Македонија

Над 1,45 милиони заразени со коронавирус во светот, кај нас 617

Во светот досега се регистрирани над 1,45 милиони лицa заразени со новиот коронавирус од кои се починати повеќе од 83,5 илјади, а оздравеле речиси 310 илјади. 

Кај нас, пак, со вчерашните 18 новозаболени пациенти, вкупната бројка достигна 617, а бројот на починати се зголеми на 30 откако вчера починаа три нови лица меѓу кои и 27-годишната родилка од Куманово која е најмладиот досега починат пациент во земјава од Ковид-19. Засега се излекувани 37 лица.

Од новорегистрираните 18 пациенти заразени со Ковид-19, седум се од Скопје, четворица од Прилеп, по двајца од Куманово и Битола, и по еден од Кавадарци, Крушево и Кочани. Дури 72-ца од вкупно 617-те заболени се медицински лица.

Според местото на живеење, досега случаи на Ковид -19 се регистрирани во: Скопје – 261, Куманово -130, Дебар – 49, Штип-20, Прилеп – 38, Тетово – 29, Струга – 28, Велес – 10, Битола – 8, Охрид – 3, Кавадарци – 3, Гостивар – 4, Гевглелија – 4, Струмица – 2, Крива Паланка-3, Радовиш – 4, Крушево – 3 и Кочани – 18.

На Инфективната клиника примени се четири нови пациенти, а во моментов се хоспитализирани вкупно 66 пациенти, од кои седум пациенти се на механичка вентилација. Во болницата „8 Септември" примени се четири нови сомнителни пациенти на коронавирус. Вкупната бројка на позитивни и сомнителни на Ковид-19 во оваа болница е 26 пациенти, од кои осум се во тешка состојба, а тројца пациенти се на респираторна машина. Во болницата во Штип нема нови примени пациенти на болничко лекување. Во моментов се хоспитализирани четири пациенти, од кои еден пациент со средно-тешка клиничка слика со пневмонија и три стабилни. Во болницата во Битола, исто така, нема прием на нови пациенти. Во моментов има четири пациенти кои се на хоспитален третман се стабилни.

Во изминатото деноноќие направени се 351 теста. Од нив преку ИЈЗ-185, преку Ветеринарен факултет –19, Авицена –22 , Биотек –25 и Фипил Втори (Жан Митрев) –100 . Досега во земјата се направени 6.230 тестирања на Ковид-19.

Турција вчера попладне со авион на турската армија на земјава и достави помош од 50.000 парчиња заштитни медицински маски, 1.000 заштитни скафандери, 1.000 дијагностички тестови и друг медицински материјал.

Вчера стапија во сила и новите владини мерки, што предвидуваат забрана за движење за сите граѓани на ниво на целата територија, секој работен ден, од понеделник до петок, од 16:00 часот до 05:00 часот наредниот ден, а од викедот што следува на целата територија на земјата ќе биде воведен полициски час од петок од 16:00 часот до 05:00 часот во понеделник. /МИА

Македонија

Мисајловски: За да направиме историска победа за Македонија, ни треба поддршка од целиот народ

Денеска започнува првиот ден од изворната кампања за парламентарните избори. Денеска од тука, паркот во Ѓорче Петров сум заедно со Бојан Стојаноски и Габриела Калкова кои се на нашата листа за кандидати за пратеници.

Од тука сакаме да ги повикаме сите граѓани, не само од Ѓорче Петров, туку од целата ИЕ 2 да ни се приклучат.

Да ни се приклучат во оваа наша кампања, бидејќи ќе ја тераме секој ден една позитивна слика за Македонија ќе понудиме за граѓаните многу проекти и ќе понудиме подобар стандард за сите.

Ни ќе започнеме позитивно, како и секогаш.

Јас како носител во ИЕ 2 од секогаш кажувам дека на народот му треба надеж, му требаат промени, но му треба и позитива да види дека сме различни.

Доста беа црнила, доста беа црни сценарија во последниве седум години.

Видовме дека овие што се на власт ниту работат, ниту мислат добро за Македонија.

Затоа ние во нашата програма предвидуваме многу проекти.

Предвидуваме зголемени пензии уште во првата година за сите пензионери линеарно, но исто така повисоки плати, подобра здравствен систем, подобро образование, се разбира сите дечиња да имаат учебник и се она што секој еден граѓанин го засега.

Но, за да направиме историска победа ни треба поддршка од целиот македонски народ!

Таа победа би била победа за сите граѓани!

