Во најголемиот затвор во земјава Идризово затворениците во редица чекаа за да гласаат. Таму право на глас имаат 854 лица. Повеќето од нив со маски на лицата чекаат да влезат во големата затворска сала каде ги чекаше избирачкиот одбор. Првин им се мери температура по што застануваа на соодветно растојание. за идентификација ги користат своите домски карти по што го добиваа гласачкото ливче.
Но не сите затвореници кои сакаа да гласаат можеа да го створат тоа.
Од избирачкиот одбор велат дека најголем дел од нив биле со истечени лични карти па не биле во Избирачкиот список.
Денеска се гласа во 13 казнено-поправни установи а право на глас имаат вкупно 1.657 гласачи, како и пријавени лица во домашен притвор. Меѓу нив се и притворениците во затворот во Шутка. Оттаму велат дека гласањето се одвива без проблеми.
Гласаат и 357 лица во 17 старски домови но и речиси 9 илјади болни и немоќни. Според првиот човек на ДИК гласањето се спроведува без проблеми.
Најмногу болни и немоќни за гласање се пријавени во Прилеп и во Кичево, потоа во Струмица –Ново Село, Крива Паланка.