Најмалку седум бродови се запалени во пристаниште во Иран (ВИДЕО)

Најмалку седум бродови се зафатени оган во иранското пристаниште Бушхер, објави денеска новинската агенција „Тасним“ и се чини дека е најновата во низата необјаснети несреќи во нуклеарните и индустриските постројки од крајот на јуни.

Нема извештаи за жртви, додава агенцијата.

Од областа на воените, нуклеарните и индустриските објекти од Иран имало неколку експлозии и пожари од крајот на јуни, вклучително и пожар во иранската нуклеарна централа Натанц на 2 јули.

Натанц е во срцето на иранската програма за збогатување ураниум, за која Техеран вели дека се спроведува во цивилни цели.

Западните разузнавачки агенции и Агенцијата за атомска енергија на ООН (МАЕА) веруваат дека Иран развила координирана, тајна програма за нуклеарно оружје до 2003 година, кога е запрена, но Техеран ги негира ваквите обвинувања.

Највисокото тело за безбедност во Иран соопшти на 3 јули дека причината за пожарот во Натанц е утврдена и дека ќе биде објавена навреме.

Некои ирански власти соопштија дека можеби е предизвикана од сајбер саботажа и еден предупредил дека Техеран ќе и одговори на државата што изведува вакви напади.

Во написот на почетокот на јули, државната новинска агенција ИРНА зборуваше за можноста за саботажа од страна на непријателски земји, како што се Израел и САД, иако не ги обвини директно.

Израелскиот министер за одбрана изјави на 5 јули дека неговата земја „не мора“ да стои зад секој мистериозен инцидент во Иран.

Електрично Фиќо ,,го отвори” новиот мост во Џенова (ВИДЕО)

Новиот електричен Fiat 500 прв премина преку новиот мост „Сан Џорџо“ во Џенова на денот кога беше отворен за сообраќај, по катастрофалното уривање пред две години.

Како што велат во Фиат, идејата била новата „50ка“ на електричен погон да стане симбол на спокојство и закрепнување во Италија „која храбро ја гледа иднината“.

Овој автомобил беше првиот што ги премина 1.067 метри на новоизградениот мост во Џенова, пред да се отвори за редовен сообраќај.

Станува збор за новиот мост „Сан Џорџо“, дело на ѕвездата на италијанската архитектура Ренцо Пијано, изграден по две години од трагедијата што се случи на 14 август 2018 година, кога се сруши стариот мост во Џенова, при што загинаа 43 лица.

Мостот над реката Полцевера - изграден во рекордно време - е вонреден инженерски потфат на главниот град на северниот италијански регион Лигурија, за да стане нов симбол на иднината на Џенова.

Гори кулата на Светскиот трговски центар во Брисел (ВИДЕО)

Попладнево избувна пожар во техничките простории на 27-миот кат од кулата на Светскиот трговски центар (WTC) во Брисел.

Противпожарната бригада на Антверпен е на самото место. Густиот црн чад што се издига е видлив од далеку. Командантот на противпожарната бригада на Антверпен, Берт Бругманс изјави дека станува збор за „многу сериозен“ пожар.

Пожарот избувнал на 27-миот кат на кулата. Никој, за среќа, не е повреден.

Кулата во моментов не е во употреба, бидејќи се реновира, а во моментот на пожарот во ена биле присутни само неколку работници, кои успеале навреме да се евакуираат.

Обвинителството за гонење организиран криминал се засилува со петмина обвинители

Обвинителството за гонење организиран криминал и корупција неместо побараните осум, ќе добие пет нови обвинители. 

Обвинителството на Вилма Русковска се засилува со плус 5 обвинители. Шефицата на Обвинителството за гонење организиран криминал и корупција побарала осум обвинители, но Советот на јавни обвинители одлучи да добие пет, поради хроничниот проблем со недостиг на кадар ширум државата, вели претседателот на Советот, Ацо Колевски. Систематизација е направена согласно новиот Закон за јавно обвинителство кој стапи на сила пред еден месец.

Според извршената систематизација Обвинителството за организиран криминал би требало да брои 18 обвинители заедно со Русковска. Но, оттаму тврдат дека и ова е мала бројка за потребите на Обвинителството.

„Во моментов обвинителството функционира со 10 јавни обвинители вклучувајќи ја и Основната јавна обвинителка Вилма Русковска која раководи со ова обвинителство. Според обемот на работа предвидениот број на јавни обвинители е далеку од потребите на обвинителството, за што обвинителството достави барање до Советот на јавните обвинители да се прошири Одлуката за определување на бројот на јавните обвинители за уште осум јавни обвинители, со што бројот на јавните обвинители во Основното јавно обвинителство за гонење на организиран криминал ​ќе изнесува 21 јавен обвинител“, велат од Обвинителството за гонење на организиран криминал и корупција.

Претседателот на Советот на јавни обвинители тврди дека состојбата со кадар не е идеална, поради одење во пензија, а во моментов недостасуваат 60 јавни обвинители. Според Колевски некои обвинителства ќе мора да се затворат, како тоа во Тетово, Прилеп Битола и Гевгелија и Свети Николе каде ќе немаат ниту еден јавен обвинител. Нови обвинители се чекаат дури за две години кои согласно законот ќе ги завршат обуките за Академијата. Како едно од решенијата Колевски најави распишување на оглас на почетокот на септември каде што ќе може да се пријавуваат јавни обвинители.

притисни ентер