Свет

Насилни протести и полициски час во Филаделфија, откако полицијата уби Афроамериканец(ВИДЕО)

Филаделфија од вечерва ќе воведе полициски час за ставање крај на грабежите и насилствата за време на ноќните протести што избија откако полицијата уби Афроамериканец, соопшти канцеларијата на градоначалникот.

Полицискиот час влегува во сила во девет часот вечерва и ќе трае до шест часот утре.

Протестите траат од понеделникот откако полицијата го застрела 27-годишниот Валтер Валас, кој се судри со органите на прогонот и бил вооружен со нож. Роднините тврдат дека имал нервен слом.

Полициските службеници излегле на лице место по повик во кој било пријавено дека мажот има нож. Валас одбил да го фрли ножот и покрај повиците на полицијата, рече Ерик Грип, портпарол на полицијата во Филаделфија.

Неколку часа по настанот, околу 300 демонстранти излегоа на улиците да изразат незадоволство од полициското насилство и расизмот, судирајќи се со полицијата. Во полициските редови имало околу 39 повредени, а повеќето се здобиле со повреди од фрлени предмети кон нив, особено од цигли.

Продавниците биле оштетени во насилството, запалено е полициско возило и голем број лица се уапсени.

Бран антирасистички протести, придружени со насилство, ја зафатија земјата по смртта на Џорџ Флојд, Афроамериканец убиен од бел полицаец кон крајот на мај.

Филаделфија стана последната во низата жаришта во САД во врска со прашањето за раси и пречекорување на полициските сили.

Регион

Вуќиќ: Тоа ни е фала за се што направивме за Скопје

Тоа е германска идеја, поддржана од НАТО и од сите останати.

„Тоа е благодарност за сето она што го направивме за Скопје“,изјавил српскиот претседател александар Вучиќ коментирајќи го коспонзорството на Македонија за резолуцијата за геноцидот во Сребреница во ОН, како лична одлука на шефот на дипломатијата Османи.

Тоа е германска идеја, поддржана од НАТО и од сите останати. Ја најдоа и Руанда, ги најдоа и Нов Зеланд и Чиле. Пронајдоа и неколку земји кои отсекогаш биле спонзори на вакви проекти, како Малезија и Јордан. Кон нив им се придодава и Македонија, така што таму нема голема филозофија. Им благодарам за тоа, претпоставувам дека тоа е благодарност за она што го направивме за Скопје. Ја видов и Австрија тука, ништо чудно со оглед на сето она што Шаленберг го прави против нашата земја, изјавил Вучиќ во гостувањето во дневникот на ТВ Пинк.

Тој додал дека нешто што е во надлежност на Советот за безбедност е преместено во генералното собрание на ОН.

-Знаеја дека русите и кинезите ќе стават вето и затоа сега одат на генералното собрание на ОН, бидејќи очекуваат сигурно мнозинство и сакаат да им зададат удар на Србите и Србија.

Македонија

Две жртви во сообраќајка на експресниот пат Штип-Кочани

Тешка сообраќајна несреќа се случи на експресниот пат Штип-Кочани, во близина на ТИР зоната во Штип. Според првичните информации во несреќата животите ги загубиле две лица.

Портпаролот на СВР-Штип, Гордана Панајотова потврди дека на овој експресен пат има тешка сообраќајна несреќа.

Таа за МИА изјави дека во тек е увидот и обезбедувањето на местото на несреќата од страна на полицијата.

Несреќата се случила околу 14.25 часот, помеѓу две патнички возила.

Македонија

Саем на книга во Скопје: Само преку книгите, најмладите ќе ги насочиме на правилниот пат

Родителите и училиштето се двете најважни работи кои можат да всадат љубов кај децата за книгите, во време кога тие живеат во светот на интернетот и мобилните технологии.

Само преку книгите, најмладите ќе ги насочиме на правилниот пат и вистинските вредности.

Ова е заедничкиот став на посетителите, издавачите и авторите на 36. издание на Саемот на книга, кој до 24-ти април се одржува во спортскиот центар Борис Трајковски во Скопје.

А токму најмладите беа едни од најприсутните на саемот. Преку орагнизирани училишни посети, досега над 2.000 ученици ги посетиле овој книжевен настан.

Приказната се чита, е слоганот на овогодинешниот Саем на книга. Организаторите велат дека само на тој начин, децата можат да влезат во светот на книжевноста.

Дека интернет технологијата го одзема вниманието на децата, согласни се дел од авторите и издавачите. Нивната мисија е, додаваат тие, да им ги доближат квалитетните книги на младата популација па и преку електронски форма.

Од популарна присохологија, до македонски и светски познати автори. На Саемот на книга ќе се претстават над 60 издавачи, и ќе има повеќе од 30 промоции на книги, детски работилници, настани и дискусии.