Научен собир на МАНУ за Димитрија Чуповски

„Македонското име, јазик и култура, идентитет, историја, национална свест и самобитност се суверено, нераскинливо и неотуѓиво, универзално право на македонскиот народ.“

На собирот на МАНУ по повод денот од формирањето на Македонското научно-литературно другарство во Петроград во 1902 и 80-годишнината од смртта на неговиот претседател Димитрија Чуповски, претседателот на Академијата Љупчо Коцарев предложи идната година МАНУ да го одбележува овој датум како зародиш на постоењето на Академијата.

Истакна дека формирањето на Македонско-научното литературно другарство во Петроград (денешен Санкт Петербург) е настан кој симболично го означува почетокот на македонската современа научна мисла. Роденденот на МАНУ се одбележува на 9 октомври, денот кога е основана во 1967, но Коцарев смета дека по примерот на други академии, од идната година на 28 октомври да се одбележат 119 години на Академијата бидејќи нејзината историска основа е во Македонско-научно литературното другарство кое во Петроград го формирала македонската емиграција.

Се заблагодари за придонесот на академик Блаже Ристовски, проучувач на делото на Чуповски и Мисирков, нагласувајќи дека со своите темелни истражувања проникнал во историјата на Македонија и македонскиот народ.

– Македонското име, јазик и култура, идентитет, историја, национална свест и самобитност се суверено, нераскинливо и неотуѓиво, универзално право на македонскиот народ. Парадоксално и, за жал, дел од овие права ги загубивме во потрага по античкото минато, а дел во името на европска иднина. Време е за национален консензус за сите овие прашања… Се надевам дека ќе најдеме сили да излеземе од состојбата во која се наоѓа дел од македонскиот народ – поделеност, разнебитеност и разочараност, со цел достоинствено, но не по секоја цена да продолжиме во Европа, истакна претседателот на МАНУ.

Се осврна и на уште еден значен датум во октомври – Денот на народното антифашистичко востание на 11 октомври 1941, за кое рече е камен-темелник, меѓа за самобитност и самостојност, но дека, за жал, сведоци сме, како што рече, на негирање на овој настан и на постоењето на македонскиот народ и на осободителниот антифашистички карактер на востанието.

– Тоа е востание на Македонците против ропството на Бугарија која на денот на востанието била сојузник на нацистичка Германија и фашистичка Италија и ја окупирала територијата што се нарекувала Вардарска Бановина како дел од Кралството Југославија. Најголемиот дел од населението на Вардарска Бановина на денот на окупацијата од Бугарија се чувствувале како Македонци, рече Коцарев, додавајќи дека современата македонска држава е помлада од македонскиот народ.

Академик Катица Ќулавкова, раководител на научноистражувачкиот проект „Димитрија

Чуповски (1878 – 1940)", во чии рамки се организираше собирот, се осврна на периодот од 1878 до 1918, како што рече, епските и драматични времиња за Македонците, говореше за македонската интелигенција во емиграција, за подвигот на постпреродбениците Пулевски, Мисирков и Чуповски, што го нарече „клучен исчекор од стапицата на пропагандната и психолошка инвазија на Македонците кон зоната на слободата".

Посочи дека поимањата на Чуповски на македонството, неговите чувства, зборови и дела се единствена целина и не се откажал од своето државјанство на Отоманската Империја само зашто не сакал да прими државјанство ни на Бугарското Кнежество, оти не се чувстввал Бугарин, ни се пронаоѓал во бугарската кауза која, како што рече, „се сметала за заокружена само доколку ја приграби и Македонија во своите граници, дури и не толку географски, колку етнички, јазично и историски".

-Се работи за три култни начела поврзани со идентитетот, територијалниот и етничкиот интегритет на Македонија и нејзината политичка автономија. Другарството ги промовира во својата дипломатска дејност овие три врховни начекла – идентитет, интегритет и автономија. За да се оствари таа цел, ако не може одеднаш, тогаш постапно, Другарството доаѓа до заклучок дека во почетната фаза Македонија би требало да има признат статус на рамноправен дел на балканското семејство на народите, па дури и во составот на некоја федерација, рече Ќулавкова.

Додаде дека македонската парадигма на Другарството од Петроград и денес е актуелна и опоменува, како што рече, дека не смеат да се прават отстапки во однос на македонскиот идентитет ни по однос на македонската етничка, јазична и културна територија која ги надминува границите на актуелната држава.

– Затоа што барањата за такви отстапки се нелегитимни и непримерени за научните, демократските и цивилизациските дискурси. Ако работи според законот по кој е основана, МАНУ не би требало да дозволи да биде употребена како покритие на ексклузивни, ненаучни и прагматично-политички цели, истакна Ќулавкова.

