Најбрзиот пат кон ЕУ напредокот во реформите, повици за вклученост во процесите од сите партии

Пристапувањето во Европската унија мора да биде процес во кој има согласност меѓу сите политички партии, и од власта и од опозицијата, а најбрзиот пат кон Унијата се напредок во реформите.

Пристапувањето во Европската унија мора да биде процес во кој има согласност меѓу сите политички партии, и од власта и од опозицијата, а најбрзиот пат кон Унијата се напредок во реформите, уставните измени се суверена одлука на државата, порачуваат претставниците на ЕУ. Од Владата, пак, порака дека одговорност за овозможување продолжување на пристапниот процес има секоја политичка партија, со укажување до опозицијата дека вратата останува отворена за нивно приклучување во работната група за изработка на уставните амандмани.

-Има голем број области каде што треба да се направат реформи и само тоа е патот којшто води напред кон ЕУ. Уверен сум дека оваа земја може да ги унапреди реформите и многу сум уверен, цврсто верувам дека приклучувањето кон ЕУ е достижно многу брзо, изјави вчера евроамбасадорот Дејвид Гир наведувајќи дека имаат редовни контакти со различни политички партии кои се дел од Владата, но и од опозицијата.

Според него, целото прашање за уставните измени е суверена одлука што треба да ја донесе оваа држава.

-Ние зборуваме за сите прашања коишто се релевантни со сите засегнати страни. Но, уште еднаш би сакал да не навлегувам во поединечни детали за разговорите коишто ги имаме со лидери или членови на политички партии. Доволно е да кажам дека сакаме да ја видиме оваа држава како се движи брзо кон ЕУ, патот е отворен, сега имаме одлична можност и сега е времето да се искористи таа можност како што слушнавте од високиот претставник Борел и од комесарот Вархеји минатата недела, потенцира Гир по потпишувањето на Договорот за грант од ЕУ со ЕИБ за пречистителната станица за отпадни води во Скопје.

Тој при тоа ги издвои реформите во правосудството, каде се потребни значајни чекори за натамошен напредок, за кои што рече ЕУ ќе помогне и финансиски и технички. Евроамбасадорот нагласи дека мора да се осигура дека ќе има правосудство што ќе ја има довербата на јавноста и кое ќе биде независно, професионално и објективно.

-Како што знаете Европската Комисија секоја година има извештај за земјата која го следи напредокот преку граница во областа на реформите поврзани со ЕУ и природно ова длабински го разгледува прашањето за реформите во правосудството и владеењето на правото бидејќи е суштински елемент во пристапниот процес. Токму затоа го следиме развојот во секоја фаза од самото отварање на преговорите до приклучувањето на земјата, рече Гир.

Вицепремиерот задолжен за европски прашања Бојан Маричиќ на истиот настан, коментирајќи ја одлуката на ВМРО-ДПМНЕ дека нема да учествува во работната група за уставните измени, рече дека е жално доколку не учествуваат и дека одговорност има секоја политичка партија и секој политичар, посочувајќи дека вратата останува отворена за нивно приклучување.

-Јас сум убеден дека и во ВМРО-ДПМНЕ има луѓе кои го разбираат ова многу добро и кои нема да дозволат да бидат заложници на некаква антиевропска политика. Тоа би било лошо за државата, би било лошо и за најголемата опозициска партија. Ние како Влада сме должни да разговараме,да упатуваме повици и тоа ќе го правиме и понатаму. Нам допрва ни следува разговор за уставните измени и не гледам причина да не учествуваат, па дури и ако се против, дури и ако имаат аргументи против, дајте да ги соочиме на маса, нагласи Маричиќ.

Според него, треба да се искористи шансата што ја имаме со отворањето на преговорите. - Времето не може да го вратиме, но може да ја искористиме шансата што сега ја имаме и да бидеме успешна приказна, рече Маричиќ.

Поддршка од страна на Романија за евоинтеграцијата на земјава вчера изрази специјалниот претставник на оваа држава за Западен Балкан, Адриан Давидоју.

-Специјалниот романски пратеник Давидоју го потврди напредокот кој го имаме направено и изрази очекување дека ќе го искористиме позитивниот политички момент, ќе ги направиме уставните измени и ќе продолжиме со преговарачкиот процес, се наведува во соопштението од владиниот Секретаријат за европски прашања за средбата на Давидоју со Маричиќ.

Подготовката на Стратегијата за реформи во правосудството 2023-2027, како и проектите за дигитализација на судството и обвинителството што во голема мера ќе влијае во сузбивањето на корупцијата и злоупотребите, биле меѓу темите на вчерашната средба на министерот за правда Кренар Лога со амбасадорот на Франција Сирил Бомгартнер.

Како што информират од Министерството за правда, амбасадорот Бомгартнер ги поздравил амбициозните планови на министерот за реформи на целокупниот систем во правда и обвинителство и изрази подготвеност Франција да помогне во сите овие процеси со различна помош, вклучувајќи и екпертската.

