Наместо во јуни, свидетелствата повторно ќе се делат во август, реприза со тендерот за набавка

Свидетелставата и годинава учениците ќе мораат да ги чекаат до август. 

И годинава, како лани, учениците нема да можат да се израдуваат на петките во свидетелставата во јуни. Наместо сега, тие ќе се делат во август. Вакви инструкции, преку допис од Бирото за развој на образование добиле директорите на училиштата, а според првиот човек на СОНК, Јаким Неделков, веројатно, пак доцни тендерот за набавка.

-Веројатно повторно има проблем со тендерот, или можеби, не знам, со печатењето. Од таа причина претпоставувам, свидетелствата ќе задоцнат. Доаѓаат и годишните одмори, па и наставниците ќе бидат на одмори, па од апсект на состојбите, дефинитивно свидетелставата ќе бидат издадени во август. Во ваква ситуација, сметам дека учениците не треба многу да бидат загрижени. - Јаким Неделков – Претседател на СОНК.

За сите учениците што се запишуваат во средно училиште или на факултет сепак, имало свиделства, а сега ќе добијат само оние што имаат итна потреба поради преселба или продолжување на образованието во странство.

Од надлежната институција, Бирото за развој на образование, не гледаат проблем што ќе се доцни со доставата, па во одговорите за Канал 5 се повикуваат на законите за основно и средно образование, каде е наведено дека учебната година трае до 31 август. Оттаму сметаат дека немаат обврска, сега да ги достават свидетелствата.

-Училиштата ќе бидат дополнително контактирани за времето и начинот на дистрибуција на потребните свидетелства. Со ваквиот начин и организација на доделување на свидетелствата не се создава никаков проблем, туку Бирото согласно сите законски процедури и рокови спроведува транспаретна набавка за печатење на целата педагошка документација, започната уште од месец февруари 2022 година. - Биро за развој на образование.

Канал 5 побара одговори и од Министерството за образование и наука, дали од сега ќе стане пракса секоја година, во август да се делат свидетелства, но оттаму нема образложенија.

Тејлор Свифт се верила во тајност, објавија британските таблоиди

Пејачката Тејлор Свифт наводно е тајно свршена со своето момче Џо Алвин, со кого е повеќе од пет години во врска.

Како што пишува The Sun, пејачката носи голем веренички прстен „зад затворени врати“, а славниот пар за свршувачката само го известиле семејството и најблиските пријатели. Свифт и Алвин почнале да се забавуваат кон крајот на 2016 година, откако наводно се сретнале на Мет Гала во Њујорк.

„Тејлор и Џо се неверојатно среќни и многу, многу заљубени. Тие всушност се свршени веќе неколку месеци, но им кажале само на својот најблизок круг на луѓе - буквално само на семејството и старите доверливи пријатели. Сите се заколнале на тајност“, рекол извор близок на парот и додал дека сакаат да ја држат својата љубов подалеку од очите на јавноста и од папарацо камерите.

„Ако и кога ќе ги разменат своите завети, сигурно нема да има никакво списание „Вог“, „Ролинг Стоун“ или „Хело!“. Ќе биде едноставно и елегантно - исто како нив“, вели изворот. Пред нејзината врска со Алвин, Тејлор Свифт се забавуваше со Том Хидлстон, Хари Стајлс и Калвин Харис, врски што беа доста јавни.

Русите тврдат дека не планираат да нападнат ниту една членка на НАТО

Русија денеска соопшти дека се надева на „разумно решение“ на спорот околу ограничувањата за транспорт на стоки преку територијата на Литванија до регионот Калининград, руска ексклава на Балтичкото Море.

Русија иѝ соопшти на Европската унија дека моменталната ситуација води кон значителни трошоци не само за Литванија, туку и за Унијата, изјави рускиот заменик-министер за надворешни работи Александар Грушко, пренесе руската агенција Интерфакс. Тој додаде дека му се чини дека „сигналот е примен“, односно дека Унијата го разбрала предупредувањето.

Слично мислење изрази и рускиот амбасадор во Европската унија, Владимир Чижов, кој рече дека се надева на „компромисно решение во блиска иднина“.

Кон средината на јуни, Литванија го забрани железничкиот транспорт на некои стоки, кои се на листата на западни санкции, до областа околу Калининград. Москва ги нарече ограничувањата „незаконски“ и се закани со контрамерки.

Грушко рече дека Русија работи на тоа, „но најважното нешто е прашањето за одржување во живот на Калининград“.

Заменик министерот за надворешни работи дополнително нагласи дека Русија не планира да нападне ниту една членка на НАТО. Само „болни умови можеа да го смислат тоа“, рече тој.

Ковачевски на средба со граѓанскиот сектор: Владата низ дијалог и консултации носи одлуки

Денеска во рамки на консултативните средби за европскиот предлог за евроинтеграции претседателот на Владата Димитар Ковачевски одржа средба со претставници од граѓанскиот сектор, експерти од различни области, професори и политички аналитичари.

На брифингот се дискутираше за европскиот предлог за просперитет на Македонија.

Премиерот Ковачевски упати благодарност за придонесот што го даваат граѓанскиот сектор и експертската јавност во овие клучни моменти за државата.

При тоа премиерот Ковачевски посочи дека Владата партнерски низ дијалог и консултации носи одлуки во интерес на иднината на сите граѓани на Македонија. Премиерот Ковачевски истакна дека Владата нема дилеми за стратешкиот правец на државата и одлуките што ќе се носат ќе бидат на прогресивната страна со јасна заштита на јазикот и идентитетот на државата да одлучиме дали сме на прогресивната страна, се наведува во соопштението од Владата.

притисни ентер