Најмалку тројца пациенти загинаа во пожар во руска болница (ВИДЕО)

Три лица ги загубија животите во пожар што избувна во болница во рускиот регион Татарстан, јави руската агенција Тасс, а пренесува Дпа.

Уште четири лица се повредени во пожарот во градот Зеленодолск, околу 650 километри источно од Москва, додека 88 пациенти и болнички персонал ноќеска се однесени на безбедно, објави руска новинска агенција.

Според истражителите, пожарот избувнал во просторија во која имало четворица пациенти, а се верува дека причина за пожарот бил краток спој.

Пред две недели шест лица загинаа во пожар во болница во Санкт Петербург, а причина за пожарот бил дефект на респиратор.

Претходно на почетокот на мај, 11 лица ги загубија животите во пожар во болница што избувна во хотел во градот Красногорск, западно од Москва.

притисни ентер