МЗ : Намалувањето на изложеноста на сонце го намалува ризикот за појава на рак и стареење на кожата

Клиниката за дерматологија предупредува дека прекумерното изложување на сонце, особено на УВ зраци од сончевиот спектар, од најраната детска возраст, е главната причина за појавата на меланомот, не-меланотичниот кожен рак и стареењето на кожата.

Најголемо влијание имаат изгорениците од сонце, но и долготрајното изложување на сонце без појава на изгореници е ризик фактор за појава на штетните ефекти на УВ зраците. Луѓето со светол тен и светла боја на очите кои лесно горат на сонце, имаат многу бенки или пеги, црвена или светла коса, се со особен ризик за развој на кожен рак и стареење на кожата.

„Намалувањето на времето на изложеност на сонце го намалува ризикот за појава на кожниот рак и стареење на кожата. Но, не се препорачува ниту целосното избегнување на изложеност на сонце заради многубројните позитивни ефекти на сонцето, како што се синтезата на витаминот Д, антидепресивното влијание и поволното дејство на кардиоваскуларниот систем. Најсигурна заштита е да не се излегува на сонце во периодот од 11.00 до 17.00 часот. Особено треба да се внимава кога УВ зрачењето се зголемува заради рефлексијата од снегот, белиот песок или бетонот. Облаците во мал степен претставуваат заштита од сончевото зрачење, додека пливањето во вода или ветер не обезбедуваат заштита." – информираат од Клиниката.

Од установата препорачуваат кожата да биде заштитена со облека, најдобро густо ткаена, широка облека, да се носи шапка за заштита на лицето, вратот и ушните школки, како и очила со УВ заштита. Важно е да се биде сокриен од сонцето пред кожата да се зацрвени. Сенка од дрвја со густа крошна или од зграда би било идеално решение.

Лекарите препорачуваат и да се користат креми со висок заштитен фактор (најмалку SPF 30) за заштита од УВБ зраците кои предизвикуваат изгореници или крем со 4 или 5 ѕвезди на логото со што се овозможува заштита од УВА зраците кои се одговорни за појава на кожен рак и стареење на кожата. Редовното нанесување на заштитен фактор на секои два часа е битно за реактивација на кремот.

Луѓето кои примаат лекарска терапија или имаат заболувања кои ги прават особено осетливи на сончевата радијација треба да побараат совет и терапија од своите доктори, а бебињата и малите деца воопшто не треба да се изложуваат на директно сончево зрачење, соопштуваат од Министерството за здравство.

Поранешниот италијански премиер ќе ги контролира здравствените системи во Европаа

Поранешниот премиер на Италија, Марио Монти е назначен да ја предводи пан-европската комисија за да утврди како реагирале здравствените системи во различни земји на пандемијата на коронавирус.

Европската регионална канцеларија на Светската здравствена организација (СЗО) соопшти дека комисијата исто така „ќе дава препораки за инвестиции и реформи за подобрување на еластичноста на здравствените и социјалните системи“.

Повеќе детали за комисијата ќе бидат познати на 26 август кога ќе се одржи инаугуративната конференција, објави денеска СЗО.

Членовите на комисијата вклучуваат поранешни шефови на држави и влади, научници и бизнисмени, како и претприемачи.

„Оваа пандемија ги истакна нееднаквостите и поделбите кои ги парализираат нашите општества и го спречуваат напредокот и одржливиот развој“, рече Монти, кој е претседател на Универзитет „Бокони“ во Милано и поранешен европски комесар.

Комисијата исто така треба да се осврне на иднината на здравствените и социјалните системи во Европскиот регион на СЗО. Конечниот извештај е закажан за септември 2021 година.

Ханс Клуге, раководител на Регионалната канцеларија на СЗО со седиште во Копенхаген, рече: „Наша задача е да го позиционираме здравјето на врвот на политичката агенда во рамките на целите за одржлив развој и да ја зајакнеме еластичноста на системите за здравствена и социјална заштита во 53-те членки на Европскиот регион на СЗО. "

Во 2015 година, Обединетите нации се согласија за целите на одржливиот развој, широк спектар на цели за решавање на глобалните проблеми.

Доброто здравје и благосостојбата е една од 17 категории. Другите вклучуваат сиромаштија, глад, родова еднаквост, климатски промени и економски раст.

Без масовно присуство на протестот за спас на Универзална сала

Вечерва изостана масовноста на протестот  за спас на Универзалната сала, кој преку иницијативата Солидарни за срцето на Скопје се најавуваше последните денови.

Иницијативата на фејсбук, потекна по објавата на конкурсот, за идејно решение за парк со летна сцена кој според замислите на градските власти, би требал да никне на местото на „Универзална сала“.

По бурните реакции во јавноста на иницијативата и се придружија повеќе уметници.. Но вечерва немаше масовна присутност а речиси и никој од присутните не сакаше да зборува пред камерите.. Но тоа го стори еден од поранешните директори на Универзална, Петар Георгиевски.

Павле Трајанов и Љупчо Пренџов во „Само Вистина“

Вечерва во „Само вистина“ гости беа Павле Трајанов и Љупчо Пренџов

Трајанов изнесе оптимизам дека во наредните 2-3 дена Заев ќе успее да обезбеди парламентарно мнозинство врз основа на што би го добил мандатот за формирање влада. Според Трајанов ДУИ уценувале за премиер Албанец во рок од 6 месеци до една година и за повеќе места на извршни функции поради поголемиот број освоени пратенички мандати.
Пренџов истакна дека ако Заев и Ахмети ја сочинуваат повторно идната владејачка коалиција тоа би било погубно за Македонските евроинтеграции зашто дури тогаш ЕУ немало да ни даде датум за преговори , поради големиот криминал и корупција што го направиле овие две партии.

Трајанов и Пренџов спорат на што се должи бројот на освоени гласови во првата изборна единица.Според Трајанов голем број гласови на коалицијата ,,Можеме“ се изгубиле поради уставните измени и промената на името а дека опозицијата не сакала да учествува во процесот а сакала да ги користи бенефитите.

Пренџов ги оцени за измама сите,,прелети“ на пратеници од една во друга партија во Собранието,измама за која треба да се одговара. Иако дел од коалицијата предводена од ВМРО ДПМНЕ Пренџов рече дека за ГРОМ системот на меници за пратениците не бил познат и не се применувал.
И Трајанов рече дека е против менување на партискиот дрес. Рече дека бланко поддршка за новата влада нема и дека ако Заев не успее да формира влада, тие како ДС ќе бидат во опозиција.

Погледнете ја целосно вечерашната емисија „Само вистина“ овде.

притисни ентер