Не стивнуваат реакциите за возачот кој усмрти двајца битолчани во Охрид и доби условна казна

Судијата во изјава за Канал 5 вели дека олеснителните околности за обвинетиот возач да добие условна осуда биле тоа што делото било сторено во небрежност и дека тој ја признал вината. 

И по бурните реакции од семејствата на двете загинати момчиња, трите тешко повредени девојки, како и јавноста, судијата од охридскиот Основен суд Бојан Мартиноски останува на ставот дека донел правилна одлука со изрекувањето на условната осуда за 24 годишното момче обвинето за сообраќајната несреќа која се случи лани на 16 август на регионалниот пат Охрид – Свети Наум..

Судијата во изјава за Канал 5 вели дека олеснителните околности за обвинетиот возач да добие условна осуда биле тоа што делото било сторено во небрежност и дека тој ја признал вината. За него тоа што обвинетиот возел со брзина од 106 километри на час, на место каде што е дозволена брзина до максимум 60 километри на час не било причина за да се случи опасноста. До трагедијата, според пресудата, дошло откако сега починатиот возач се обидувал од комплексот Инекс во 1.40 по полноќ да се приклучи на регионалниот пат кон Охрид, а во тој момент во него директно удрил обвинетиот, кој претекнувал друго возило и се движел во правец од Охрид кон Свети Наум.. .

„Олесните околности највпечаливо било што во сообраќајното техничко вештачење од техничкиот факутелт во Битола имаме пропусти на возачот кој за жал сега е со смртен исход бидејќи тој ја создал опасноста, не застанал на знакот СТОП, не пропуштил правно првенство на возилата кои доаѓале од неговата лева страна, меѓу кои и возилото на обвинетиот, се случил на небезбедно растојание и таквата сообраќајна ситуација се претвора во сообраќајна незода, а пропустите на обвинетиот е тој што се движи со поголема брзина и не може да ја избегне ситуацијата. Неговиот пропуст не ја создава опасната ситација таа е создадена од страна на сега покојниот управувач на другото возило..“, изјави Бојан Мартиноски – судија во Основен суд Охрид.

Условната пресуда не е правосилна, по неа е поднесена жалба и истата ќе биде предмет на разгледување во Апелациониот суд. Ова е втора пресуда по таа за Зоран Милевски – Кичеец, кој беше осуден на шест месеци затвор за сообраќајка во која исто така имаше загинато лице, што во последните месеци предизвика многу реакции, по што министерот за правда Бојан Маричиќ изрази загриженост за казнената политика. Тој најави воведување на ново кривично дело „безобзирно управување со моторно возило“ за што се пропишува затворска казна и до 3 години, а доколку има смртни последици казната најмалку 4 години затвор.

Загриженост за се почестата правосудна пракса за изрекување поблаги казни за тешки дела изрази и Антикорупцисакта комисија, која ги повика Совето на јавните обвинители и Судскиот совет да постапат според надлежностите, посебно во последниот случај со Милевски- Кичеец каде, како што велат, е спроведена преблага казна по спогодбата на обвинителот со обвиентиот.

Први резултати од вештачењето на телефонот на мајката на Данка, избришени многу пораки

Првите информации од вештачењето на телефонот на мајката на исчезнатиот Данке- Многу пораки и повици се избришани на денот на исчезнувањето! 

Прегледот на телефонот на Ивана Илиќ, мајката на исчезнатата Данка, откри шокантни информации.

Според неофицијални сознанија од истрагата до кои дојде српски Информер, вештачењето на мобилниот телефон на Ивана Илиќ покажало шокантни и донекаде загрижувачки информации.

Според и ннформации на информер, многу пораки и податоци за повици биле избришани.

- Она што е особено изненадувачки е што ден пред исчезнувањето и на денот на исчезнувањето на малата Данка, од телефонот се избришани многу пораки и повици. Ова го утврдиле инспекторите за високотехнолошки криминал. Пораките и повиците може да се избришат од телефонот, но остануваат во базата на податоци - вели изворот на Информер.

Електромобилот „Шјаоми СУ-7“ пуштен во продажба

Технолошкиот гигант верува дека оперативниот систем „СУ-7“ што го имаат нивните телефони, лаптопи и други уреди, ќе ги привлече веќе постојните клиенти. 

Кинескиот производител на паметни телефони „Шјаоми“ (Xiaomi) го пушти во продажба своето прво електричен автомобил - „Спид ултра 7“ (Speed ​​​​Ultra 7, СУ-7). Извршниот директор на компанијата, Леј Јун изјави дека цената на возилото ќе биде околу 28.000 евра, пренесува „Би-би-си“.

Технолошкиот гигант верува дека оперативниот систем „СУ-7“ што го имаат нивните телефони, лаптопи и други уреди, ќе ги привлече веќе постојните клиенти. Автомобилот, најавен лани, се споредува со моделите на спортски автомобили „Тајкан“ и „Панамера“ на „Порше“. Производството ќе се одвива во Пекинг, Кина, во државната фабрика што може да испорача до 200.000 возила годишно. „Шјаоми“ најави и влог од 10 милијарди долари за развој на возила за следните 10 години.

На кинескиот пазар на електромобили, инаку, се натпреваруваат и „Тесла“ и „БИД“, па со влезот на „Шјаоми“ како трет избор, се предвидува и нова борба за цените.

- Крајното достигнување би било да се покаже дека има потрошувачки пазар и за „Шјаоми“ како бренд на паметни електрични возила, изјави стручњакот од „Аутомобилити“ (Automobility), Бил Русо.

Тој верува дека влезот на пазарот за автомобили ја одразува довербата на „Шјаоми“ во важноста на брендот во и вон матичната Кина. /МИА

Тренчевска: Опфатот на децата во градинките 48 проценти, до 2028 година ќе изнесува 70 проценти

 Дополнителната заменичка министерка за труд и социјална политика во техничката Влада, Јованка Тренчевска денеска информираше дека имаат таргет до 2028 година, 70 отсто од децата да бидат вклучени во градинките.

- Во 2017 година, кога се формира Владата предводена од СДСМ, опфатот на децата во градинките беше од 25 до 27 отсто од вкупниот број деца вклучени во градинките. Денес, тој процент е 48, дополнително ќе се зголеми со градинките што чекаат на отворање. Таргетот ни е до 2028 година, тој процент да се зголеми на 70 отсто деца опфатени во предучилишно образование и секако, тој број да се зголемува, одговори Тренчевска на новинарско прашање на брифингот со новинари во Клубот на пратеници.

Во однос на листите на чекање за прием во градинка, таа кажа дека најкритично е во скопските општини.

- На територијата на целата држава од 2017 година до денес, изградени се 84 градинки со вкупен опфат на над 8 000 деца. Во декември 2023 година, Владата додели четири милиони евра за изградба на нови градинки во општините Бутел, Кисела Вода, Ѓорче Петров, Аеродром и во Карпош, подвлече Тренчевска.

Од 2018 година до денес во детските јавни установи вработени биле вкупно 2 881 лице, а бројот на лиценцирани негувателки и воспитувачки во овој период, изнесувал 740 лица.

притисни ентер