Настаните во Охрид со целовечерните журки и непочитување на прописите за заштита од неширење на Корона вирусот , во вечерашната ,, Само Вистина“ професорката Најчевска ги коментира како одраз на општеството и долгогодишното акумулирање на негативна енергија и дека треба сите прекршители на уредбите да се казнат со вршење на општествено корисна работа во траење по неколку часа во период од 2-3 недели.
Зиков сугерира враќање на рестриктивните мерки од април и мај бидејќи така отворени места како одморалиштето,, Градиште“ можат лесно да се претворат во гнезда и дувла на несоодветно однесување и користење дрога, каков што е и сега случајот.

Зиков и Најчевска во емисијата ја коментираа идејата на ДУИ за Албанец премиер која доминираше во предизборието а за која сега ДУИ ретерира. Зиков смета дека барањето на ДУИ за Албанец премиер е легитимно но не би била легитимна владата предводена од една таква личност.
Најчевска и партијата,, Твоја“ сметаат дека ДУИ треба да одат во опозиција зашто е долго на власт и е посочувана за партија длабоко инволвирана во криминал. И дека наместо да се залага за премиер Албанец треба да се залага за најдобар премиер, најдобар министер, и се додека е така колку и во кошница да се остават само три скапани јаболка тие ќе ги расипат другите, смета Најчевска.

И Најчевска и Зиков во претстојниот период не очекуват некои позначајни превирања на политички план но предвидуваат Влада која би го немала комодитетот за стабилно владеење. Најчевска дури и цени деак владата би била нестабилна и дека сето тоа ќе причини да се јави потребата набрзо да се организираат повторни избори , заедно со локалните наредната година. Зиков не излезе со предвидување дека владата би била со краток здив но не исклучи можност таа да губи од својата стабилност поради демонстрацијата на цврстина во спроведувањето на реформските зафати.

Погледнете ја целосно вечерашната емисија „Само вистина“ овде.