Свет

Нетанјаху до Бајден: Избегнуваме да повредиме невини

Израелскиот премиер Бенјамин Нетанјаху денеска му соопштил на американскиот претседател Џо Бајден дека Израел „прави се за да избегне повреда на луѓе кои не се вклучени во борбата против Хамас и другите групи во Појасот Газа,соопштил неговиот кaбинет.

Во соопштението се вели дека доказ за тоа е фактот дека „луѓето кои не биле вклучени во конфликтот“ биле евакуирани од зградата во Газа, во која се наоѓале канцелариите на повеќе светски медиуми, пред израелските сили да ја демолираат, пренесува Ројтерс.

Инаку, Саудиска Арабија ги покани министрите за надворешни работи на Организацијата за исламска соработка (ОИС), најголемото тело на муслимански држави во светот, за утре да одржат состанок, пренесува АП.

Наведено е дека тие ќе разговараат за израелските акти на насилство врз Палестинците и употребата на израелска полициска сила врз демонстрантите во џамијата Ал-Акса во Ерусалим.

Палестина повика на итен состанок на меѓународните посредници за Блискиот исток - Русија, САД, Обединетите нации и ЕУ на ниво на министри за надворешни работи, изјави палестинскиот амбасадор во Русија Абдел Хафиз Нофал за ТАСС.

„Веруваме дека рускиот пристап е конструктивен и дека не само што треба да остане на тоа, туку треба и да се развива. Потребно е да се одржи состанок на министрите за надворешни работи на блискоисточниот квартет во Москва или каде било. Ова е потребно за да се запре опасниот тек на настаните ", рече Нофал.

Во израелски воздушен напад врз трикатна куќа во бегалски камп во градот Газа утрово загинале 10 Палестинци, претежно деца. Две жени и осум деца биле убиени во најсмртоносниот единствен напад од судирот со Хамас во Газа претходно оваа недела, пренесува АП.

Свет

Остин: Војната на Путин е најголемата закана за Европа по Втората светска војна

Американскиот секретар за одбрана Лојд Остин попладнево ја опиша руската војна во Украина како „најголемата закана за европската безбедност од крајот на Втората светска војна“.

„Војната што ја започна Владимир Путин без никаква причина го загрозува не само суверенитетот на Украина“, додаде американскиот министер за одбрана.

Шоу биз

Тејлор Свифт се верила во тајност, објавија британските таблоиди

Пејачката Тејлор Свифт наводно е тајно свршена со своето момче Џо Алвин, со кого е повеќе од пет години во врска.

Како што пишува The Sun, пејачката носи голем веренички прстен „зад затворени врати“, а славниот пар за свршувачката само го известиле семејството и најблиските пријатели. Свифт и Алвин почнале да се забавуваат кон крајот на 2016 година, откако наводно се сретнале на Мет Гала во Њујорк.

„Тејлор и Џо се неверојатно среќни и многу, многу заљубени. Тие всушност се свршени веќе неколку месеци, но им кажале само на својот најблизок круг на луѓе - буквално само на семејството и старите доверливи пријатели. Сите се заколнале на тајност“, рекол извор близок на парот и додал дека сакаат да ја држат својата љубов подалеку од очите на јавноста и од папарацо камерите.

„Ако и кога ќе ги разменат своите завети, сигурно нема да има никакво списание „Вог“, „Ролинг Стоун“ или „Хело!“. Ќе биде едноставно и елегантно - исто како нив“, вели изворот. Пред нејзината врска со Алвин, Тејлор Свифт се забавуваше со Том Хидлстон, Хари Стајлс и Калвин Харис, врски што беа доста јавни.

Свет

Русите тврдат дека не планираат да нападнат ниту една членка на НАТО

Русија денеска соопшти дека се надева на „разумно решение“ на спорот околу ограничувањата за транспорт на стоки преку територијата на Литванија до регионот Калининград, руска ексклава на Балтичкото Море.

Русија иѝ соопшти на Европската унија дека моменталната ситуација води кон значителни трошоци не само за Литванија, туку и за Унијата, изјави рускиот заменик-министер за надворешни работи Александар Грушко, пренесе руската агенција Интерфакс. Тој додаде дека му се чини дека „сигналот е примен“, односно дека Унијата го разбрала предупредувањето.

Слично мислење изрази и рускиот амбасадор во Европската унија, Владимир Чижов, кој рече дека се надева на „компромисно решение во блиска иднина“.

Кон средината на јуни, Литванија го забрани железничкиот транспорт на некои стоки, кои се на листата на западни санкции, до областа околу Калининград. Москва ги нарече ограничувањата „незаконски“ и се закани со контрамерки.

Грушко рече дека Русија работи на тоа, „но најважното нешто е прашањето за одржување во живот на Калининград“.

Заменик министерот за надворешни работи дополнително нагласи дека Русија не планира да нападне ниту една членка на НАТО. Само „болни умови можеа да го смислат тоа“, рече тој.

притисни ентер