Наумовски: Користењето на новата додавка на државното име во документите е избрзано

Васко Наумовски денеска во изјава за медиумите истакна дека новата додавка на името на државата треба да се употребува во документите во рок од пет години од отворањето на соодветното поглавје.

Поранешниот вицепремиер за евроинтеграции и амбасадор и поранешен амбасадор во САД, Васко Наумовски денеска во изјава за медиумите истакна дека новата додавка на името на државата треба да се употребува во документите во рок од пет години од отворањето на соодветното поглавје.

По денешната панел-дискусија и промоција на публикацијата „Со надеж за најдобро, подготвени за најлошо: Дали Република С. Македонија е ранлива на економски притисок од Народна Република Кина?”, Наумовски посочи дека некои аспекти на имплементацијата на Преспанскиот договор се направени предвреме и избрзано штом, како што рече, земјава ги нема отворено преговорите за членство со ЕУ и нема отворено ниту едно поглавје.

- Имено, доколку детално се анализираат одредбите, ќе видиме дека претходната Влада на СДСМ отиде и предалеку со имплементацијата на Преспанскиот договор во внатрешната употреба и документите кои се однесуваат исклучиво за внатрешна употреба, односно некои одредби кои што требаше да бидат имплементирани постепено согласно отворањето на поглавјата за приговорите со Европската унија беа имплементирани избрзано. Доколку ја направиме анализата, ќе видиме дека самиот договор предвидува постепено имплементирање на додавката во документите согласно отворањето на поглавјата, односно новата додавка треба да се употребува во документите во рок од пет години од отворањето на соодветното поглавје. Ние ги немаме отворено преговорите за членство со Европската унија и немаме отворено ниту едно поглавје, што значи дека некои аспекти на имплементацијата се направени предвреме и избрзано, рече Наумовски.

Според поранешниот вицепремиер Наумовски, избегнувањето на претседателката Гордана Сиљановска Давкова да го каже целосното уставно име на државата во нејзината свечена изјава не претставува никакво прекршување на Преспанскиот договор.

-Она што професорката Сиљановска Давкова го направи, според мене, не претставува никакво прекршување на Преспанскиот договор, туку ние сме доведени во ситуација да го толкуваме Преспанскиот договор од гледна точка на Грција. Она што било претходно направено, таа избрзана и предвремена имплементација, според мене, било погрешно. Можеби е добро да се направи детална анализа што всушност треба да значи внатрешната употреба на Преспанскиот договор и како таа да се употребува понатаму. За очекување беше дека нашите соседи нема да го игнорираат овој потег, меѓутоа сметам дека ние би требало малку подлабоко да гледаме на ова прашање, односно да видиме дали во суштина некои одредби од т.н Преспански договор се прекршени или не, и што всушност значи неговата примена во документите што се однесуваат исклучиво за внатрешна употреба, рече Наумовски, потенцирајќи дека ставот на Сиљановска Давкова по ова прашање бил јавно деклариран уште во нејзината предизборна кампања и таа останала доследна на она што го ветувала на граѓаните.

Покажа како спие во авион, сите ја исмеваат: Најглупава идеја (ВИДЕО)

Брук Џонсон тврди дека лета најмалку четири пати месечно, па смислила необичен начин да спие во авион.

Свесна е дека стјуардесите и воздухопловните експерти се против ваквото „однесување“, но сепак видеото го објави на TikTok.

Младата Американка покажа како ги крева колената до градите, ги става стапалата на седиштето, а потоа ги прицврстува со ремен.

Таа потоа ги покрива нозете со капут за да не го привлече вниманието кон себе, пишува Daily Star.

„Моите летови во просек траат четири часа. Кога бев дете, постојано си играв за да најдам удобен начин да седам“, вели таа.

Таа тврди дека нејзиниот метод е корисен „бидејќи ви овозможува да се опуштите“.

„Тоа е исто така најдобар начин да ги поставите нозете без да вознемирувате никого. Ова не го правам при полетување или слетување, туку кога авионот ќе достигне одредена висина, а луѓето не се движат низ кабината“.

@brookedoeseverything TravelTok ain’t ready for this hack 😂 #brookedoeseverything ♬ Good Vibes (Instrumental) - Ellen Once Again

Од друга страна, д-р Мајкл Бреус (The Sleep Doctor) има поинакво мислење.

„Ова е една од најглупавите идеи што сум ги видел. Ако има инцидент, замислувам дека ќе ѝ бидат скршени нозете. Дури и во случај на благи турбуленции, може да дојде до повреди на главата“.

Корисниците на социјалните мрежи ја критикуваа „тактиката“ на младата тиктокерка.

