Најмалку 33 загинати во поплавите во централна Кина, евакуирани десетици илјади лица

Десетици илјади луѓе до денеска се евакуирани од поплавените подрачја во централниот дел на Кина, а властите јавуваат дека на 33 е зголемен бројот на загинати лица, во поплавите што во провинцијата Хенан траат речиси една недела.

Неколку градови се поплавени и насадите се уништени бидејќи катастрофалното време се прошири на север, а официјалната новинска агенција Ксинхуа досега соопшти за 189 милиони долари директни економски штети.

Провинциското биро за метеорологија денеска го крена нивото на предупредување за бура за четирите града од северот на Хенан- Ксинџијанг, Анјанг, Хеби и Џиазуо, на највисокото ниво во четиристепениот систем за предупредување.

Меѓу загинатите се 12-те лица кои беа затекнати во поплавената подземна железница во главниот град на провинцијата Женгжу, на околу 650 километри југо-западно од Пекинг. Низ целата провинција осум лица се водат за исчезнати.

Повеќе од 73.000 луѓе се евакуирани од градот Анјанг, на границата со провинциите Хенан и Хебеи, откако од понеделникот врз градот паднаа над 600 милиметри дожд, јави Ксинхуа.

Врз малиот град Ксинсијанг, на север од Женгжу, од вторникот до денеска се наврнати 812 милиметри дожд, со што е соборен локалниот метеоролошки рекорди, јави Ксинхуа. Се излеаја и седум средно големи вештачки езера, што влијаеше врз многу блиски села и градови.

Од вчера со врнежи се погодени повеќе од 470. 000 лица и повеќе од 55. 000 хектари земјоделски култури, јави Ксинхуа, додавајќи дека локалната влада распореди повеќе од 76. 000 членови на тимовите за пребарување и спасување.

Израелската армија го потврди убиството на висок функционер на Хезболах

Израелската војска потврди дека го убила Али Абед Асан Наим, заменик командант на ракетната дивизија на Хезболах. Тој бил убиен во напад со беспилотно летало во либанскиот регион Базуриех, објавија британските медиуми.

Израелската војска соопшти дека Наим насочил ракетен истрел со тешка боева глава кон израелска територија од Либан. Според израелските воени претставници, убиениот висок функционер на Хезболах бил одговорен за планирање и извршување на напади врз израелски цивили.

„Хуавеј“ минатата година со двојно поголем профит

Кинескиот телекомуникациски гигант „Хуавеј“ денеска соопшти за значително поголем профит во 2023 година, благодарение на силните резултати од неговите оддели за обработка заснована на Интернет и софтвери за автомобили.

Приходите на компанијата се зголемија за 9,63 отсто минатата година, на 704,2 милијарди јуани (99,4 милијарди долари).

Нето добивката се зголеми повеќе од двојно и изнесуваше 86,9 милијарди јуани.

Главниот столб на компанијата минатата година беше неговиот оддел за опрема за ИКТ инфраструктура, со приход од 362 милијарди јуани, што е за 2,3 отсто повеќе од 2022 година. Голем број западни земји забранија инсталирање на опрема на „Хуавеј“ во мобилните мрежи, повикувајќи се на националната безбедност.

Бајден: Постојано работиме да издејствуваме ослободување на Гершкович

Белата куќа објави изјава од претседателот Џо Бајден по повод навршувањето на една година руски затвор на новинарот на Волстрит џурнал, Иван Гершкович.

-Новинарството не е злосторство и Иван замина за Русија да ја врши својата работа на известувач со ризик за неговата безбедност за да се открие вистината за жестоката агресија на Русија против Укаина. Веднаш по неговото неправедно и незаконско задржување тој од затворот испрати писмо до своето семејство, изјави претседателот на САД.

Во писмото новинарот напишал дека „не губи надеж“.

-Како што им кажав на родителите на Иван, јас исто така не губам надеж. Ќе работиме секојдневно да издејствуваме негово ослободуање, рече Бајден.

Тој вети дека САД и понатаму ќе ги осудуваат и ќе воведуваат мерки „за обидите на Русија да ги користи Американците како монети за размена“.

Гершкович беше задржан лани во март. Оттогаш е се уште во притвор и чека судење по обвинение за шпионажа, што е категорично отфрлено од него, неговиот работодавач и владата на САД.

Во случај да биде прогласен за виновен, тој може да биде осуден на 20 години затвор./МИА

притисни ентер