Тој исто така го оценил како позитивен ангажманот на министерот Кренар Лога за воспоставување дијалог со опозицијата, почнувајќи од изборната реформа и го охрабрил да продолжи со ваквите процеси кои се битни за евроинтегративниот пат на земјата.

Од опозициската ВМРО-ДПМНЕ, пак го коментираат Извештајот на Стејт департментот на САД за заштита на човековите права во земјава, кој според нив, зборува за висока корупција во сите ешалони на власта. Во однос на судството, отсуството на судска независност и драстично намалена доверба - најниско измереното ниво на доверба во правосудниот систем од независноста на земјата, односно само четири отсто, велат, само ги покажува вистините кои сите ние ги живееме секој ден.

-Извештајот ја лоцира и одговорноста. Екстремно ниската доверба на јавноста во судството се должи на значителна судска корупција, затоа што судиите намерно ги одложуваат судењата или апелационото разгледување за да овозможат стапување на сила на институтот застареност. И за ова не е виновно само правосудството, јасно е дека е виновна Владата, рече прес-конференција секретарот за меѓународна соработка на ВМРО-ДПМНЕ, Стефан Андоновски.

Претседателот на ВМРО-ДПМНЕ Христијан Мицкоски на новинарско прашање во однос на најавата на власта за работни групи за уставни измени и дали смета дека тој процес треба да продолжи го повтори ставот дека уставни измени во овој пратенички состав и во овие околности нема да има.

Повторно отворен аеродромот во Нова Каледонија

 Главниот аеродром на француската прекуморска територија Нова Каледонија повторно ќе биде отворен за сообраќај откако беше затворен еден месец поради големите судири меѓу полицијата и милитантните борци за независност.

Аеродромот Ла Тонтута, кој го поврзува главниот град на Нова Каледонија Нумеа со летови до Сиднеј, Токио, Сингапур и други места, повторно ќе биде отворен в понеделник, се вели во денешното соопштение на високиот комесар на територијата.

Донесена е и одлука полицискиот час да се скрати за околу два часа, поради „подобрување на ситуацијата и да се олесни постепеното враќање во нормален живот, се вели во соопштението на високиот комесар.

Насилството што избувна на 13 мај поради контроверзните реформи за гласачкото право остави девет мртви, вклучително и двајца жандарми, и голема материјална штета. Како што започна кампањата за предвремените парламентарни избори во Франција, францускиот претседател Емануел Макрон ги суспендираше реформите кои би ги промениле избирачките права во Нова Каледонија.

Туристите заробени поради затворањето на аеродромот беа евакуирани со воени авиони.

Олмо е трансфер цел на Манчестер сити

Шпанскиот фудбалски репрезентативец Дани Олмо е трансфер цел на англискиот шампион Манчестер Сити во летниот преоден рок, пренесува весникот „Мундо Депортиво“.

Олмо се поврзува со враќање во Барселона, но каталонскиот гигант не е во поволна финансиска позиција да ја плати откупната клаузула од 60 милиони евра на неговиот сегашен тим РБ Лајпциг.

Интерес за 26-годишниот шпански напаѓач покажуваат и други европски тимови, вклучувајќи ги ПСЖ и Баерн Минхен, но Сити, според медиуми, во моментов е фаворит за негов потпис.

Клучен фактор за иднината на шпанскиот фудбалер ќе биде и фактот дека откупната клаузула во неговиот договор важи до 15 јули.

Јанчев: 81 година од стрелањето на 12те ваташки младинци

Со положување на цвеќе и пригодна културно уметничка програма им беше оддадена почит на 12те ваташки младинци.

81 година од стрелањето на 12те ваташки младинци.

Со положување на цвеќе и пригодна културно уметничка програма им беше оддадена почит на 12те ваташки младинци.

Со свој говор кон присутните се обрати и градоначалникот Митко Јанчев:

"Почитувани присутни,

Од 15 до 28 години имаа 12те млади ваташани кои на 16ти јуни далечната 1943та година на исклучително бесчувствителен и ѕверски начин ги изгубија своите животи, токму на ова место каде што сме денес.

Ако се навратиме 7 години наназад. Сигурно сите се сеќаваме во каква состојба беше оваа локација. Го реконструиравме споменикот, хортикултурно го уредивме целиот простор, го опремивме со урбана опрема. Денес ова е едно од омилените излетнички места на младите и децата.

Изминатата година ги поставивме 12 те бисти на 12те ваташки младинци и ја отворивме спомен собата во нивна чест.

Сето ова е најмалку што можеме да направиме за нивната дадена жртва, за нивниот даден живот за нашата Македонија.

"Смртта стана немоќна пред нашата младост исправена, пред очите наши загледани уште тоа утро во иднината."

Овие зборови се испишани на овој споменик да сведочат за овој крвав злочин.

Никогаш да не ги заборавиме страдањата на овие 12 младинци, никогаш да не заборавиме дека тие, својот живот го дадоа за ова што сме ние денес. За слободата која денес ја имаме.

Слава им. ", истакна Јанчев во својот говор.

притисни ентер