Македонија

Набавката на налепниците со назнака „НМК“ создаде хаос на станиците за технички

Нервоза, нетрпеливост и долги редици од возачи и возила, набавката на налепниците со назнака „НМК“ создаде хаос на станиците за технички прегледи, особено на шалтерите на МВР кои денеска се преполни..

Главоболките на граѓаните се поголеми, бидејќи не секаде можат да се најдат, некои од станците воопшто не добиле, други пак ги потрошиле... Дополнителен проблем имаат возачите чија сообраќјна дозвола го носи името Република Македонија, а нејзината промена исто така ги чини пари...

Лепенки секаде нема, а не можат ниту да се земат ако сообраќајната дозвола не е со новото уставно име, што на граѓаните им создава дополнителен трошок од 1000 денари...

Досега непознатниот трошок доведе до негодување кај возачите...

Имав проблем со сообраќајната, ја сменив пред шест месеци кога бев на технички преглед со возилото, ми дадоа Република Македонија, без Северна, сега треба пак да платам за да ја сменам, 250 е редовната цена, плус некоја такса тука што ја земаат од 700 денари.../ Не е проблем, не е проблем, бидејќи сме такви какви што сме...

Други пак, бидејќи треба а патуваат, поради недостаток на налепеници дури менуваат и регистарски таблички , што ги чини најмалку 2000 денари, а некаде пак воопшто нема ниту регистарски таблички..

Налепници нема денес ми рекоа, а бидејќи патувам ги менувам таблиците уствари по ново и штом имаш нови таблици не мора да имаш лепенки. Колку плативте? 2200 речиси, сега трева и 300 денари за зелениот картон да го сменам, а после и полисата ќе треба изгледа „јово-на ново“ да ми ја издадат со новиот број да биде../ Немаат таблици, дојдов да ја променам таблицата ми рекоа немаат, пак треба да дојдам да чекам 2 часа во четврток. Лепенка не сакам да ставам, може да се одлепи и да имам проблем...

Дел од возачите кои ги добија налепниците се пожалија токму на начинот на кој што тие се поставени од страна на контролорите на станиците за технички преглед. Велат чекале од 8 часот наутро за некој да не си ја заврши работата, бидејќи, неправилното лепење може бргу да ја оштети налепницата

Кога го дочекав конечно редот, стручниве служби да ги залепат како што треба и повелете сега, залепени се врз буквите, некој сакајќи или не сакајќи може да ги оштети.. Сега не знам што е проблемот, МВР вика контролорите, контролорите викаат МВР, јас сега колава нема да ја тргнам додека не ми ги залепат соодветно.

Засега не се предвидени казни за оние кои нема да ги променат налепниците, но веќе од утре, граѓаните кои нема да ја имаат назнаката „НМК“ нема да можат да патуваат со своите возила надвор од Македонија...

Фудбал

17- годишен англиски фудбалер колабирал и починал на теренот

Огромна тага го погоди островскиот фудбал.

Младиот фудбалер Кејлен Денис (17) починал на натпревар на неговиот клуб Волтамстоу на нисколигашките терени во Англија, соопштија од клубот.

На натпревар на селекцијата до 23 години, тој ненадејно колабирал и покрај реакцијата на лекарскиот тим, набрзо починал.

Тој е роднина на многу попознатиот напаѓач Рајан Брустер, кој настапува за Шефилд Јунајтед, а нему му го посвети голот што го постигна претходната вечер против Милвол во Чемпионшип.

- Бевме потресени кога дознавме дека Денис починал за време на натпреварот. Испраќаме најдлабоко сочувство до неговото семејство, пријателите, соиграчите и сите што го познаваа – објави Волтамстоу.

Во продолжение погледнете како Брустер му го посвети голот на својот братучед.

Македонија

Земјоделските инспектори во контрола на откупните пунктови за тутун во прилепскиот регион

Денеска директорот на Државниот инспекторат за земјоделство, Васе Анакиев, заедно со инспекторите од ДИЗ, беа во контрола на откупните пунктови за тутун во прилепскиот регион.

За време на остварената контрола беше констатирано дека откупот тече во нормални услови и интензитет. Тутунот од прва класа се откупува по цена од 375 денари, додека кај едена компанија откупувач е постигната цена од 400 денари по килограм.

Директорот Анакиев посети неколку пунктови од вкупно пријавени 287 на територијата на државата. Во текот на извршените контроли е утврдено дека се пријавени 305 ваги.

Воедно, од Државниот Инспекторат на Земјоделство информираа дека од почетокот на откупот, до сега се откупени вкупно 6.360.485,24кг 1 класа тутун, 13.485,59кг втора класа и 556,81кг трета класа тутун. Вкупната бројка е 6.374.550,44кг, додека просечната откупна цена изнесува 376,00 денари. Од овие количини исплатени се вкупно 57% од откупените количини кон тутунарите.

Инспекторите на ДИЗ остануваат и понатаму на терен каде будно ќе го следат и контролираат откупот, соопштуваат од МЗШВ.

Свет

Руте со драматично предупредување: Не сме подготвени за она што доаѓа

Првиот човек на НАТО, Марк Руте, предупреди дека Алијансата не е подготвена за заканите со кои ќе се соочи од Русија во наредните години и дека е време да почне да размислува воинствено.

„Не сме подготвени за она што ни доаѓа за 4 до 5 години.“

Руте рече дека членките на НАТО потрошиле повеќе од 3 отсто од БДП за одбрана за време на Студената војна и нагласи дека идните распределби ќе мора да бидат значително повисоки од сегашната цел на Алијансата од 2 отсто, што е договорено како минимум.

Иако Алијансата колективно ја исполнува таа цел, околу една третина од нејзините членки не ја исполнуваат поединечно.

Новоизбраниот американски претседател Доналд Трамп, кој ја презема функцијата на 20 јануари, се закани дека САД нема да ги бранат „неодговорните“ земји.

Алијансата се заснова на принципот дека нападот врз една членка се смета за напад врз сите, а коментарите на Трамп поттикнаа стравувања за тоа дали САД ќе одговорат во криза.

„Русија се подготвува за долгорочна конфронтација, со Украина и со нас“, рече Руте за време на говорот во Брисел.

Тој, исто така, истакна дека НАТО мора да биде реален за амбициите на Кина и предупреди дека Пекинг значително ги зајакнува своите воени сили и врши притисок врз Тајван.

Руте рече дека моменталната безбедносна ситуација е „најлошата во мојот живот“, пренесува Sky News.

притисни ентер