Нелоски: Најдоброто за нашиот град е Шилегов да си оди

Најдоброто за нашиот град е Шилегов да си оди. СДСМ е најлошото нешто за нашето Скопје, рече Владимир Нелоски, претседател на Градски комитет на ВМРО-ДПМНЕ..

Ова се само 10 од многуте причини зошто Шилегов и СДСМ се најлошата опција за Скопје:

1. Злоупотреба на градските пари. Се плаќа повеќе од двојно за набавка на ствари и средства во споредба со градовите во регионот. Односно набавка на противпожарно возило со скала какво што градот Загреб набавува за 800.000 евра плус ДДВ, Шилегов го купува за 1.7 милиони евра.

2. Не се инвестира во нови зелени површини и паркови, туку се уништуваат постоечките и се сечат повеќе децениски стари дрвја, Скопје 4 години е помеѓу најзагадените градовите во светот.

3. 4 години имаме инфраструктурен застој. Еден проект не е направен, се што се прави е премачкување на стари улици со асфалт.

4. Шилегов ја продаде Градската куќа, а никој не знае каде завршија парите од продажбата на објектот.

5. Скопје со Шилегов станува нечист град, контејнерите се преполни, а улиците нечисти.

6. ФК Вардар, гордоста на градот Скопје пропаѓа, и судејќи по досегашниот однос градот на чело со Шилегов нема никаква намера тоа да го спречи.

7. Дивата депонија Вардариште го загадува целиот источен дел на Скопје, се трупа и се пали отпад, а решение нема.

8. Не се решава проблемот со кучињата скитници, и нема стационари. Загрозени се и луѓето и кучињата.

9. Урбаната мафија продолжува да дивее. Последен пример е новата населба која ја планираат Богоев и Шилегов да никне над Козле, со што дополнително се уништува шумата на Водно.

10. Не инвестирањето во нови сообраќајни решенија предизвикува сообраќаен хаос.

Шилегов не реши ниту еден од големите проблеми на Скопје и скопјани, напротив, уште повеќе ги искомплицира работите, и таму каде што немаше проблеми, тој за жал ги создаде.

4 години Шилегов и СДСМ, 4 години проблеми и стагнација, 4 години украден живот за скопјани. Доста е!

Кривична пријава за узурпација на земјиште кај цветен пазар зад поликлиниката Бит пазар

Единицата за економски и компјутерски криминал при СВР Скопје поднесе кривична пријава против А.Р. (62) од Скопје и против правно лице од Скопје за сторено кривично дело  „узурпација на недвижности“, соопшти МВР.

А.Р. како сопственик и управител на второпријавеното правно лице, подолг временски период противправно завладеал имот сопственост на државата и го ставил во владение на своето правно лице. А.Р. имотот кој се наоѓа веднаш до цветниот пазар позади поликлиниката Бит Пазар во Скопје, кој претставува градежно неизградено земјиште во општа употреба во сопственост на државата, противзаконски го оградил со наплатна рампа и куќарка за наплата на влез-излез и за секој влез- излез наплаќал соодветен паричен надомест. На тој начин го оневозможил слободното движење и користење на просторот од страна на граѓаните и институциите.

Именувани тројца судии и двајца бранители на Судот на правдата на ЕУ

Комитетот на постојани претставници на земјите членки на ЕУ (КОРЕПЕР) именуваше тројца судии и двајца бранители на Европскиот суд на правдата. 

Како што јави дописникот на МИА од Брисел, станува збор за Германецот Томас фон Данвиц и Летонката Инета Зимеле, кои се реизбрани за судии, како и за Французинот Стефан Жервасони, кој првпат е именуван за судија на Судот на правдата.

Членовите на КОРЕПЕР, исто така, го реизбраа Французинот Жан Ришар де ла Тур за бранител во Судот, а на ова должност во прв мандат е именуван и Луксембуржанецот Дин Шпилман.

Именувањата се извршени во рамки на процесот на делумна обнова на составот на Судот на правдата на ЕУ. Мандатите на петмината именувани ќе траат од 7 октомври 2024 година до 6 октомври 2030 година.

Судиите и бранителите на Судот на правдата на ЕУ се назначуваат со согласност на владите на земјите членки на Унијата, по консултации со посебен панел одговорен за давање мислење за соодветноста на потенцијалните кандидати за извршување на должностите. Тие се избираат од редовите на истакнати правници, кои претходно извршувале високи функции во правосудните системи на своите матични земји.

Баерн го вброи Емери во кандидатите за тренерската позиција

Актуелниот бундеслигашки шампион Баерн Минхен размислува за следната сезона на тренерското место да го донесе предводникот на Астон Вила, Унаи Емери.

Според „TZ“ тренерот на Баер Леверкузен, Чаби Алонсо е главна цел на клубот од Минхен, но поради силниот интерес за Шпанецот од Ливерпул, кој на крајот на сезоната ќе го напушти Јирген Клоп, германскиот клуб размислува за други опции.

Претходно беше објавено дека Баерн размислува и за Роберто Де Зерби од Брајтон, како и за селекторот на германската репрезентација Јулијан Нагелсман.

Во февруари, Баерн најави заминување на главниот тренер Томас Тухел од клубот на крајот на сезоната 2023/24.

притисни ентер