„Ова е начин да ги добиете најлошите грчеви досега“, „Кој спие со свиткани и врзани нозе“ пишува во некои од коментарите.

Макрон пристигна во Нова Каледонија, каде е воведена вонредна состојба по насилните протести

Францускиот претседател Емануел Макрон пристигна во Нова Каледонија, француска прекуморска територија погодена од насилни протести, каде најави дека 3.000 француски полицајци ќе останат на островот сѐ додека е потребно.

„Во следните часови и денови ќе бидат планирани големи нови операции каде што е потребно“, рече Макрон на состанокот со политичките и деловните лидери на островот, нагласувајќи дека редот ќе биде целосно воспоставен бидејќи „нема друг избор“.

Тој додаде дека 3.000 француски полицајци ќе останат на тој остров, доколку е потребно, дури и за време на Олимписките игри во Париз.

„Јас лично верувам дека вонредната состојба не треба да се продолжи“, рече Макрон и дека треба да се укине кога демонстрантите ќе ги тргнат барикадите од патиштата.

На средбата со Макрон беше премиерот на Нова Каледонија, Луис Мапу, како и претседателот на Конгресот, Рош Вамјтан, потписник на Договорот Номеа од 1998 година, кој го отвори патот за постепена независност на Нова Каледонија, пренесува Ројтерс. .

Овој договор истече во 2021 година, до кога пропаднаа три референдуми за независност, чии резултати не ги признаваат припадниците на домородниот народ Канак.

Вамјтан е лидер на Каледонската унија, најголемата партија во коалицијата за независност на ФЛНКС, во чија изјава пред состанокот беше наведено дека се надеваат дека Макрон ќе „вдише нов живот“ во преговорите на сите страни од поранешниот договор.

Макрон истакна дека „смирувањето не може да значи игнорирање“ на мнозинската позиција во Нова Каледонија.

Протестите на островот траат со недели, а на 13 мај станаа насилни поради најавеното гласање во францускиот парламент за измени на уставот на Нова Каледонија на 14 мај.

Промената би значела проширување на правото на глас во Нова Каледонија на француските граѓани кои живеат на островот повеќе од 10 години, што е спротивно на Договорот Нумеа, според кој никој што се преселил на островот по 1998 година нема право да гласа.

Француската влада смета дека исклучувањето на една петтина од гласањето е „апсурдно“, но сепаратистите на Нова Каледонија веруваат дека проширувањето на избирачкиот список ќе биде од корист за профранцуските политичари, пренесува Ројтерс.

Бидејќи се работи за уставна реформа, за нејзино усвојување е потребно гласање во двата дома на францускиот парламент, за што Макрон сè уште не објави датум.

Во соопштението, ФЛНКС побара од Макрон да даде повеќе време за постигнување политички договор за иднината на островот.

Франција ја анектираше Нова Каледонија во 1853 година, а таа се промени од статус на колонија во статус на прекуморска територија во 1946 година.

Нова Каледонија е трет по големина производител на никел во светот, но секторот е во криза и околу 20 отсто од нејзините жители живеат во сиромаштија, пишува Ројтерс.

Француските власти соопштија дека од почетокот на немирите до саботата, при размена на оган на барикадата на северот на островот загинале шест лица, а двајца се повредени.

Властите прогласија вонредна состојба која вклучува ноќен полициски час, како и забрани за јавни собири, продажба на алкохол и носење оружје.

Неколку илјади туристи останаа на островот поради затворањето на единствениот аеродром за комерцијални летови, а Франција, Австралија и Нов Зеланд организираа летови за да ги изнесат овие туристи од Нова Каледонија.

Пандов: Изборен инжињеринг е кога на референдумот некаде се гласаше за две секунди

„Верувам дека под притисок на ДУИ „Вреди“ даваа порадикални изјави за време на изборите“

Изборен инжињеринг е кога на референдумот на некои избирачки места две секунди беа потребни за да се гласа. Сега луѓето си гласаа и се гледа кој има полн легитимитет. Девет партии беа во коалиција меѓу кои има и неалбански партии, да не говориме власта како власт за две децении колку клиентелистички гласови има добиено ДУИ. „Вреди“ има полн легитимитет, има повеќе Албански гласови од ДУИ.

Во Бугарија и Грција реториката е таква каква што е, верувам дека под притисок на ДУИ „Вреди“ даваа порадикални изјави за време на изборите. Ние правиме чекори и ги доживуваме како понижување. Се додека историските прашања се на маса и ако ние Македонците сме коминтерновска твобра или не и ако тие се услови за преговори со ЕУ, нема да ги почнеме, рече Александар Пандов во Само Вистина.

притисни ентер