Минатата недела биле поднесени 2.123 милиони апликации, според сезонски прилагодените податоци од Министерството за труд.
Континуираниот прилив на нови барања е резултат на отпуштања на вработените во државната, регионалната и локалната самоуправа, чии буџети се уништени од расходите поврзани со ублажување на ефектите од пандемијата на коронавирус, а забележан е и нов бран отпуштања во приватниот сектор.
Податоците се во согласност со очекувањата на економистите, пренесува Ројтерс.
Иако се намалува од недела во недела, бројот сеуште надминува два милиони, веќе 10-та недела по ред. Една недела порано биле предадени 2,466 милиони, според ревидираната бројка на министерството.
Досега најголем број на барања се забележани во последната недела од март, дури 6,86 милиони, потсетува Ројтерс. Вкупниот број на побарувања деновиве надмина 40 милиони.
Посебно министерството за трговија во својата најнова проценка соопшти дека економијата паднала за пет проценти во првиот квартал, што е за 0,2 процентни поени повисоко од претходната проценка.
Ова е најсилниот пад на најголемата светска економија од светската криза од 2007 до 2009 година, потсетува Ројтерс.