атлетико во полуфинале на Лигата на шампионите играше пред седум години

Македонија

Најстудено во Берово, најтопло во Скопје-Зајчев Рид и Тетово

Со измерени седум степени најстудено утрово е во Берово, додека со 15 степени Целзиусови најтопло е во Скопје-Зајчев Рид и во Тетово.

Како што соопштија од УХМР, осум степени се измерени во Лазарополе, 10 Охрид, Крива Паланка и Попова Шапка, 11 Маврови Анови, Дебар и Претор, 12 степени во Скопје-Петровец, Струмица и Демир Капија, 13 Битола, Штип, Велес, Прилеп, Гевгелија, Кавадарци и Куманово, 14 Крушево и во Виница.

- Во текот на ноќта имаше појава на мала до умерена облачност. Дуваше слаб до умерен, а наместа долж Повардарието повремено засилен ветер од јужен правец кој во Штип достигнуваше брзина до 50 км/час. Изутринава е променливо облачно, дува слаб до умерен ветер од променлив правец, соопштија од УХМР.

Времето денеска претпладне ќе биде променливо облачно. Попладне и во текот на ноќта ќе има локални врнежи од дожд, проследени со ретки грмежи. Ќе дува слаб до умерен, а наместа повремено засилен ветер од јужен правец.

Максималната температура ќе биде во интервал од 21 до 28 степени.

Во Скопје претпладне променливо облачно. Попладне облачноста ќе се зголеми, а кон крајот на денот ќе има услови за слаб дожд. Ќе дува слаб до умерен ветер од јужен правец. Максималната температура ќе достигне 25 степени.

Регион

Грција денеска без вести и информативни емисии поради 24-часовен штрајк на новинарите

Во пет часот утрово, новинарите во Грција во сите медиуми, организирани од нивните здруженија и федерации започнаа 24-часовен штрајк, со што учествуваат во утрешниот штрајк на Синдикатот на вработените во приватниот сектор.

Во пет часот утрово, новинарите во Грција во сите медиуми, организирани од нивните здруженија и федерации започнаа 24-часовен штрајк, со што учествуваат во утрешниот штрајк на Синдикатот на вработените во приватниот сектор, а Грција денеска ќе биде без вести и информативни емисии, јави дописничката на МИА од Атина.

Штрајкот се однесува на сите новинари, техничари и административни службеници во сите медиуми (печатени, радио, телевизија и онлајн) во јавниот и приватниот сектор, како и во државната телевизија ЕРТ, државната агенција АНА-МПА, во Генералниот секретаријат за медиуми, во прес канцелариите, како и на сајтовите.

Од федерациите, меѓу другото, бараат: колективни договори и во јавниот и во приватниот сектор, мерки за справување со поскапувањата што ги намалуваат платите; суштински и ефективни мерки за справување со невработеноста; национални и европски мерки за поддршка на заштитата на приходите и работните места во приватниот сектор; веродостојни информации и плурализам.

-Изразуваме протест поради континуираниот и постојано зголемен притисок врз новинарството и новинарите, а на крајот и врз веродостојното и слободно информирање, што е камен-темелник на демократското функционирање, соопштија од федерациите.

Во изминатите години пракса во Грција е, при генерални штрајкови, новинарите да учествуваат, но ден претходно со цел да можат да ги покријат протестите на денот на штрајковите, па така и овој пат го закажаа за денеска.

Синдикатот на вработените во приватниот сектор за утре закажа 24-часовен штрајк.

притисни ентер