МПЦ-ОА го цени за добар потегот на претседателот Пендаровски да испрати писмо до Вартоломеј

Претседателот Пендаровски упати писмо до Вселенскиот патријарх со замолница и на православните христијани во земјава да им биде дозволено да станат дел од светската христијанска екумена. 

Добар потег и знак е писмото од претседателот Стево Пендаровски до Вселенскиот патријарх Вартоломеј како своевидна заложба на врвното раководство на државата да го помогне и поттикне решавањето на статусот на Македонската православна црква- Охридска архиепископија ,изјави за Канал 5 портпаролот на Синодот на МПЦ-ОА Митрополитот Дебарско -кичевски Тимотеј.

Отец Тимотеј информира дека очекуваат по излегувањето на вакцината за ковид 19, да се случи и средбата со Вселенскиот патријарх Вартоломеј кој ја најави сам со покана на претставници од МПЦ и од Српската православна црква за да ги соочи двете гледишта.

Но и без физичка средба, разговори директно со Вартоломеј и со негови претставници имало целиот овој период , вели Тимотеј во разговор со Канал 5 но детали од тие разговори засега се чуваат во тајност.

Инаку во писмото кое денеска му го испрати претседателот Пендаровски на Вселенскиот патријарх по повод почетокот на Новата црковна година , побара од него да го искористи своето апелационо право и да ги направи нашите граѓани и верници од православна вероисповест да бидат еднакви со другите во светот.

-Ви се обраќам во името на голем дел од моите сограѓани коишто се идентификуваат како православни христијани и чија единствена желба и потреба е да се смират со своите ближни и да се упатат кон заедничката иднина, кон соживотот и кон вистинската слобода. Во оваа насока би сакал да упатам барање до Вашата Сесветост да го уважи повикот на нашиот благочестив народ и на нашата Црква да го употребите своето апелационо право, со што нашите граѓани од православна христијанска вероисповед, конечно, ќе ја добијат можноста да бидат еднакви со сите останати православни христијани во светот, напиша шефот на државата во писмото до вселенскиот патријарх.

Покрај Пендаровски, на почетокот на годинава седиштето на Вселенската патријаршија го посетија актуелниот премиер Зоран Заев и актуелниот министер за внатрешни работи Оливер Спасовски. Ним Вартоломеј им вети дека се нафатил да работи за надминување на црковниот спор и дека ќе повика делегации на двете цркви за лично да го запознаат со своите видувања за тоа како е најдобро да се реши долгогодишниот проблем а со тоа да се устоличи и автокефалниот статус на Македонската православна црква -Охридска архиепископија. .

Македонија го празнува 23 октомври- Денот на македонската револуционерна борба

Македонија денеска го празнува 23 октомври- Денот на македонската револуционерна борба.

Во рамки на годинешното одбележување на празникот Владата организираше положување на свежо цвеќе на споменикот на Гоце Делчев во градскиот парк во Скопје, на настанот присуствуваше владина делегација составена од заменик министерот за финансии, Димитар Ковачевски, заменик министерот за култура, Седат Сулејмани и националниот координатор за воени и полициски ветерани, Стојанче Ангелов.

На спомен куќата на Петар Поп Арсов во Богомила, претпладнево владина делегација предводена од министерката за култура, Ирена Стефоски ќе положат свежо цвеќе.

Билд: Германија се подготвува за вакцинација

Германија се подготвува да започне вакцинација против коронавирусот пред крајот на годината, пишува Бидл.

Министерството за здравство планира да формира 60 посебни центри во кои ќе се изврши вакцинација.

Како што дознава Билд, министерството од 16 сојузни држави побарало да ги достават можните адреси за тие центри до 10 ноември.

Германскиот министер за здравство Јенс Шпан претходно рекол дека очекува дека вакцината против коронавирусот ќе биде подготвена во првиот квартал од следната година. Тој рекол и дека германски „BioNTech“ е близу до одобрување на својата вакцина.