Треба Македонија да биде повторно твоја, да биде повторно на сите граѓани!

Затоа ги повикуваме сите ад се приклучат, бидејќи Македонија е во нивни раце!

Промените се во рацете на сите граѓани!

Промените стартуваат од тука, од Ѓорче Петров и насекаде во Македонија!, рече Владо Мисајловски, потпретседател на ВМРО-ДПМНЕ и носител на изборна единица 2.

Македонија

ДУИ симулираше седница на која Бугарите влегоа во Уставот, Села е претседател на Собранието

Со Ода на радоста отпеана на албански јазик Европскиот фронт ја започна камапњата за парламентарните избори. 

Преку симулација на конститутивна собраниска седница по изборите на 8-ми мај на која лидерот на итегративците Ахмети беше во улога на собраниски спикер, иако ораганизаторите немаа обезбедно елекронско галсање - со кревање на зелен картон наводните пратеници едногалсно го избраа Зијади Села за собраниски претседател. Поздравувајќи го громогалсен аплазу потсетија дека Села за малку ќе го загубел животот при изборот на Талат Џафери за собраниски претседател, а сега Џафери го гласа Села за прв човек на Собранието.

„Предлогот Зијадин Села да биде избран за претседател на Собранието на Македонија го ставам на гласање, кој е за.. констатирам дека Зијадин Села е избран за претседател на Собарнието’-– Али Ахмети, носител на листа во ИЕ6 .

„Почитувани пратеници благодарам за довербата. Продлжуваме со следните точки на дневниот ред“-– Зиајдин Села, носител на листа во ИЕ5 .

На дневен ред на симулираната седницата глатко поминаа и уставните измени и со максимални 120 галасови Бугарите влегоа во Преамбулата на македонскиот Устав. Усвоена беше и иницијативата за избор на претседател во Собранието со 2/3 мнозинство и со Бадентер.

„Констатирам дека со 120 гласа „за“ овие уставни измени на Северна Македонија се усвојуваат. Честитам и многу успеси„-– Зиајдин Села, носител на листа во ИЕ5 .

„ Држава која несамоволно одлучува за малите заедници кои немаат можност да бидат рамноправни, како постулат тоа го имавме предвид, затоа едногласно ја поддржуваме измената на Уставот, поддржуваме по пет години актуелниот претседател да покрене иницијатива шефот на државата да биде избран во Собранието, бидејќи тоа е директен одраз на застапеноста на граѓаните во највисокото законодавно тело“.-– Али Ахмети, носител на листа во ИЕ6 .

Симуалцијата беше заокружена со инаугураниција на престедателот Бујар Османи, кој по дадената свечена заклетва им се обрати на пратениците порачувајќи им дека со неговиот избор се срушиле и последните бариери за што граѓаните не можеле ниту да сонуваат.

Свет

Германскиот извоз во Иран значајно зголемен од почетокот на годината

Во јануари и февруари извозот на германска стока во Иран е зголемен за 22 отсто во однос на истиот период лани, на 241 милион евра. Увозот, пак, е намален за 13 отсто, на 41,2 милиони евра.

Извозот на Германија во Иран значително се зголеми на почетокот на годината, оздразувајќи го опоравувањето на размената во однос на ниската споредбена основа во 2023 година под влијание на построги санкции кон Техеран, објави денеска германскиот Заводот за статистика (Дестатис).

Во јануари и февруари извозот на германска стока во Иран е зголемен за 22 отсто во однос на истиот период лани, на 241 милион евра. Увозот, пак, е намален за 13 отсто, на 41,2 милиони евра.

Германија на почетокот на годината извезуваше главно машини и хемиски и фармацевтски производи во Иран. Во увозот доминираа прехранбените производи, главно ф'стаци и текстилните производи, меѓу кои и теписи. Во првите два месеци од годинава, Иран се најде на 64-то место на листата на германски извозни дестинации, зад Колумбија и пред Северна Македонија. Уште поскромниот обем на размена го покажува 91-то место на Иран во рангирањето на добавувачи.

Минатата година германскиот извоз во Иран е намален за 24,2 отсто, а увозот за 18 отсто, наведува Дестатис. Размената пропадна во 2018 година бидејќи САД се повлекоа од меѓународниот договор за иранската нуклеарна програма и воведоа нови санкции кон Техеран, потсетува Заводот за статистика. Во јули 2023 година, санкциите беа заострени поради поддршката на Иран за руската инвазија на Украина, додаваат статистичарите.

притисни ентер