Македонија

На полноќ завршува рокот за поднесување листи за пратеници

На полноќ завршува и рокот за поднесување листи за пратеници.. До попладнево четири коалиции и партии ги имаа доставено до ДИК..

Неизвесноста заврши, изборната битка може да почне. Политичките партии и коалициите ги стокмија листите со кандидати кои ќе се тркаат на изборите на 8 мај. Најголемите партии со истакнати имиња на првите позиции, а сметките ќе им ги поматат помалите. Тие се предложени од пет коалиции и засега од три партии кои самостојно ќе настапат.

Во првата изборна единица главната битка ќе се води меѓу претседателите СДСМ и ВМРО-ДПМНЕ, но и лидерите на некои од помалите. Копјата ќе ги кршат Димитар Ковачевски и Христијан Мицкоски, а „запршка“ во изборното соочување ќе додадат и Блерим Беџети од ДУИ, Изет Меџити од „Вреди“, Добрила Андоновска која доаѓа од ГРОМ, Бобан Карапејовски од „Знам“, како и лидерот на Левица, Димитар Апасиев. Меѓу оние што најавија учество е и скопската градоначалничка Данела Арсовска која неодамна ја презеде партијата Нова Алтернатива, но засега нема потврда.

Во „двојката“ од коалициите на СДСМ и ВМРО-ДПМНЕ ќе се соочат Оливер Спасовски и Владо Мисајловски, додека во албанскиот блок Садула Дураку од ДУИ и Африм Гаши од Вреди. Во третата изборна единица силите ќе ги одмерат Сања Лукаревска и Драган Ковачки, Павле Арсоски од ЗНАМ, како и актуелниот пратеник на Левица, Борислав Крмов.

Неизвесна трка меѓу СДСМ и ВМРО-ДПМНЕ се очекува и во „четворката“. Таму носители на изборните листи се поранешниот министер Венко Филипче и потпретседателот на опозициската партија, Александар Николоски.

Први во петтата ИЕ од коалициите на власта и опозицијата во македонскиот блок се Јован Митрески и Ѓорѓија Сајкоски, како и Весна Бендевска од ЗНАМ и Јована Мојсоска од Левица. Во албанскиот кампус ќе се соочат ривалите од двете крила на Алијанса за Албанците - Зијадин Села, кој предизборно му се приклучи на Европскиот фронт на Ахмети и Салим Сулејмани кој е носител од крилото на Таравари и албанската опозиција. Изненадување за дел од јавноста е што на листата од редовите на ЗНАМ се најде и популарниот Божидар Божиновски познат како Моџо Килингтон

Лидерите од албанскиот блок, пак, силите традиционално ќе ги одмерат во шестата изборна единица. Од интегративците носител ќе биде нивниот лидер Али Ахмети, а него ќе го предизвика актуелниот градоначалник на Тетово и лидер на Беса, Биљал Касами. Кај СДСМ и ВМРО-ДПМНЕ, носителите ќе бидат жени. Од социјалдемократите ќе биде актуелната министерка за одбрана Славјанка Петровска, додека кај ВМРО-ДПМНЕ тоа ќе биде пратеничката Дафина Стојаноска.

Рокот за поднесување на пратеничките листи истекува на полноќ.

Свет

Во еден ден му извадиле 20 заби и му вградиле 12 импланти- се вратил дома и починал

Жителка на кинескиот град Јонгканг, неодамна поднела жалба до Општинското здравствено биро, а по смртта на нејзиниот татко.

Г-ѓа Шу наведува дека на несреќниот човек во еден ден во локалната стоматолошка клиника му биле извадени 20 заби и вградени 12 импланти. Таа тврди дека тоа ја предизвикало неговата прерана смрт 13 дена подоцна.

Ќерката тврди дека таткото во последните денови од животот претрпел „страшни болки“, пред да доживее срцев удар на 28 август, пренесува Oddity Central.

Таа бара одговорните да бидат изведени пред лицето на правдата.

Според писмената согласност на пациентот, на мажот му биле извадени природните заби, по што на вилицата му биле дупнати 12 дупки за импланти.

Претставникот на клиниката, каде што била извршена процедурата, објаснува дека бројот на заби кои може да се вадат одеднаш го одредува лекарот, врз основа на општата состојба на пациентот.

Не постои специфична регулатива, а клиниката и лекарот мора да ја имаат предвид толеранцијата на болката на пациентот и ризикот од инфекција.

„Колку повеќе заби отстранувате, толку повеќе пациентот реагира на болка и поголема е веројатноста за постоперативна инфекција“, рече Ксијанг Гуолин, директор на Центарот за орална медицина во Вухан.

Истрагата е во тек, но претставник на Општинското биро за здравство изјави дека „докажувањето на вината може да биде тешко“, со оглед на тоа што смртта настапила 13 дена по постапката.

Свет

Ужас во Франција: Маж си ја убил сопругата и двете мали деца, на една и 5- годишна возраст

Во Морман, во Сена-ет-Марн, во областа Ил-д-Франс, е уапсен човек кој рекол дека штотуку го убил „своето семејство“.

Околу 06:00 часот во Мормант, полицаец кој не бил на должност, кој одел на работа, видел маж вооружен со нож како напаѓа друг минувач на улицата, објави ТВ БФМ.

Пешакот е повреден во раката, а другиот во вратот, „и двајцата без значителни последици“, изјави обвинителот Жан Мишел Бурле.

Полицаецот успеал да го стави под контрола и да го уапси.

Потоа рече дека штотуку го убил „своето семејство“, сопругата и двете деца на една и петгодишна возраст.

Осомничениот нема криминално досие, туку „психијатриска историја“, додаде обвинителот.

Тој во моментов е хоспитализиран за да се утврди дали е способен да биде во притвор.Отворена е истрага за убиство со умисла, соопшти обвинителот.

Во Франција во просек се случува фемицид на секои три дена.

Во 2023 година, родителите убиле повеќе од 60 деца, според Voa d-lanfan, здружение кое брои убиства врз основа на случаи објавени во медиумите.

Живот

„Операција саксија“ е во тек во Амстердам, жителите во тешка меѓусебна кавга

Властите во холандската престолнина Амстердам ја почнаа „операција саксии“, бидејќи, како што истакнаа, прекумерното поставување саксии околу зградите го загрозува пристапот до објектите.

Жителите со вознемиреност реагираа на плановите на властите во Амстердам да ги отстранат, според нив, непромислено поставените саксии, објави Гардијан.

Во пристапот што локалните медиуми го нарекоа „операција саксии“, централниот кварт на холандската престолнина ги ограничува жителите да постават два саксии со дијаметар од 50 сантиметри, направени од „одржлив“ материјал и поставени на предниот ѕид на зградата.

Ќе се отстранат цели „градини“ со саксии на паркинзи и под дрвја, се вели во меморандумот на градските власти.

На состанокот на градскиот совет во вторникот, претседателката на Централниот извршен комитет на Амстердам, Амели Стренс, рече дека напуштените саксии со цвеќиња се непривлечни, лоши за биолошката разновидност и ги прават објектите помалку достапни за оние кои користат помагала за мобилност и инвалидски колички.

Некои жители на Амстердам се задоволни што градот реагира на загриженоста на луѓето за преполните тротоари, додека други посочуваат дека напуштените или паркирани велосипеди и тераси во баровите зафаќаат голем дел од јавните површини, како и отпадот, наведувајќи дека преголем број туристи го посетуваат градот.

притисни ентер