Усвоен Предлог-законот за финансиска поддршка за исплата на плати

Владата го усвои Предлог-законот за финансиска поддршка за исплата на плати за октомври, ноември и декември.

Предлог-законот за финансиска поддршка на работодавачите погодени од КОВИД-19 кризата за исплата на платите за октомври, ноември и декември 2020 година, предложен од Министерството за финансии, вчера беше усвоен од страна на Владата и истиот ќе биде доставен на усвојување до Собранието.

Работодавачите ќе можат да аплицираат за финансиска поддршка до 21.776 денари по вработен, до 7-ми во месецот за претходниот месец, а корисници можат да бидат фирмите кои имаат најмалку 30% пад на приходи во референтниот период од април до октомври 2020 година, спроедено со истиот период минатата година.

Со оваа мерка ќе се поддржат работните места, платите на вработените, како и дека ќе се инјектираат околу 70 милиони евра во стопанството и ликвидносно ќе се поддржат компаниите. Тој посочува дека претходната мерка дала резултати - инјектирани се преку 83 милиони евра во стопанството, заштитени над 120.000 работни места, но исто така и стандардот - ако се земе предвид дека и покрај Ковид-кризата просечната плата заклучно август е повисока за 8,2% на годишно ниво.

Со новиот предлог-закон мерката е уште потаргетирана, односно на фирмите потешко погодени од кризата, предвидено е да им се исплаќа повисока финансиска поддршка. Имено, кај фирмите кои имаат намален приход од 30% до 40%, ќе добијат финансиска поддршка до 14.500 денари по вработен; за намален приход од 40,01% до 50% предвидени се до 15.955 денари по вработен; за намален приход од 50,01% до 60% до 17.410 денари по вработен; за намален приход од 60,01% до 70%, до 18.865 денари по вработен; за намален приход од 70,01% до 80%, до 20.320 денари по вработен и за намален приход од над 80% износот на финансиска поддршката за исплата на плати ќе изнесува до 21.776 денари по вработен. Во однос на подоброто таргетирање - со предлог законот е утврдено дека не се опфатени фирми кои оствариле поголем профит од 10 милиони евра кумулативно во последните три години.

Како рефрентен период во законот се зема финансискиот резултат на фирмите од април до октомври, ноември и декември 2020 година и се споредува со истиот период лани. Во случај фирмата да е регистрирана по септември 2019 година, се зема датумот од запишување во Централен регистар.

Фирмите кои аплицираат за мерката не можат да исплатуваат дивиденда и награда за деловна успешност или друг вид годишна награда до денот на исплата на платата за декември 2020 година.

Во однос на работниците, фирмите кои аплицираат за финансиска поддршка можат да имаат најмногу 10% од вработените со месечна нето-плата од над 120.000 денари. Фирмите не можат да аплицираат за финансиска поддршка за плата за вработен кој во јуни, јули, август и септември остварил нето плата повисока од 39.900 денари за секој месец одделно на полно или неполно работно време. Исто така, мерката нема да може да се користи за вработени за кои се користи мерката „Македонија вработува", како и за вработени кои се ангажирани за дополнително работење.

Работодавачите кои користат финансиска поддршка, бројот на вработени нема да смеат да го намалуваат два месеци по завршувањето на месецот за кој е користена финансиската поддршка, заклучно со месец февруари 2021 година, освен во случај на пензионирање, откажување на договорот за вработување од страна на работникот, спогодбено преземање на работникот, откажување на договорот за вработување без отказен рок од страна на работодавачот поради кршење на работниот ред и дисциплина или работните обврски и слично.

Предвидени се и заштитни механизми во предлог-законот, за да платата стигне во целост до работникот. Имено, во случај работодавачот да исплати помала плата на работникот од сумата која му е доделени превидени се глоби до 10 илјади евра, во зависност од големината на правниот субјект.

Министерство за финансии

притисни ентер