Нетанјаху и се заблагодарил на БиХ на поддршката, му одговорија дека ја згрешил адресата

Премиерот на Израел, Бенјамин Нетанјаху им се заблагодари на владите на голем број земји во светот за поддршката што ја покажале кон неговата земја во конфликтот со Хамас, но не сите беа задоволни од ваквата објава.

Во пораката објавена на неговиот профил на Твитер, Нетанјаху напишал: „Ви благодарам што решително сте со Израел и што го поддржавте нашето право на самоодбрана од терористички напади“.

Заедно со пораката, тој поставил знамиња на 25 земји од различни континенти од САД до Југоисточна Европа, вклучувајќи ги Словенија, Македонија, но и Босна и Херцеговина, каде што најновиот израелско-палестински конфликт наиде на спротивни толкувања.

Во Федерацијата БиХ, во делови со бошњачко мнозинство, јавноста, медиумите, но и политичарите претежно застанаа на страната на Палестинците, осудувајќи го Израел. Од друга страна, во Република Српска изразија јавна поддршка за еврејската држава.

Ова се виде преку своевидна војна со симболи, па најпрво Градското собрание на Сараево беше осветлено со боите на палестинското знаме, а веднаш потоа во Бања Лука се користеа боите на израелското знаме за осветлување на зградата каде се наоѓа канцеларијата на претседателот на Република Српска.

Откако се прошири веста дека БиХ е меѓу земјите на кои Израел им се заблагодарува за поддршката, бошњачкиот член на Претседателството на БиХ, Шефик Џаферовиќ му порача на израелскиот премиер дека е малку збунет.

„Мојата порака до премиерот Нетанјаху е дека Босна и Херцеговина не поддржува и не може да поддржува убиства на невини цивили во Газа од страна на израелските воени сили“, напиша Џаферовиќ на социјалните мрежи.

Како и во многу други прашања, БиХ како држава нема единствен став во однос на ситуацијата на Блискиот исток.

ФИФА ја полни касата со пари што ќе им ги одзема на криминалците

Меѓународната фудбалска асоцијација (ФИФА) ќе добие дополнителни 92 милиони долари како компензација за загубите предизвикани од корупциски скандали во последните години, одлучи американското Министерство за правда.

Во август минатата година, судот веќе донесе одлука да ѝ плати 201 милион долари на ФИФА, а тие пари ќе бидат земени од луѓе кои биле вмешани во корупциски скандали, од кои повеќе од 50, меѓу кои и поранешни челници на Северноамериканската фудбалска асоцијација. (КОНКАКАФ) и Јужноамериканската фудбалска конфедерација (КОНМЕБОЛ).

„Во таа корупциска шема во игра беа големи суми пари. Парите што ќе им бидат одземени на криминалците ќе бидат наменети за развој на женскиот фудбал“, најави помошникот директор на ФБИ во Њујорк, Мајкл Дрискол.

Остин: Војната на Путин е најголемата закана за Европа по Втората светска војна

Американскиот секретар за одбрана Лојд Остин попладнево ја опиша руската војна во Украина како „најголемата закана за европската безбедност од крајот на Втората светска војна“.

„Војната што ја започна Владимир Путин без никаква причина го загрозува не само суверенитетот на Украина“, додаде американскиот министер за одбрана.

Тејлор Свифт се верила во тајност, објавија британските таблоиди

Пејачката Тејлор Свифт наводно е тајно свршена со своето момче Џо Алвин, со кого е повеќе од пет години во врска.

Како што пишува The Sun, пејачката носи голем веренички прстен „зад затворени врати“, а славниот пар за свршувачката само го известиле семејството и најблиските пријатели. Свифт и Алвин почнале да се забавуваат кон крајот на 2016 година, откако наводно се сретнале на Мет Гала во Њујорк.

„Тејлор и Џо се неверојатно среќни и многу, многу заљубени. Тие всушност се свршени веќе неколку месеци, но им кажале само на својот најблизок круг на луѓе - буквално само на семејството и старите доверливи пријатели. Сите се заколнале на тајност“, рекол извор близок на парот и додал дека сакаат да ја држат својата љубов подалеку од очите на јавноста и од папарацо камерите.

„Ако и кога ќе ги разменат своите завети, сигурно нема да има никакво списание „Вог“, „Ролинг Стоун“ или „Хело!“. Ќе биде едноставно и елегантно - исто како нив“, вели изворот. Пред нејзината врска со Алвин, Тејлор Свифт се забавуваше со Том Хидлстон, Хари Стајлс и Калвин Харис, врски што беа доста јавни.

притисни ентер