На собирот беа одбележани 120 години од почнувањето на активностите за формирање на Македонското научно-литературно друштво во Петроград (1902-1917) односно две години пред неговата регистрација, 80-годишнината од смртта на Димитрија Чуповски (с. Папрадиште, Велешко, 8.11.1878 – Ленинград, 29.10.1940) и 30-годишнината од пренесувањето на неговите мошти од гробиштата кај црквата „Александар Невски" во Санкт Петербург во могилата на Градските гробишта во Скопје. /МИА

Глумела дека умира од рак,за да собере пари и да си направи свадба од соништата (ФОТО)

Жена од Велика Британија „лажирала терминална дијагноза за рак“ за да ги натера нејзините пријатели да платат за „совршената венчавка“, пишува Метро.

Пријателите на Тони Стенден (29) собрале 8.500 фунти за да може со нејзиниот партнер Џејмс да имаат „ден што го заслужуваат“.

Заради измамата, Стенден дури и ја избричила главата, а во емотивната молба за помош напишала дека би сакала отец Дерек, кој умирал од рак, да ја одведе до олтарот.

57-годишниот Дерек починал пред венчавката во Чешир, но снимил видео порака за гостите на свадбата. Локалниот фудбалски клуб снимил и видео за поддршка на младенците кои го поминале медениот месец во Турција, а потоа отпатувале во Германија, Чешка, Австрија, Унгарија и Италија, додека Статен била ,,болна" цело време.

На почетокот на оваа година, таа исто така тврдела дека се разболела од коронавирус, но тоа предизвикало сомнеж кај нејзините пријатели кои конечно се соочиле со неа.

На Стенден сега и се заканува потенцијална затворска казна откако минатата недела се изјаснила за виновна за измама со лажно тврдење помеѓу февруари 2019 година и април 2020 година во Прекршочниот суд во Честер.

Шерил Астон (33), нејзина пријателка од колеџ, која донирала 525 фунти, за Мирор изјавила дека Стенден заработила Оскар за нејзината глума. "Таа не измами сите нас. Ми рече дека умира и јас паднав на тоа. Бев скршена - сите бевме".

Во февруари годинава, Тони Стенден објавила на Фејсбук дека починала. За тоа ги обвинила хакерите, но еден нејзин познаник рекол дека тоа го сторила само за да привлече внимание и да види како луѓето ќе реагираат доколку помислат дека починала.

Renault Twizy во впечатлива британска верзија (ФОТО)

За многумина, малиот Твизи е само пречка на патот, но сега доаѓа во пакет што дефинитивно ќе биде забележан.

Создаден е по идеја на оригиналот, прототипот Twizy F1 од 2013 година, со кој француската компанија се обиде да ја покаже поатрактивната страна на електричниот автомобил. Оваа копија е создадена во Британија и е потпишана од Oakley Design.

На сите им е јасно дека Формула 1 е инспирација и тука. Не се штедело, така што некои делови се направени од карбон. Тркалата доаѓаат и од мотоспортот, како и задното крило со дифузер одзади. Нема врати, а инсталирани се и специјални електрични ретровизори.

И, конечно, едно разочарување. И додека оригиналниот прототип има комплексен систем KERS со скоро 100 КС, тука погонот е стандарден. Во превод, има простор само за електрична енергија, а максимумот е 17 КС.

Цената е позната и првично е утврдена на 19,995 фунти.

Кит Ричардс од инвалидска количка ќе ја прослави 60. годишнината на Ролинг Стоунс

Легендарниот гитарист на Ролинг Стоунс за Би-Би-Си зборува за американските избори, како бил погоден од Чак Бери и иднината на Стоунси.

За време на европската турнеја на Ролинг Стоунс во 1976 година, на концерт во Германија, Кит Ричардс заспал на сцената.

Тој никогаш не бил преголем обожавател на „Fool To Cry“ - сингл од нивниот последен последен албум Black and Blue - и, откако свирел соло, гитаристот едноставно заспал.

Неколку минути подоцна, тој се разбудил на огромен крик од публиката.И покрај сите приказни за хедонизмот и разврат на Ричардс, ова заспивање на сцената воопшто не одговара на неговиот карактер.

"Кит секогаш ќе се брка до смрт на сцената. Секогаш", изјави менаџерот Јан Стјуарт, за биографот на Ричардс, Барбара Шарон.

Дури и на 77 години, славниот гитарист сè уште живее за турнеи.Сцената е место каде што тој секогаш се чувствувал како дома, возбудата од настапот пред публиката никогаш не стивнува.

„Не знам дали воопшто може да станеш имун на тоа, но сепак работи за мене, човеку“, вели тој.

Благодарение на пандемијата, овојпат „вообичаената годишна доза на адреналин“ за ѕвездата беше отсутна.

„Бевме подготвени, заинтересирани да одиме на турнеја, кога вирусот се појави. Ова беше една многу чудна година за сите нас, нели?

Ричардс го минува карантинот дома во Конектикат, читајќи серија историски романи „Мајсторот и воениот господар“, додека повремено прави нова музика и ги гледа претседателските избори во САД со резервација на странец со виза за престој.

притисни ентер